23. desember

Nóv – Desember – Jan
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2011 Allir dagar

23. desember er 357. dagur ársins (358. á hlaupári) samkvæmt gregoríska tímatalinu. 8 dagar eru eftir af árinu. Dagur þessi er Þorláksmessa á Íslandi. Vetrarsólstöður geta orðið á þessum degi á norðurhveli jarðar.

Atburðir

• 619 - Bonifasíus 5. varð páfi.

• 1193 - Þorlákur Þórhallsson biskup í Skálholti lést, 60 ára gamall. Hann var talinn helgur maður og staðfesti Jóhannes Páll 2. páfi helgi hans þann 14. janúar 1984. Á Íslandi er 23. desember messa heilags Þorláks og kallast Þorláksmessa.
• 1846 - Borðeyri við Hrútafjörð á Ströndum varð löggiltur verslunarstaður.

• 1893 - Óperan Hans og Gréta eftir Engelbert Humperdinck frumsýnd.
• 1905 - Páll Ólafsson skáld lést, 78 ára gamall. Eftir hann eru þekkt ljóð eins og Sólskríkjan, Sumarkveðja og mörg fleiri.

• 1956 - Richard Nixon, sem þá var varaforseti Bandaríkjanna, kom til Íslands og heimsótti Ásgeir Ásgeirsson forseta á Bessastöðum.
• 1958 - Ríkisstjórn Alþýðuflokksins tók við völdum og sat í ellefu mánuði undir forsæti Emils Jónssonar.
• 1965 - Árelíus Jensen matreiðslumaður var valinn matreiðslumaður ársins, fyrstur allra.
• 1968 - Í Reykjavík urðu átök á milli lögreglu og fólks sem mótmælti stríðinu í Víetnam. Var þessi atburður nefndur Þorláksmessuslagurinn.

• 1972 - Eftirlifendur Andesflugslyssins fundust. Liðnir voru 73 dagar frá atvikinu. Sextán manns lifðu af með því að leggja aðra farþega sér til munns.
• 1993 - Stærsti vinningur í sögu Lottósins fram að því var greiddur út til sjö manna fjölskyldu á Seltjarnarnesi og var fjárhæðin 61,9 milljónir króna.

Fædd

• 1613 - Carl Gustaf Wrangel, sænskur aðmíráll (d. 1676).
• 1795 - Rósa Guðmundsdóttir (Vatnsenda-Rósa) (d. 1855).
• 1918 - Helmut Schmidt, kanslari Þýskalands.
• 1930 - Loftur Jóhannesson, íslenskur kaupsýslumaður.
• 1933 - Akihito, Japanskeisari.
• 1952 - Jónína Bjartmarz, íslenskur stjórnmálamaður.

Dáin

• 1193 - Þorlákur helgi Þórhallsson, biskup í Skálholti (f. 1133).
• 1745 - Jan Dismas Zelenka, bæheimskt tónskáld (f. 1679).
• 1905 - Páll Ólafsson, íslenskt skáld (f. 1827).

Hátíðis- og tyllidagar

• Þorláksmessa á vetri á Íslandi.
• Samkvæmt kvæði Jóhannesar úr Kötlum, „Jólin koma“ kemur jólasveinninn Ketkrókur til byggða þennan dag.