14. desember

Nóv – Desember – Jan
Su	Má	Þr	Mi	Fi	Fö	La
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
2012 Allir dagar

14. desember er 348. dagur ársins (349. á hlaupári) samkvæmt gregoríska tímatalinu. 17 dagar eru eftir af árinu.

Atburðir

• 867 - Hadríanus 2. varð páfi.

• 1287 - Grandi milli Norðursjávar og grunns stöðuvatns í Hollandi gaf sig og olli fimmta stærsta flóði sögunnar. 50.000 manns létu lífið en flóðið braut líka hafinu leið að Amsterdam sem eftir það gat þróast sem hafnarborg.

• 1542 - María Stúart varð drottning Skotlands.

• 1890 - Eyrarbakkakirkja var vígð. Altaristafla hennar er eftir Lovísu Danadrottningu, máluð árið 1891.
• 1908 - Togarinn Coot, sem var fyrsti togari keyptur til Íslands, strandaði við Keilisnes. Coot var á leiðinni til Hafnarfjarðar, og hafði í togi skútuna Kópanes sem átti að fara í vetrarlægi í Hafnarfirði. Á utanverðum Hafnarfirði slitnaði tógið og festist í skrúfu Coots. Bæði skipin rak stjórnlaust undan veðri og straumi þar til þau strönduðu við Keilisnes. Þar með lauk sögu fyrsta togarans.

• 1910 - Vísir til dagblaðs í Reykjavík hóf göngu sína. Vísir og Dagblaðið sameinuðust í DV 26. nóvember 1981.
• 1911 - Roald Amundsen kom á suðurpólinn.
• 1934 - Golfklúbbur Reykjavíkur var stofnaður og hét þá „Golfklúbbur Íslands“.

• 1935 - Um mestallt Ísland geysaði fárviðri og varð mikið manntjón. Tuttugu og fimm manns fórust, símalínur slitnuðu niður og skemmdir urðu á húsum.

• 1939 - Sovétríkin voru rekin úr Þjóðabandalaginu vegna innrásarinnar í Finnland en það stríð var síðar nefnt vetrarstríðið.

• 1977 - Ofviðri samfara stórflóði olli tjóni víða á suðurströnd Íslands, til dæmis á Stokkseyri. Þetta voru talin mestu flóð á tuttugustu öldinni.

• 1989 - Í Chile voru haldnar fyrstu lýðræðislegar kosningar í sextán ár.
• 2003 - Saddam Hussein fannst falinn í byrgi nálægt Tikrit í Írak og var tekinn höndum af Bandaríkjaher.

Fædd

• 1546 - Tycho Brahe, danskur stjörnufræðingur (d. 1601).
• 1867 - Ingibjörg H. Bjarnason, skólastjóri og alþingismaður (d. 1941).
• 1894 - Georg 6. Bretlandskonungur (d. 1952).
• 1930 - Egill Jónsson, bóndi og alþingismaður (d. 2008).
• 1951 - Guðmundur Ólafsson, íslenskur leikari.
• 1979 - Michael Owen fótboltamaður.

Dáin

• 1788 - Carl Philipp Emanuel Bach, þýskt tónskáld (fæddur 8. mars, 1714).

Hátíðis- og tyllidagar

• Samkvæmt kvæði Jóhannesar úr Kötlum, „Jólin koma“ kemur jólasveinninn Stúfur til byggða þennan dag.