23. desember

Nóv – Desember – Jan
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2013 Allir dagar

23. desember er 357. dagur ársins (358. á hlaupári) samkvæmt gregoríska tímatalinu. 8 dagar eru eftir af árinu. Dagur þessi er Þorláksmessa á Íslandi. Vetrarsólstöður geta orðið á þessum degi á norðurhveli jarðar.

Atburðir

• 619 - Bonifasíus 5. varð páfi.
• 1199 - Þorláksmessa var fyrst haldin heilög á Íslandi.
• 1588 - Hinrik 3. Frakkakonungur réðist til atlögu gegn leiðtogum Kaþólska bandalagsins, hertoganum af Guise og kardínálanum bróður hans, og lét drepa þá.
• 1631 - Þrjátíu ára stríðið: Svíar náðu Mainz á sitt vald bardagalaust.
• 1672 - Giovanni Domenico Cassini uppgötvaði tungl Satúrnusar, Reu.
• 1688 - Dýrlega byltingin: Jakob 2. Englandskonungur flúði til Frakklands.
• 1846 - Borðeyri við Hrútafjörð á Ströndum varð löggiltur verslunarstaður.
• 1893 - Óperan Hans og Gréta eftir Engelbert Humperdinck var frumsýnd.
• 1956 - Richard Nixon, sem þá var varaforseti Bandaríkjanna, kom til Íslands og heimsótti Ásgeir Ásgeirsson forseta á Bessastöðum.

• 1958 - Ríkisstjórn Alþýðuflokksins tók við völdum og sat í ellefu mánuði undir forsæti Emils Jónssonar.
• 1965 - Árelíus Jensen matreiðslumaður var valinn matreiðslumaður ársins, fyrstur allra.
• 1968 - Í Reykjavík urðu átök á milli lögreglu og fólks sem mótmælti stríðinu í Víetnam. Var þessi atburður nefndur Þorláksmessuslagurinn.
• 1972 - Eftirlifendur Andesflugslyssins fundust. Liðnir voru 73 dagar frá atvikinu. Sextán manns lifðu af með því að leggja aðra farþega sér til munns.
• 1993 - Stærsti vinningur í sögu Lottósins fram að því var greiddur út til sjö manna fjölskyldu á Seltjarnarnesi og var fjárhæðin 61,9 milljónir króna.
• 2005 - Lech Kaczyński, varð forseti Póllands.

Fædd

• 1582 - Severo Bonini, ítalskt tónskáld (d. 1663).
• 1613 - Carl Gustaf Wrangel, sænskur aðmíráll (d. 1676).
• 1711 - Jacob Fortling, dansk-þýskur myndhöggvari (d. 1761).
• 1795 - Rósa Guðmundsdóttir (Vatnsenda-Rósa), íslenskt skáld (d. 1855).
• 1805 - Joseph Smith, stofnandi mormónasafnaðarins (d. 1844).
• 1831 - Emilia Plater, litháísk frelsishetja (f. 1806).
• 1918 - Helmut Schmidt, kanslari Vestur-Þýskalands.
• 1930 - Loftur Jóhannesson, íslenskur kaupsýslumaður.
• 1933 - Akihito, Japanskeisari.
• 1943 - Silvía Svíadrottning.
• 1952 - Jónína Bjartmarz, íslenskur stjórnmálamaður.
• 1960 - Guðmundur Þórður Guðmundsson, íslenskur handknattleiksþjálfari.
• 1976 - Ryan Reynolds, kanadískur leikari.

Dáin

• 1193 - Þorlákur helgi Þórhallsson, biskup í Skálholti (f. 1133).
• 1230 - Berengaría af Navarra, Englandsdrottning (f. um 1165).
• 1646 - François Maynard, franskt skáld (f. 1582).
• 1745 - Jan Dismas Zelenka, bæheimskt tónskáld (f. 1679).
• 1834 - Thomas Malthus, enskur hagfræðingur (f. 1766).
• 1905 - Páll Ólafsson, íslenskt skáld (f. 1827).
• 1931 - Wilson Bentley, bandarískur ljósmyndari (f. 1865).
• 1982 - Agnar Kofoed-Hansen, íslenskur flugmaður og lögreglustjóri (f. 1915).

Hátíðis- og tyllidagar

• Þorláksmessa á vetri á Íslandi.
• Samkvæmt kvæði Jóhannesar úr Kötlum, „Jólin koma“ kemur jólasveinninn Ketkrókur til byggða þennan dag.