25. nóvember

Okt – Nóvember – Des
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30
2011 Allir dagar

25. nóvember er 329. dagur ársins (330. á hlaupári) samkvæmt gregoríska tímatalinu. 36 dagar eru eftir af árinu.

Atburðir

• 1491 - Umsátur hófst um Granada, síðustu borg Mára á Spáni.

• 1902 - Fyrsti vélbáturinn á Íslandi, Stanley, var sjósettur.
• 1937 - Sjómannadagsráð var stofnað.
• 1940 - Hafsvæðið milli Grænlands og Íslands var lýst hættusvæði af bresku herstjórninni á Íslandi. Þannig var fiskimiðum lokað fyrir sjómönnum til 21. janúar 1941.
• 1960 - Mirabal-systurnar í Dóminíska lýðveldinu voru myrtar af útsendurum einræðisherrans Rafael Leónidas Trujillo.

• 1961 - Sundlaug Vesturbæjar í Reykjavík var vígð.
• 1970 - Japanski rithöfundurinn Yukio Mishima framdi harakírí ásamt tveimur fylgismönnum eftir misheppnað valdarán.
• 1975 - Súrínam fékk sjálfstæði frá Hollandi.
• 1984 - Bob Geldof skipulagði Band Aid til að aðstoða fórnarlömb þurrkanna í Eþíópíu.
• 1989 - Hellarannsóknafélag Íslands var stofnað í Reykjavík.
• 1993 - Messósópransöngkonan Teresa Berganza kom fram á tónleikum með Sinfóníuhljómsveit Íslands í Háskólabíói.
• 1999 - Allsherjarþing Sameinuðu þjóðanna ákvað að 25. nóvember skyldi vera alþjóðlegur baráttudagur gegn kynbundnu ofbeldi til minningar um Mirabal-systurnar.
• 2008 - Grænland hélt þjóðaratkvæðagreiðslu um aukna sjálfsstjórn landsins. Yfir 75% kjósenda greiddu atkvæði með aukinni sjálfsstjórn.

Fædd

• 1638 - Katrín Braganza, Englandsdrottning (d. 1705).
• 1835 - Andrew Carnegie, bandarískur iðnjöfur (d. 1919).
• 1844 - Karl Benz, þýskur verkfræðingur og bifreiðahönnuður (d. 1929).
• 1845 - Eça de Queirós, portúgalskur rithöfundur (d. 1900).
• 1889 - Jón Sveinsson, fyrsti bæjarstjóri Akureyrar (d. 1957)
• 1915 - Augusto Pinochet, einræðisherra í Chile (d. 2006).
• 1926 - Jón Skaftason, íslenskur stjórnmálamaður.
• 1941 - Percy Sledge, bandarískur sálarsöngvari.
• 1951 - Arturo Pérez-Reverte, spænskur rithöfundur.
• 1965 - Þórey Sigþórsdóttir, íslensk leikkona.
• 1967 - Hannes Smárason, íslenskur athafnamaður.
• 1981 - Barbara og Jenna Bush, dætur George W. Bush forseta Bandaríkjanna.
• 1985 - Marcus Hellner, sænskur skíðagöngugarpur.
• 1986 - Katie Cassidy, bandarísk leikkona.

Dáin

• 1034 - Melkólfur Kinaðsson, Skotakonungur (f. fyrir 954).
• 1956 - Samúel Thorsteinsson, íslensk-danskur læknir og fyrsti landsliðsmaður Íslands í knattspyrnu (f. 1893).
• 1970 - Yukio Mishima, japanskur rithöfundur (f. 1925).
• 1974 - U Thant, aðalritari Sameinuðu þjóðanna (f. 1909).
• 1997 - Hastings Banda, forseti Malaví (f. 1906).
• 1998 - Nelson Goodman, bandarískur heimspekingur (f. 1906).
• 2005 - George Best, norðurírskur knattspyrnumaður (f. 1946).