Úr Wikipediu, frjálsa alfræðiritinu
1. nóvember er 305. dagur ársins (306. á hlaupári) samkvæmt gregoríska tímatalinu. 60 dagar eru eftir af árinu. Dagurinn nefnist Allraheilagramessa og í Mexíkó kallast hann Dagur hinna dauðu.
- 1197 - Jón Loftsson goðorðsmaður í Odda á Rangárvöllum og fóstri Snorra Sturlusonar lést, 73 ára gamall. Hann var einn voldugasti höfðingi á Íslandi um sína daga.
- 1512 - Sixtínska kapellan, skreytt af Michelangelo Buonarroti, var opnuð almenningi í fyrsta skipti.
- 1520 - Kristján 2. var kjörinn konungur Svíþjóðar.
- 1604 - Leikrit William Shakespeare, Óþelló, var sýnt í fyrsta skipti í Whitehall-höll í Englandi.
- 1611 - Leikrit Shakespeares, Ofviðrið, var sýnt í fyrsta skipti í Whitehall-höll í London.
- 1710 - Er hringt var til messu á Hólum rifnaði kirkjuklukkan „af engri orsök, svo menn vissu“, segir Mælifellsannáll.
- 1845 - Samfelldar veðurathuganir hófust í Stykkishólmi og var Árni Thorlacius upphafsmaður þeirra. Þar er elsta veðurathugunarstöðin á Íslandi.
- 1947 - Síld fannst í Hvalfirði og hófust veiðar. Á fjórum mánuðum veiddist síld í magni, sem á sér enga hliðstæðu hér við land að vetrarlagi.
- 1961 - Vilhjálmur Einarsson íþróttakappi stökk 175 cm í hástökki án atrennu innanhúss og var það einum cm hærra en gildandi skráð heimsmet.
- 1967 - Almannagjá var friðuð fyrir bílaumferð og lengdist þá leiðin frá Reykjavík til Þingvalla um 4 km.
- 1974 - Fjölmennasti miðilsfundur á Íslandi var haldinn á Hótel Loftleiðum og var sóttur af um 200 manns.
[breyta] Hátíðisdagar
