11. maí

Apr – Maí – Jún
Su	Má	Þr	Mi	Fi	Fö	La
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31
2013 Allir dagar

11. maí er 131. dagur ársins (132. á hlaupári) samkvæmt gregoríska tímatalinu. 234 dagar eru eftir af árinu.

Atburðir

• 1311 - 64 musterisriddarar voru brenndir á báli í Frakklandi fyrir villutrú.

• 1661 - Ragnheiður Brynjólfsdóttir í Skálholti sór eið um hreinlífi sitt. Sonur hennar, Halldór Daðason, fæddist 40 vikum síðar.
• 1678 - Franski flotaforinginn Jean 2. d'Estrées sigldi öllum flota sínum, sautján skipum, í strand á kóralrifi við Curaçao.
• 1682 - Streltsíuppreisnin hófst í Moskvu.
• 1721 - Kötlugos hófst með jarðskjálfta og miklum drunum, sem heyrðust allt norður í Eyjafjörð. Gosmökkurinn sást víða að.

• 1777 - Hannes Finnsson var vígður Skálholtsbiskup 38 ára að aldri. Hann gegndi biskupsembætti til æviloka.

• 1812 - Spencer Perceval, forsætisráðherra Bretlands, var myrtur af John Bellingham í anddyri Breska þingshússins.

• 1911 - Knattspyrnufélagið Valur í Reykjavík var stofnað af fjórtán strákum í KFUM.
• 1936 - Knattspyrnufélagið Víðir var stofnað í Garði.

• 1946 - Slysavarnafélag Íslands tók í notkun nýja björgunarstöð í Örfirisey í Reykjavík. Mikill mannfjöldi var viðstaddur vígslu hennar.
• 1949 - Nafni landsins Síam var breytt í Taíland í annað sinn.

• 1949 - Leikrit Shakespeares, Hamlet Danaprins, var frumflutt í Iðnó og lék Lárus Pálsson Hamlet.
• 1955 - Kópavogur varð kaupstaður, en hafði sjö árum áður orðið hreppur við aðskilnað frá Seltjarnarneshreppi.

• 1960 - Ísraelskir leyniþjónustumenn handtóku þýska nasistaforingjann Adolf Eichmann í Buenos Aires í Argentínu.
• 1984 - Jörðin var í beinni línu milli sólarinnar og Mars. Því var hægt að fylgjast með skugga jarðarinnar færast yfir yfirborð Mars. Næst gerist þetta 10. nóvember 2084.
• 1998 - Indverjar framkvæmdu þrjár kjarnorkutilraunir neðanjarðar. Í einni þeirra sprengdu þeir vetnissprengju.

• 2001 - Íslenska vefritið Baggalútur hóf göngu sína.
• 2010 - David Cameron tók við embætti forsætisráðherra Bretlands.

Fædd

• 1720 - Baron von Münchhausen, þýskur barón og sagnaritari (d. 1797).
• 1874 - Einar Jónsson, íslenskur myndhöggvari (d. 1954).
• 1897 - George Peter Murdock, bandarískur mannfræðingur (d. 1985).
• 1904 - Salvador Dalí, spænskur listamaður (d. 1989).
• 1918 - Richard Feynman, bandarískur eðlisfræðingur (d. 1988).
• 1963 - Natasha Richardson, leikkona (d. 2009).
• 1971 - Sigurður Eyberg, íslenskur leikari og söngvari.
• 1973 - Jóhann Hjörleifsson, íslenskur trommuleikari.
• 1980 - Björgólfur Hideaki Takefusa, íslenskur knattspyrnumaður.
• 1983 - Holly Valance, leikkona og söngkona.

Dáin

• 1610 - Matteo Ricci, ítalskur trúboði (f. 1552).
• 1642 - Safi Persakonungur (f. 1611).
• 1686 - Otto von Guericke, þýskur vísindamaður (f. 1602).
• 1960 - John D. Rockefeller, yngri, bandarískur auðmaður (f. 1874).
• 1976 - Alvar Aalto, finnskur arkitekt og hönnuður (f. 1898).
• 1981 - Bob Marley, söngvari og tónlistarmaður (f. 1945).
• 2001 - Douglas Adams, rithöfundur (f. 1952).