24. júlí

Jún – Júlí – Ágú
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2013 Allir dagar

24. júlí er 205. dagur ársins (206. á hlaupári) samkvæmt gregoríska tímatalinu. 160 dagar eru eftir af árinu.

Atburðir

• 1896 - Fjórar nunnur komu til landsins og settust að í Reykjavík til þess að hjúkra sjúkum. Á Íslandi höfðu þá ekki verið starfandi nunnur síðan fyrir siðaskipti.
• 1956 - Ríkisstjórn Framsóknar, Alþýðubandalags og Alþýðuflokks settist að völdum og sat í tvö ár undir forsæti Hermanns Jónassonar. Menntamálaráðherra varð Gylfi Þ. Gíslason og hélt hann því embætti í öllum ríkisstjórnum í 15 ár.
• 1961 - Júrí Gagarín, fyrsti geimfarinn, kom við á Keflavíkurflugvelli á leið sinni til Kúbu, skömmu eftir að hann fór í fyrstu geimferðina.
• 1982 - Á Skeiðarársandi fannst skipsflak, sem í fyrstu var talið vera flak gullskipsins Het Wapen van Amsterdam, sem fórst þar árið 1667. Í ljós kom að flakið var af þýskum togara frá árinu 1903.
• 1990 - Fyrra Persaflóastríðið: Íraskar hersveitir safnast saman við Kúveit.

Fædd

• 1783 - Símon Bólívar, frelsishetja Suður-Ameríku (d. 1830).
• 1802 - Alexandre Dumas eldri, franskur rithöfundur (d. 1870).
• 1897 - Amelia Earhart, bandarískur flugmaður (d. 1937).
• 1902 - Sigurður S. Thoroddsen, íslenskur verkfræðingur, stjórnmálamaður og knattspyrnumaður (d. 1983).
• 1969 - Jennifer López, bandarísk leikkona og söngkona.

Dáin

• 1742 - Nikulás Magnússon, íslenskur sýslumaður (f. 1700).
• 1991 - Isaac Bashevis Singer, pólskur rithöfundur og Nóbelsverðlaunahafi (f. 1904).