2. ágúst

Júl – Ágúst – Sep
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2010 Allir dagar

2. ágúst er 214. dagur ársins (215. á hlaupári) samkvæmt gregoríska tímatalinu. 151 dagur er eftir af árinu.

Atburðir

• 216 f.Kr. - Orrustan við Cannae. Her Karþagómanna undir forystu Hannibals vann sigur á fjölmennari rómverskum her.
• 1274 - Játvarður 1. Englandskonungur sneri aftur úr Níundu krossferðinni og var krýndur konungur.
• 1450 - Kristján 1. krýndur konungur Noregs (og Íslands) í Niðarósdómkirkju.
• 1589 - Hinrik 3. Frakkakonungur lést af völdum sára sem hann hlaut þegar launmorðingi réðist að honum daginn áður og Hinrik af Navarra (Hinrik 4.) varð konungur Frakklands.
• 1610 - Henry Hudson sigldi inn í Hudsonflóa og taldi að hann hefði fundið norðvesturleiðina og væri kominn inn í Kyrrahaf.
• 1776 - Sjálfstæðisyfirlýsing Bandaríkjanna undirrituð.
• 1798 - Orrustan um Níl (orrustan í Aboukir-flóa). Breski flotinn vann sigur á þeim franska í sjóorrustu sem hófst daginn áður.
• 1870 - Fyrsta neðanjarðarlest í heimi hóf göngu sína í London.
• 1874 - Þjóðhátíð vegna 1000 ára Íslandsbyggðar haldin um land allt. Hátíðin var haldin í Öskjuhlíð í Reykjavík. Gengin var skrúðganga frá Dómkirkjunni að Öskjuhlíð eftir messu. Við messuna var frumfluttur Lofsöngur eftir Matthías Jochumsson við lag eftir Sveinbjörn Sveinbjarnarson.
• 1883 - Í Reykjavík var opnuð iðnsýning, þar sem meðal annars voru sýndar vandaðar dýramyndir eftir Benedikt Gröndal.
• 1885 - Norðan við Dómkirkjuna í Reykjavík var afhjúpaður minnisvarði um Hallgrím Pétursson eftir Júlíus Schou steinsmið.
• 1897 - Stúdentafélagið gekkst fyrir því að haldinn var hátíðlegur þjóðminningardagur í Reykjavík með söng, íþróttasýningum og ræðuflutningi. Þessi dagur var síðan haldinn hátíðlegur þar til 17. júní tók við af honum sem aðalhátíðisdagur þjóðarinnar 1911.
• 1897 - Hvítbláinn fyrst dreginn að húni. Það gerði Kvenfélagið í Reykjavík, að forgöngu Þorbjargar Sveinsdóttur, föðursystur Einars Benediktssonar, á hátíð í bænum.
• 1924 - Fyrsta flug yfir Atlantshaf til Íslands. Sænskur flugmaður, Erik H. Nelson, flaug frá Kirkwall á Orkneyjum til Hornafjarðar.

• 1927 - Gamla bíó í Ingólfsstræti var opnað með frumsýningu myndarinnar Ben Hur með Ramon Novarro í titilhlutverki.
• 1931 - Í Reykjavík var haldið fjöltefli og tefldi þar heimsmeistarinn, Alexander Aljekhín við íslenska skákmenn.
• 1945 - Potsdam-ráðstefnunni lauk.
• 1954 - Á Hornafirði var afhjúpað minnismerki um fyrsta flug yfir Atlantshafið til Íslands.

• 1964 - Víetnamstríðið: Fyrri Tonkinflóa-atburðurinn svokallaði. Norður-víetnamskir fallbyssubátar voru taldir hafa skotið á bandaríska tundurspilla og notuðu Bandaríkjamenn það sem réttlætingu fyrir því að senda herlið til Víetnam og hefja fulla þátttöku í stríðinu. Seinna hefur komið í ljós að þeir skutu líklega sjálfir fyrstu skotunum.

• 1969 - Tveir menn voru hætt komnir er gassprenging varð í vitanum á Gjögurtá eftir að gasbirgðir voru endurnýjaðar.
• 1974 - Brjóstmynd af Tómasi Guðmundssyni, sem kallaður var Reykjavíkurskáldið, var afhjúpuð í Austurstræti. Meðal verka hans eru ljóð eins og Fyrir átta árum, Fröken Reykjavík og Í Vesturbænum.

• Sprengja sprakk á járnbrautarstöðinni í Bologna á Ítalíu. 85 manns fórust og yfir 200 særðust.
• 1988 - Flugslys varð í Reykjavík og fórust þrír menn er kanadísk flugvél skall í jörðina á milli Hringbrautar og flugbrautarendans.
• 1990 - Írakar réðust inn í Kúveit og leiddi það síðar til Persaflóastríðsins.

Fædd

• 1674 - Filippus 2., hertogi af Orléans, ríkisstjóri Frakklands (d. 1723).
• 1696 - Mahmud 1., Tyrkjasoldán (d. 1754).
• 1714 - Gunnar Pálsson, íslenskur prestur, fræðimaður og skáld (d. 1791).
• 1801 - Baldvin Einarsson, íslenskur lögfræðingur og einn af upphafsmönnum sjálfstæðisbaráttunnar (d. 1833).
• 1858 - Emma Hollandsdrottning, kona Vilhjálms 3. konungs Hollands (d. 1934).
• 1868 - Konstantín 1. Grikkjakonungur (d. 1923).
• 1888 - Pétur Ottesen, íslenskur alþingismaður (d. 1968).
• 1932 - Peter O'Toole, írskur leikari.
• 1942 - Isabel Allende, chileanskur rithöfundur.
• 1954 - Eyþór Árnason, íslenskur leikari og skáld.

Dáin

• 257 - Heilagur Stefán páfi.
• 640 - Severínus páfi.
• 686 - Jóhannes V páfi.
• 1100 - Vilhjálmur 2. Englandskonungur (f. um 1056).
• 1332 - Kristófer 2. Danakonungur (f. 1276).
• 1589 - Hinrik 3. Frakkakonungur (f. 1551).
• 1788 - Thomas Gainsborough, enskur listmálari (f. 1727).
• 1799 - Jacques-Étienne Montgolfier, franskur uppfinningamaður (f. 1745).
• 1907 - Benedikt Gröndal, rithöfundur (f. 1826).
• 1922 - Alexander Graham Bell, skosk-bandarískur vísindamaður og uppfinningamaður (f. 1847).
• 1923 - Warren G. Harding, 29. forseti Bandaríkjanna (f. 1865).
• 1934 - Paul von Hindenburg, þýskur marskálkur og forseti Þýskalands (f. 1847).
• 1958 - Helgi Tómasson, yfirlæknir á Kleppsspítala (f. 1896).
• 1976 - Fritz Lang, austurrískur kvikmyndaleikstjóri (f. 1890).
• 1988 - Raymond Carver, bandarískur smásagnahöfundur og ljóðskáld (f. 1938).
• 1997 - William S. Burroughs, bandarískur rithöfundur (f. 1914).