29. nóvember

Okt – Nóvember – Des
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30
2011 Allir dagar

29. nóvember er 333. dagur ársins (334. á hlaupári) samkvæmt gregoríska tímatalinu. 32 dagar eru eftir af árinu.

Atburðir

• 1211 - Páll Jónsson Skálholtsbiskup lést um 59 ára að aldri. Hann var af ætt Oddaverja, sonur Jóns Loftssonar á Keldum. Hann varð biskup árið 1195.
• 1906 - Frumflutt var verkið Rís þú unga Íslands merki, ljóð Einars Benediktssonar við lag Sigfúsar Einarssonar í Iðnaðarmannahúsinu í Reykjavík.
• 1930 - Kommúnistaflokkur Íslands var stofnaður eftir klofning úr Alþýðuflokknum.
• 1945 - Sósíalíska sambandslýðveldið Júgóslavía var stofnað.
• 1947 - Sameinuðu þjóðirnar stungu upp á skiptingu Palestínu í tvö ríki áður en stjórn Breta lyki þar en arabar voru eindregið mótfallnir þeim tillögum.
• 1974 - Þjóðverjar settu löndunarbann á íslensk skip í þýskum höfnum.
• 1986 - Lottó, happdrætti rekið af Íslenskri getspá, hóf göngu sína.
• 1987 - Félagið Ísland-Palestína var stofnað.

• 1991 - Kvikmyndahúsakeðja Árna Samúelssonar tók upp nafnið Sambíóin.

• 2011 - Alþingi samþykkti þingsályktunartillögu um viðurkenningu á sjálfstæði og fullveldi Palestínu.

Fædd

• 1835 - Cixi keisaraekkja, einvaldur í Kína (d. 1908).
• 1857 - Theodor Escherich, bæverskur barnalæknir og örverufræðingur (d. 1911).
• 1924 - Erik Balling, danskur kvikmyndaleikstjóri (d. 2005).
• 1931 - Wallace Broecker, bandarískur jarðefnafræðingur.
• 1932 - Jacques Chirac, Frakklandsforseti.
• 1973 - Ryan Giggs, velskur knattspyrnumaður.
• 1974 - Gunnlaugur Jónsson, íslenskur knattspyrnumaður.

Dáin

• 1211 - Páll Jónsson, biskup í Skálholti.
• 1632 - Friðrik V kjörfursti í Pfalz (f. 1596).
• 1643 - Claudio Monteverdi, ítalskt tónskáld (f. 1567).
• 1780 - María Teresa af Austurríki, keisaradrottning í hinu Heilaga rómverska ríki (f. 1717).
• 1907 - Árni Thorsteinson, landfógeti og alþingismaður (f. 1828)
• 2001 - George Harrison, gítarleikari í Bítlunum (f. 1943).
• 2007 - Eyjólfur Jónsson, sundkappi og lögregluþjónn (f. 1925)