28. mars

Feb – Mars – Apr
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2012 Allir dagar

28. mars er 87. dagur ársins (88. á hlaupári) samkvæmt gregoríska tímatalinu. 278 dagar eru eftir af árinu.

Atburðir

• 845 - Víkingar réðust á París og rændu og rupluðu. Heimildir greina frá því að í fararbroddi hafi verið víkingur að nafni Reginherus sem sumir halda að hafi verið Ragnar loðbrók, en samkvæmt öðrum frásögnum var hann uppi heilli öld fyrr.
• 1696 - Konungur lagði þá kvöð á Íslendinga að senda skyldi þrjá menn úr hverri sýslu, þrjátíu alls, til að þjóna í flota eða landher Danaveldis.
• 1797 - Einkaleyfi fékkst fyrir fyrstu þvottavélinni í Bandaríkjunum.
• 1814 - Joseph-Ignace Guillotin sem fann upp fallöxina var jarðsettur í Frakklandi.

• 1854 - Krímstríðið: Bretland og Frakkland sögðu Rússum stríð á hendur.
• 1875 - Öskjugos hófst. Það er talið eitt mesta öskugos á Íslandi eftir að land byggðist. Þegar gosið hafði staðið í hálfan annan sólarhring urðu menn varir við gosmökkinn í Svíþjóð. Gosið varð til þess að mikill fjöldi íbúa á Austfjörðum fluttist til Vesturheims á næstu árum.
• 1881 - Tveir menn gengu á hafís alla leiðina frá Siglufirði til Akureyrar, en þessi vetur var með þeim hörðustu sem vitað er um á Íslandi.

• 1909 - Safnahúsið við Hverfisgötu (sem nú heitir Þjóðmenningarhúsið) var vígt. Í upphafi hýsti húsið Forngripasafnið, Landsbókasafnið, Landsskjalasafnið og Náttúrugripasafnið.
• 1929 - Nýtt geðsjúkrahús tekur til starfa á Kleppi.
• 1930 - Nöfnum tyrknesku borganna Konstantínópel og Angóra var breytt í Istanbúl og Ankara.

• 1939 - Spænska borgarastríðinu lauk.
• 1956 - Alþingi samþykkti (31 gegn 18) að Bandaríkjaher skyldi yfirgefa Ísland enda ætti ekki að vera her í landinu á friðartímum. Viðræðum um brottför hersins var frestað í nóvember vegna Uppreisnarinnar í Ungverjalandi.

• 1986 - 6.000 útvarpsstöðvar um allan heim spiluðu lagið „We are the world“ samtímis til styrktar aðgerðum gegn hungursneyð í Afríku.

• 2006 - Um milljón manns mótmæltu fyrirhugaðri atvinnulöggjöf í Frakklandi.

• 2007 - Frumvarp um Vatnajökulsþjóðgarð samþykkt á Alþingi.

Fædd

• 1609 - Friðrik 3. Danakonungur, (d. 1670).
• 1749 - Pierre-Simon Laplace, franskur stærðfræðingur (d. 1827).
• 1868 - Maxím Gorkíj, rithöfundur (d. 1936).
• 1936 - Mario Vargas Llosa, perúskur rithöfundur og stjórnmálamaður.
• 1964 - Harpa Arnardóttir, leikkona.
• 1970 - Vince Vaughn, leikari.
• 1986 - Lady Gaga (Stefani Joanne Angelina Germanotta), söngkona.

Dáin

• 193 - Pertinax, rómverskur keisari (f. 126).
• 1241 - Valdimar sigursæli, Danakonungur (f. 1170).
• 1881 - Modest Mússorgskíj, rússneskt tónskáld (f. 1839).
• 1941 - Virginia Woolf, rithöfundur (f. 1882).
• 1943 - Sergej Rakhmanínov, tónskáld og píanóleikari (f. 1873).
• 1969 - Dwight D. Eisenhower, 34. forseti Bandaríkjanna (f. 1890)
• 1978 - Vilhjálmur Vilhjálmsson, söngvari (f. 1945).