1. febrúar

Jan – Febrúar – Mar
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28
2013 Allir dagar

1. febrúar er 32. dagur ársins samkvæmt gregoríska tímatalinu. 333 dagar (334 á hlaupári) eru eftir af árinu.

Atburðir

• 1662 - Kínverski sjóræninginn Koxinga náði Sjálandsvirki Hollendinga á Tævan á sitt vald eftir níu mánaða umsátur og stofnaði þar konungsríkið Tungning.

• 1793 - Frakkland sagði Stóra-Bretlandi og Hollandi stríð á hendur.

• 1864 - Síðara Slésvíkurstríðið hófst þegar þýskir hermenn héldu yfir landamærin inn í Slésvík sem þá tilheyrði Danmörku.
• 1904 - Heimastjórn: Hannes Hafstein varð fyrsti ráðherra Íslands með búsetu á Íslandi.

• 1917 - Þýskaland lýsti yfir ótakmörkuðum kafbátahernaði.
• 1918 - Rússland tók upp gregoríska tímatalið.

• 1935 - Áfengisbann var fellt úr gildi á Íslandi. Bannið hafði staðið í tuttugu ár og einn mánuð, eða frá 1. janúar 1915.
• 1946 - Norðmaðurinn Trygve Lie var kjörinn fyrsti aðalritari Sameinuðu þjóðanna.

• 1948 - Ríkisútvarpið hóf stuttbylgjusendingar fyrir Íslendinga erlendis.

• 1963 - Hastings Banda tók við sem fyrsti forsætisráðherra Malaví.
• 1973 - Viðlagasjóður var stofnaður til að bæta tjón eftir eldgosið í Vestmannaeyjum.
• 1977 - Síðasta mjólkurbúðin í Reykjavík var lögð niður.

• 1979 - Ayatollah Khomeini, æðsti maður íslams í Íran, sneri heim úr margra ára útlegð í París.
• 2001 - Síðdegisþáttur Bylgjunnar, Reykjavík síðdegis, fór í loftið. Umsjónarmenn þáttarins eru Þorgeir Ástvaldsson, Kristófer Helgason og Bragi Guðmundsson.
• 2001 - Abdel Basset al-Megrahi, líbýskur hryðjuverkamaður, var dæmdur í lífstíðarfangelsi fyrir að sprengja farþegaþotu frá PanAm yfir Lockerbie í Skotlandi árið 1988 með þeim afleiðingum að 270 manns fórust.

• 2003 - Þórólfur Árnason tók við sem borgarstjóri Reykjavíkurborgar.
• 2004 - Norræna vinstri-græna bandalagið var stofnað í Reykjavík.
• 2009 - Ríkisstjórn undir forsæti Jóhönnu Sigurðardóttur tók við völdum. Í henni voru tveir utanþingsráðherrar. Fráfarandi stjórn var undir forsæti Geirs H. Haarde.

Fædd

• 1455 - Hans konungur Danmerkur, Noregs og Svíþjóðar (d. 1513).
• 1690 - Francesco Maria Veracini, ítalskt tónskáld (d. 1768).
• 1902 - Langston Hughes, bandarískt skáld (d. 1967).
• 1931 - Boris Jeltsín, Rússlandsforseti (d. 2007).
• 1976 - Katrín Jakobsdóttir, varaformaður Vinstrihreyfingarinnar - græns framboðs
• 1977 - Erla Hendriksdóttir, fyrrum fyrirliði landsliðs kvenna í fótbolta.
• 1986 - Sigfús Páll Sigfússon, landsliðsmaður í handknattleik.

Dáin

• 1313 - Jörundur Þorsteinsson Hólabiskup.
• 1851 - Mary Shelley, enskur rithöfundur (f. 1797).
• 1944 - Piet Mondrian, hollenskur listmálari (f. 1872).
• 1971 - Bob Hilliard, bandarískur textahöfundur (f. 1918).
• 2007 - Hallgerður Gísladóttir, íslenskur sagnfræðingur og þjóðfræðingur (f. 1952).
• 2010 - Steingrímur Hermannsson, fyrrum forsætisráðherra Íslands (f. 1928).