12. október

Sep – Október – Nóv
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2010 Allir dagar

12. október er 285. dagur ársins (286. á hlaupári) samkvæmt gregoríska tímatalinu. 80 dagar eru eftir af árinu.

Atburðir

• 1428 - Hundrað ára stríðið: Umsátrið um Orléans hófst.
• 1492 - Kristófer Kólumbus tekur land á eyjunni San Salvador í Vestur-Indíum. Það markar upphafið að landvinningum Evrópubúa í Nýja heiminum.

• 1581 - Á Patreksfirði var kveðinn upp dómur sem skyldaði alla Íslendinga til þess að eiga vopn. Kallaðist dómur þessi Vopnadómur en komst aldrei í framkvæmd nema á Vestfjörðum.
• 1596 - Páll Jónsson lögmaður á Skarði (f. um 1445) drepinn á Öndverðareyri.
• 1609 - Vísan Þrjár blindar mýs eftir Thomas Ravenscroft kom út á prenti í London.

• 1617 - Gústaf Adolf 2. var krýndur konungur Svíþjóðar í Uppsölum.

• 1683 - Á Hvalfjarðarströnd fannst böðullinn Sigurður Snorrason látinn í læk og var bóndinn Jón Hreggviðsson skömmu síðar dæmdur fyrir að hafa myrt hann.
• 1869 - Valborg, 63 lesta briggskip, strandar á Vatnsnesi í Húnaþingi. Það fórst í stormi sem síðar var kenndur við skipið og kallaður Valborgarbylurinn eða Valborgarveðrið. 3 fórust, en 4 skipverjar komust lífs af.

• 1905 - Verzlunarskóli Íslands settur í fyrsta sinn.
• 1918 - Kötlugos hófst og stóð til 4. nóvember. Fylgdi því mikið jökulhlaup á Mýrdalssandi og myndaðist Kötlutangi í kjölfar þess.

• 1949 - Óshlíðarvegur var opnaður á milli Hnífsdals og Bolungarvíkur. Fyrstu bifreið um veginn ók Sigurður Bjarnason alþingismaður en farþegar hans voru Hannibal Valdimarsson og Einar Guðfinnsson meðal annarra.

• 1956 - Körfuknattleiksdeild KR var stofnuð.

• 1962 - Kvikmyndin 79 af stöðinni eftir skáldsögu Indriða G. Þorsteinssonar var frumsýnd í Reykjavík. Aðalhlutverk léku Kristbjörg Kjeld, Gunnar Eyjólfsson og Róbert Arnfinnsson.

• 1968 - Miðbaugs-Gínea fékk sjálfstæði frá Spáni.

• 1968 - Sumarólympíuleikar settir í Mexíkóborg.
• 1985 - 22 punda vatnableikja, 88 sentimetra löng, veiddist í Skorradalsvatni og var þetta stærsta bleikja sem veiðst hafði á Íslandi.
• 1991 - Vélbáturinn Jóhannes Gunnar GK fórst við Reykjanes. Björgunarbáturinn Oddur V. Gíslason frá Grindavík bjargaði tveggja manna áhöfn úr gúmmíbjörgunarbáti.

• 2006 - Tyrkneski rithöfundurinn Orhan Pamuk hlaut Bókmenntaverðlaun Nóbels.

Fædd

• 1785 - Grímur Jónsson, amtmaður norðan og vestan (d. 1849).
• 1896 - Eugenio Montale, ítalskt skáld (d. 1981).
• 1929 - Magnús Magnússon, íslensk-skoskur sjónvarpskynnir (d. 2007).
• 1935 - Luciano Pavarotti, ítalskur óperusöngvari (d. 2007).
• 1947 - Guðmundur Ólafsson, íslenskur hagfræðingur.
• 1977 - Ólafur Egill Egilsson, íslenskur leikari.

Dáin

• 1730 - Friðrik 4. Danakonungur (f. 1671).
• 1991 - Gregory Vlastos, fornaldarheimspekingur (f. 1907).
• 1998 - Ásta B. Þorsteinsdóttir, íslenskur stjórnmálamaður (f. 1945).
• 1998 - Guðrún Katrín Þorbergsdóttir, forsetafrú (f. 1934).
• 2006 - Wendell Clausen, bandarískur fornfræðingur (f. 1923).