3. janúar

Des – Janúar – Feb
Su	Má	Þr	Mi	Fi	Fö	La
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2013 Allir dagar

3. janúar er 3. dagur ársins samkvæmt gregoríska tímatalinu. 362 dagar (363 á hlaupári) eru eftir af árinu.

Atburðir

• 936 - Leó 7. varð páfi.
• 1483 - Byssum beitt í bardaga á Íslandi í fyrsta sinn svo vitað sé, þegar menn Andrésar Guðmundssonar skutu að Þorleifi Björnssyni hirðstjóra og mönnum hans þegar þeir reyndu að ná virki á Reykhólum þar sem Andrés hafði búið um sig. Einn maður féll.
• 1597 - Heklugos hófst og voru uppi margir eldar samtímis.

• 1602 - Umsátrinu um Kinsale lauk með ósigri Íra og spænskra bandamanna þeirra.
• 1641 - Sænski herinn reyndi án árangurs að steypa þýsku stjórninni í Regensburg.
• 1749 - Blaðið Kjøbenhavnske Danske Post-Tidender, síðar Berlingske Tidende, kom út í fyrsta sinn í Kaupmannahöfn.
• 1888 - Kristín Bjarnadóttir frá Esjubergi neytti atkvæðisréttar síns fyrst íslenskra kvenna í bæjarstjórnarkosningum í Reykjavík.

• 1890 - Hólmavík á Ströndum varð löggiltur verslunarstaður.
• 1925 - Benito Mussolini leysti upp þingið og lýsti yfir flokksræði á Ítalíu.
• 1926 - Karlakór Reykjavíkur var stofnaður.
• 1948 - Þýskur togari bjargaði fjögurra manna áhöfn íslenska vélbátsins Bjargar eftir átta daga hrakninga vegna vélarbilunar.

• 1959 - Alaska varð 49. fylki Bandaríkjanna.
• 1961 - Dwight Eisenhower tilkynnti að Bandaríkin hefðu slitið stjórnmálasambandi við Kúbu.
• 1984 - FTSE 100-vísitalan tekin í notkun.
• 1990 - Íslandsbanki hinn síðari hóf starfsemi sína. Hann var stofnaður 1. janúar með sameiningu Alþýðubankans, Útvegsbankans og Verslunarbankans.
• 1991 - Wayne Gretzky skoraði sitt sjöhundruðasta mark.
• 2000 - Sjónvarpsþátturinn Kastljós hóf göngu sína í íslenska ríkissjónvarpinu.

Fædd

• 106 f.Kr. - Síseró, rómverskur heimspekingur (d. 43 f.Kr.).
• 1892 - J. R. R. Tolkien, breskur prófessor og rithöfundur (d. 1973).
• 1930 - Matthías Johannessen, íslenskt skáld og rithöfundur.
• 1946 - John Paul Jones, enskur bassaleikari Led Zeppelin.
• 1956 - Mel Gibson, ástralskur leikari og leikstjóri.
• 1963 - Till Lindemann, þýskur rokksöngvari (Rammstein).
• 1969 - Michael Schumacher, þýskur ökuþór.

Dáin

• 236 - Anþeros páfi.
• 1322 - Filippus 5. Frakkakonungur (f. 1292).
• 1437 - Katrín af Valois, Englandsdrottning (f. 1401).
• 1543 - Juan Rodríguez Cabrillo, portúgalskur landkönnuður.
• 1682 - Olof Verelius, sænskur rúnafræðingur (f. 1618).
• 1903 - Alois Hitler, faðir Adolfs Hitler (f. 1837).
• 1923 - Jaroslav Hasek, tékkneskur rithöfundur (f. 1883).
• 1960 - Gunnar Salómonsson, íslenskur aflraunamaður (f. 1907).
• 1967 - Jack Ruby, maðurinn sem drap Lee Harvey Oswald (f. 1911).
• 1976 - Barbara Árnason, íslensk listakona (f. 1911).