2. mars

Feb – Mars – Apr
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31
2012 Allir dagar

2. mars er 61. dagur ársins (62. á hlaupári) samkvæmt gregoríska tímatalinu. 304 dagar eru eftir af árinu.

Atburðir

• 1476 - Orrustan við Grandson þar sem Karl djarfi beið ósigur fyrir Svissnesku ríkjunum.
• 1824 - Peter Fjeldsted Hoppe var skipaður amtmaður í Suðuramti á Íslandi.

• 1855 - Alexander 2. varð keisari í Rússlandi.
• 1917 - Nikulás 2. Rússakeisari sagði af sér embætti.
• 1939 - Píus 12. varð páfi.
• 1940 - Togarinn Skutull frá Ísafirði varð fyrir árás þýskrar herflugvélar við Bretland. Þetta var fyrsta árás á íslenskt skip í seinni heimsstyrjöldinni.
• 1956 - Bandarísk herflutningaflugvél fórst með sautján mönnum djúpt út af Reykjanesi.
• 1956 - Marokkó fékk sjálfstæði frá Frakklandi.
• 1957 - Heilsuverndarstöðin í Reykjavík var vígð eftir að hafa verið sjö ár í byggingu. Fyrsta deild hennar hóf starfsemi 1953.
• 1962 - Wilt Chamberlain, setur met í fjölda stiga í einum körfuboltaleik. Wilt skoraði 100 stig þegar Philadelphia Warriors vann New York Knicks 169-147.
• 1963 - Fyrsta LP-plata Bítlanna, Please, please me, kom út í Bretlandi.
• 1969 - Fyrsta tilraunaflug Concorde-þotu fór fram í Toulouse í Frakklandi.
• 1970 - Ríkisstjórn Ródesíu undir stjórn Ian Smith, sleit formlega öll tengsl við bresku krúnuna og lýsti yfir stofnun lýðveldis.

• 1978 - Skemmtistaðurinn Hollywood var opnaður í Ármúla í Reykjavík.
• 1982 - Bíóhöllin í Reykjavík tók til starfa. Þar voru sex sýningarsalir með samtals 1040 sæti.
• 1985 - Kraftlyftingasamband Íslands var stofnað.
• 1993 - Nick Leeson var handtekinn fyrir sinn þátt í því ad kollsetja Barings-bankann.

• 1995 - Yahoo! varð hlutafélag.

• 2003 - Pakistönsk yfirvöld handsömuðu Khalid Shaikh Mohammed sem var álitinn vera heilinn á bakvið árásina á Tvíburaturnana í New York-borg og Pentagon í Washington þann 11. september 2001. Einnig handtóku þeir Mustafa Ahmed al-Hawsawi sem var álitinn standa á bak við fjármögnun árásanna.
• 2006 - Leikjatölvan Nintendo DS Lite kom fyrst út í Japan.

Fædd

• 1316 - Róbert 2. Skotakonungur (d. 1390)
• 1824 - Bedřich Smetana, tékkneskt tónskáld (d. 1884).
• 1842 - Carl Jacobsen, danskur athafnamaður, Carlsberg nefnt í höfðið á honum.
• 1900 - Kurt Weil, þýskur tónlistarmaður og tónskáld (d. 1950).
• 1904 - Dr. Seuss, bandarískur rithöfundur (d. 1991).
• 1922 - Hannes Sigfússon, íslenskt skáld (d. 1997).
• 1926 - George Patrick Leonard Walker, enskur jarðfræðingur (d. 2005).
• 1931 - Mikhaíl Gorbatsjev, fyrrum leiðtogi Sovétríkjanna.
• 1931 - Tom Wolfe, bandarískur rithöfundur og blaðamaður.
• 1942 - Mir-Hossein Mousavi, íranskur stjórnmálamaður.
• 1942 - Lou Reed, bandarískur tónlistarmaður.
• 1947 - Harry Redknapp, enskur knattspyrnustjóri.
• 1962 - Jon Bon Jovi, bandarískur tónlistarmaður.
• 1968 - Daniel Craig, enskur kvikmyndaleikari.
• 1973 - Trevor Sinclair, enskur knattspyrnumaður.
• 1977 - Chris Martin, söngvari Coldplay.
• 1979 - Damien Duff, írskur knattspyrnumaður.
• 1979 - Nicky Weaver, enskur knattspyrnumaður.
• 1982 - Kevin Kurányi, þýskur knattspyrnumaður.
• 1987 - Guðmundur Óskar Guðmundsson, íslenskur bassaleikari og hljómborðsleikari (Hjaltalín, Jeff Who?).

Dáin

• 1725 - Johan Fredrik Peringskiöld, sænskur fornfræðingur (f. 1689).
• 1939 - Howard Carter, breskur fornleifafræðingur (f. 1874).
• 1982 - Philip K. Dick, vísindaskáldsagnahöfundur (f. 1928).
• 1992 - Ron Hardy, bandarískur plötusnúður (f. 1958).