31. ágúst

Júl – Ágúst – Sep
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2012 Allir dagar

31. ágúst er 243. dagur ársins (244. á hlaupári) samkvæmt gregoríska tímatalinu. 122 dagar eru eftir af árinu.

Atburðir

• 1805 - Steinunn Sveinsdóttir frá Sjöundá dó í fangelsi í Reykjavík, 36 ára gömul. Hún hafði verið dæmd samsek Bjarna Bjarnasyni um að myrða konu hans og mann sinn og átti að taka hana af lífi. Hún var dysjuð uppi á Skólavörðuholti utan bæjarins við alfaraleið og hét þar Steinkudys. Meira en öld síðar voru bein hennar flutt í Hólavallagarð (kirkjugarðinn við Suðurgötu).
• 1919 - Listsýning var opnuð almenningi í barnaskólanum í Reykjavík. Var þetta fyrsta slík sýning á Íslandi. 90 verk eftir 15 listamenn voru sýnd.

• 1919 - Leikrita- og ljóðskáldið Jóhann Sigurjónsson dó í Danmörku, þar sem hann bjó, 39 ára að aldri. Hann samdi meðal annars Fjalla-Eyvind og Galdra-Loft og ljóðin Sofðu unga ástin mín, Bikarinn og Sorg, sem talið er fyrsta óbundna ljóðið á íslensku.
• 1955 - Langt suðvestur í hafi, um 100 mílur út af Reykjanesi, sáust borgarísjakar á reki og þóttu þeir vera á óvenjulegum stað.
• 1980 - Á Fljótsdalshéraði fannst silfursjóður mikill, talinn frá landnámsöld. Löngu síðar spunnust miklar deilur um aldur sjóðsins.

• 1992 - Stærsta og íburðarmesta skemmtiferðaskip, sem lagst hafði við bryggju í Reykjavík var bundið í Sundahöfn. Þetta var Crystal Harmony, 240 metra langt skip. Það kom aftur tveimur árum síðar.

• 1994 - Lengsta skák í skáksögu Íslands var til lykta leidd með jafntefli eftir 183 leiki. Jóhann Hjartarson og Jón Garðar Viðarsson tefldu á Skákþingi Íslands í Vestmannaeyjum.
• 1997 - Díana prinsessa af Wales og Dodi Al-Fayed létust í bílslysi í París.

Fædd

• 12 - Caligúla, keisari Rómaveldis (d. 41).
• 161 - Commodus, keisari Rómaveldis (d. 192).
• 1559 - Oddur Einarsson, biskup í Skálholti (d. 1630).
• 1716 - Björn Markússon, íslenskur lögmaður sunnan og austan (d. 1791).
• 1728 - Jón Eiríksson, lögfræðingur og konferensráð (d. 1787).
• 1880 - Vilhelmína Hollandsdrottning (d. 1962).
• 1940 - Jóhannes Jónsson, kaupmaður og athafnamaður, kenndur við Bónus.
• 1945 - Van Morrison, norður-írskur söngvari og lagahöfundur.
• 1949 - Richard Gere, bandarískur leikari.
• 1970 - Deborah Gibson, bandarísk söngkona.
• 1981 - Örn Arnarson, íslenskur sundmaður.

Dáin

• 1422 - Hinrik 5., konungur Englands (f. 1387).
• 1654 - Ole Worm, danskur læknir og fornfræðingur (f. 1588).
• 1724 - Loðvík 1. Spánarkonungur (f. 1707).
• 1919 - Jóhann Sigurjónsson, íslenskt skáld (f. 1880).
• 1920 - Wilhelm Wundt, þýskur sálfræðingur (f. 1832).
• 1969 - Rocky Marciano, bandarískur boxari (f. 1923).
• 1986 - Urho Kekkonen, Finnlandsforseti (f. 1900)
• 1997 - Díana prinsessa af Wales (f. 1961).