Hraun (hljómsveit)

Úr Wikipediu, frjálsa alfræðiritinu

Hraun er íslensk hljómsveit sem var stofnuð 16. júní árið 2003 þegar hljómsveitarmeðlimir komu saman með engum fyrirvara og spiluðu í partýi á kaffihúsinu Kaffi Vín. Hljómsveitin umbreyttist fljótt og fór að spila meira frumsamið efni. Varð sveitin reglulegt húsband á grasrótartónlistarstaðnum Café Rósenberg auk þess að leika reglulega tónleika á kaffihúsinu Langa Manga á Ísafirði.

Hljómsveitin hefur gefið út fjórar jólaplötur auk partýplötu (Partýplatan partý). Fyrsta plata með frumsömdu efni sveitarinnar kom út hjá plötufyrirtækinu Dimmu 11. júní 2007 og ber nafnið I can't believe it's not happiness. Platan var m.a. plata vikunnar á Rás 2 sumarið 2007. Útgáfutónleikar voru haldnir í Þjóðleikhúskjallaranum.

Í desember 2007 komst Hraun í fimm sveita úrslit hljómsveitakeppninnar The next big thing sem BBC World Service stendur fyrir. Þar léku þeir í útsendingu sjónvarpsstöðvarinnar fyrir fjögurra manna dómnefnd og sal áhorfenda.

Önnur plata sveitarinnar, Silent Treatment, kom út 12. júní 2008. Útgáfutónleikar voru haldnir á Rúbín 16. júní 2008 og mættu um 350 manns. Allur ágóði af tónleikunum rann til styrktar íslenska geitastofninum.

Meðlimir[breyta | breyta frumkóða]

Meðlimir sveitarinnar eru:

  • Svavar Knútur - söngur, gítar, harmónikka, píanó
  • Guðmundur Stefán Þorvaldsson - gítar og söngur
  • Jón Geir Jóhannsson - trommur og söngur
  • Loftur Sigurður Loftsson - bassagítar og söngur

Fyrrverandi meðlimir:

  • Hjalti Stefán Kristjánsson - söngur, mandólín, flauta, ásláttarhljóðfæri
  • Gunnar Ben - hljómborð, óbó, söngur og fleira

Tilvísanir[breyta | breyta frumkóða]


Tenglar[breyta | breyta frumkóða]

  Þessi tónlistargrein sem tengist Íslandi er stubbur. Þú getur hjálpað til með því að bæta við greinina.