9. janúar

Des – Janúar – Feb
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2013 Allir dagar

9. janúar er 9. dagur ársins samkvæmt gregoríska tímatalinu. 356 dagar (357 á hlaupári) eru eftir af árinu.

Atburðir

• 1317 - Filippus hávaxni var krýndur konungur Frakklands ásamt Jóhönnu, eiginkonu sinni.

• 1431 - Réttarhöld yfir Jóhönnu af Örk hófust í Rouen.
• 1522 - Adriaan Florenszoon Boeyens varð Hadríanus 6. páfi.
• 1570 - Ívan grimmi hóf slátrunina í Novgorod.
• 1626 - Peter Minuit lagði upp frá hollensku eyjunni Texel og sigldi til Nýja Hollands með tvö skip.
• 1636 - Síðustu sænsku hermennirnir fóru frá borginni Mainz.
• 1788 - Connecticut varð fimmta fylki Bandaríkjanna.
• 1793 - Jean-Pierre Blanchard varð fyrstur til að fljúga yfir Bandaríkin í loftbelg.
• 1799 - Básendaflóðið olli stórtjóni um öll Suðurnes. Básenda á Miðnesi tók af.

• 1857 - Jarðskjálfti, sem talinn er hafa verið 7,9 stig á Richter-kvarða, varð í Kaliforníu.
• 1863 - Rekstur Neðanjarðarlestakerfis Lundúna hófst.
• 1879 - Úmbertó 1. var krýndur konungur Ítalíu.
• 1900 - Íþróttafélagið Società Sportiva Lazio var stofnað.
• 1935 - Lög um aldurshámark opinberra starfsmanna og embættismanna voru sett.

• 1957 - Anthony Eden sagði af sér sem forsætisráðherra Bretlands og Harold Macmillan tók við daginn eftir.
• 1964 - Tunnuverksmiðjan á Siglufirði eyðilagðist í bruna og urðu 40 manns atvinnulausir.
• 1982 - Gamla bíó: Hús Íslensku óperunnar vígt, óperan Sígaunabaróninn var frumsýnd.
• 1986 - Hafliði Hallgrímsson hlaut tónskáldaverðlaun Norðurlandaráðs fyrir verk sitt, Poemi.
• 1990 - Aðskilnaðardómurinn svokallaði féll í Hæstarétti Íslands.

• 1990 - Mikið stormflóð olli stórskemmdum á Stokkseyri, Eyrarbakka og í Grindavík.
• 2005 - Mahmoud Abbas var kosinn forseti sjálfstjórnarsvæða Palestínumanna.
• 2007 - Apple Inc. kynnti snjallsímann iPhone í Bandaríkjunum.

Fædd

• 1554 - Gregoríus 15. páfi (d. 1623).
• 1590 - Simon Vouet, franskur listmálari (d. 1649).
• 1617 - Hólmfríður Sigurðardóttir, prófastfrú í Vatnsfirði (d. 1692).
• 1624 - Meishō, japönsk keisaraynja (d. 1696).
• 1868 - S. P. L. Sørensen, danskur efnafræðingur (d. 1939).
• 1872 - Gunnþórunn Halldórsdóttir, íslensk leikkona (d. 1959).
• 1908 - Simone de Beauvoir, franskur rithofundur og heimspekingur (d. 1986).
• 1913 - Richard Nixon, 37. forseti Bandaríkjanna (d. 1994).
• 1925 - Valdimar Indriðason, íslenskur þingmaður.
• 1928 - Domenico Modugno, ítalskur lagahöfundur (d. 1994).
• 1938 - Baltasar Samper, íslenskur myndlistarmaður.
• 1939 - Böðvar Guðmundsson, íslenskt ljóðskáld.
• 1941 - Joan Baez, bandarísk söngkona.
• 1944 - Jimmy Page, enskur gítarleikari (Led Zeppelin).
• 1955 - J. K. Simmons, bandarískur leikari.
• 1956 - Imelda Staunton, bresk leikkona
• 1958 - Mehmet Ali Agca, tyrkneskur launmorðingi.
• 1958 - Stephen Neale, bandarískur heimspekingur.
• 1960 - Haukur Tómasson, tónskáld
• 1967 - Teitur Örlygsson, körfuknattleiksmaður.
• 1967 - Steven Harwell, bandarískur söngvari og tónlistarmaður (Smash Mouth).
• 1967 - Dave Matthews, suðurafrískur söngvari og tónlistarmaður.
• 1973 - Sean Paul, bandarískur tónlistarmaður.
• 1978 - AJ McLean, bandarískur söngvari (Backstreet Boys).
• 1980 - Sergio García, spænskur kylfingur.
• 1982 - Katrín, hertogaynja af Cambridge

Dáin

• 1514 - Anna af Bretagne, drottning Frakklands (f. 1477).
• 1569 - Ólafur Hjaltason, Hólabiskup (f. 1491(?)).
• 1878 - Viktor Emmanúel 2. konungur Sardiníu og Ítalíu (f. 1820).
• 1924 - Basil Lanneau Gildersleeve, bandarískur fornfræðingur (f. 1831).
• 1986 - Michel de Certeau, franskur sagnfræðingur (f. 1925).
• 1995 - Souphanouvong, forseti Laos (f. 1909).
• 2010 - Sigurður Guðmundsson, íslenskur vígslubiskup (f. 1920).