19. mars

Feb – Mars – Apr
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2013 Allir dagar

19. mars er 78. dagur ársins (79. á hlaupári) samkvæmt gregoríska tímatalinu. 287 dagar eru eftir af árinu.

Atburðir

• 1279 - Kúblaí Kan sigraði Songveldið og lauk þar með við að leggja Kína undir Júanveldið.

• 1447 - Tommaso Parentucelli varð Nikulás 5. páfi.

• 1606 - Livorno var formlega gerð að borg.

• 1649 - Enska fulltrúaþingið afnam enska lávarðaþingið með þeim orðum að það væri gagnslaust og hættulegt íbúum Englands.
• 1687 - Franski landkönnuðurinn Robert de LaSalle var myrtur af mönnum sínum.

• 1754 - Gullbringusýsla og Kjósarsýsla voru sameinaðar í Gullbringu- og Kjósarsýslu.

• 1831 - Fyrsta bankarán í sögu Bandaríkjanna. City Bank of New York var rændur 245.000 dölum.
• 1870 - Jón Ólafsson ritstjóri birti kvæðið „Íslendingabrag“ í blaði sínu Baldri. Kvæðið var mjög meinyrt í garð Dana og hlaut Jón síðar dóm fyrir birtingu þess.
• 1908 - Bríet Bjarnhéðinsdóttir flutti sitt fyrsta mál í bæjarstjórn Reykjavíkur. Var það tillaga um sundkennslu fyrir stúlkur. Tillagan var samþykkt.

• 1915 - Plánetan Plútó var ljósmynduð í fyrsta sinn.
• 1922 - Leikfélag Reykjavíkur hélt upp á 300 ára fæðingarafmæli leikskáldsins Molières með hátíðarsýningu á verki hans, Ímyndunarveikinni.
• 1945 - Borgirnar Jena og Hanau í Þýskalandi voru jafnaðar við jörðu í loftárásum.
• 1962 - Bob Dylan gaf út sína fyrstu plötu.

• 1971 - Tollstöðvarhúsið í Reykjavík tekið í notkun.

• 1982 - Falklandseyjastríðið hófst með því að Argentínumenn tóku eyjuna Suður-Georgíu.
• 1985 - Fyrirtækið Kjarnafæði var stofnað á Akureyri.
• 2003 - George W. Bush, þáverandi forseti Bandaríkjanna, fyrirskipaði upphaf Íraksstríðsins.
• 2009 - Wikileaks birti fyrsta „ritskoðunarlistann“ yfir vefsíður sem ástralskir netþjónustuaðilar halda frá notendum.

Fædd

• 978 - Aðalráður ráðlausi, Englandskonungur (d. 1016).
• 1813 - David Livingstone, skoskur landkönnuður og trúboði (d. 1873).
• 1821 - Richard Francis Burton, breskur landkönnuður og rithöfundur (d. 1890).
• 1876 - Felix Jacoby, þýskur fornfræðingur (d. 1959).
• 1905 - Rush Rhees, bandarískur heimspekingur (d. 1989).
• 1906 - Adolf Eichmann, þýskur nasistaforingi (f. 1962).
• 1947 - Glenn Close, bandarísk leikkona.
• 1949 - Valery Leontiev, rússneskur söngvari.
• 1953 - Ricky Wilson, bandarískur tónlistarmaður (The B-52's) (d. 1985).
• 1955 - Bruce Willis, bandarískur leikari.
• 1967 - Björgólfur Thor Björgólfsson, íslenskur kaupsýslumaður.
• 1971 - Haraldur Ringsted, íslenskur tónlistarmaður.
• 1979 - Abby Brammell, bandarísk leikkona.

Dáin

• 1286 - Alexander 3. Skotakonungur (f. 1241).
• 1406 - Ibn Khaldun, arabískur fjölfræðingur (f. 1332).
• 1683 - Thomas Killigrew, enskt leikskáld (f. 1612).
• 1908 - Eduard Zeller, þýskur fornfræðingur (f. 1814).
• 1989 - Finnbogi Rútur Valdimarsson, íslenskur stjórnmálamaður (f. 1906).
• 2008 - Arthur C. Clarke, enskur rithöfundur (f. 1917).