16. mars

Feb – Mars – Apr
Su	Má	Þr	Mi	Fi	Fö	La
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31
2013 Allir dagar

16. mars er 75. dagur ársins (76. á hlaupári) samkvæmt gregoríska tímatalinu. 290 dagar eru eftir af árinu.

Atburðir

• 597 f.Kr. - Babýloníumenn hertóku Jerúsalem.

• 1315 - Bein Guðmundar góða voru tekin upp og Gvendardagur gerður messudagur á Íslandi.

• 1521 - Ferdinand Magellan kom til Filippseyja.

• 1621 - Indíáninn Samoset kom í tjaldbúðirnar í Plymouth-nýlendunni og heilsaði fólkinu á ensku, því til mikillar furðu.
• 1657 - Miklir jarðskjálftar riðu yfir Suðurland og féllu hús víða, en mest í Fljótshlíð.
• 1792 - Gústaf 3. Svíakonungur var særður til ólífis á grímuballi í óperunni. Hann dó þann 29. mars.
• 1813 - Prússar lýstu yfir stríði á hendur Napóleoni keisara Frakka.
• 1852 - Tólf menn drukknuðu þegar skipi hvolfdi í Höfnum.
• 1867 - Joseph Lister birti grein í The Lancet þar sem í fyrsta sinn er lýst skurðaðgerðum við dauðhreinsaðar aðstæður.
• 1910 - Póstskipið s.s. Laura, eign Sameinaða danska gufuskipafélagsins strandaði á Skagaströnd hjá Finnstaðanesi.

• 1935 - Adolf Hitler fyrirskipaði vígvæðingu þýska ríkisins í trássi við Versalasáttmálann.

• 1942 - Fyrsta V-2-flugskeytinu var skotið í tilraunaskyni í Þýskalandi. Það sprakk í flugtaki.
• 1968 - Fjöldamorðin í My Lai í Víetnam: Bandarískir hermenn drápu hvert mannsbarn í heilu þorpi þrátt fyrir að þar væru engir karlmenn á herskyldualdri.

• 1978 - Rauðu herdeildirnar rændu Aldo Moro í Róm. Hann fannst síðar myrtur í farangursgeymslu fólksbifreiðar.

• 1978 - Olíuskipið Amoco Cadiz steytti á skerjum í Ermarsundi og brotnaði í tvennt með þeim afleiðingum að úr varð eitt alvarlegasta umhverfisslys sögunnar.
• 1980 - Fjórða hrina Kröfluelda hófst. Þetta gos var kallað skrautgos þar sem það stóð stutt en þótti fallegt.
• 1983 - Reykjavíkurborg keypti stórt land í Viðey af Ólafi Stephensen og átti þá nánast alla eyjuna, nema Viðeyjarstofu og Viðeyjarkirkju sem var í eigu ríkisins til 1986.

• 1988 - Gasárás var gerð á íraska bæinn Halabja, þar sem aðallega bjuggu Kúrdar. Allir bæjarbúar fórust, yfir 5000 talsins.
• 2003 - Stærstu samræmdu fjöldamótmæli á alheimsvísu voru haldin gegn stríði í Írak.
• 2880 - Hugsanlegt er talið að loftsteinninn 1950 DA muni rekast á jörðina og valda gjöreyðingu. Reiknaðar líkur eru 1/300.

Fædd

• 1478 - Francisco Pizarro, spænskur landvinningamaður (d. 1541).
• 1751 - James Madison, 4. forseti Bandaríkjanna (d. 1836).
• 1789 - Georg Simon Ohm, þýskur eðlisfræðingur (d. 1854).
• 1827 - Ferdinand Meldahl, danskur arkitekt (d. 1908).
• 1868 - Maxim Gorkíj, rússneskur rithöfundur (d. 1936).
• 1911 - Josef Mengele, þýskur læknir, vísindamaður og stríðsglæpamaður (d. 1979).
• 1926 - Jerry Lewis, bandarískur leikari.
• 1931 - Anthony Kenny, enskur heimspekingur.
• 1941 - Bernardo Bertolucci, kvikmyndaleikstjóri.
• 1953 - Richard Stallman, stofnandi Frjálsu hugbúnaðarstofnunarinnar.
• 1959 - Jens Stoltenberg, forsætisráðherra Noregs.
• 1968 - Kahimi Karie, japönsk söngkona.
• 1970 - Páll Óskar Hjálmtýsson, íslenskur tónlistarmaður.

Dáin

• 37 - Tíberíus keisari, dó 79 ára gamall. Síðustu árin dvaldi hann á eyjunni Kaprí.
• 455 - Valentíníanus 3., keisari Rómar (f. 419)
• 1237 - Guðmundur Arason góði, Hólabiskup (f. 1161).
• 1341 - Jón Indriðason, biskup í Skálholti.
• 1683 - Henrik Bjelke, norskur flotaforingi og hirðstjóri á Íslandi (f. 1615).
• 1698 - Leonora Christina Ulfeldt, dóttir Kristjáns 4..
• 1828 - Johannes Galletti, þýskur sagnfræðingur (f. 1750).
• 1940 - Bríet Bjarnhéðinsdóttir, ritstjóri, bæjarfulltrúi og kvenréttindafrömuður (f. 1856).
• 1940 - Selma Lagerlöf, sænskur rithöfundur (f. 1858).
• 1977 - Halldór Pétursson, íslenskur skopmyndateiknari (f. 1916).