29. júlí

Jún – Júlí – Ágú
Su	Má	Þr	Mi	Fi	Fö	La
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31
2012 Allir dagar

29. júlí er 210. dagur ársins (211. á hlaupári) samkvæmt gregoríska tímatalinu. 155 dagar eru eftir af árinu.

Atburðir

• 1030 - Stiklastaðaorusta í Noregi. Ólafur digri var veginn. Eftir dauða sinn var hann nefndur Ólafur helgi.
• 1247 - Hákon gamli var hylltur sem konungur Noregs bæði af böglum og birkibeinum.
• 1693 - Níu ára stríðið: Englendingar og Hollendingar biðu ósigur fyrir Frökkum í orrustunni við Landen.
• 1858 - Japanir undirrituðu Harris-samkomulagið sem kvað á um vinskap og viðskipti við Bandaríkjamenn.

• 1900 - Úmbertó 1. konungur Ítalíu var myrtur af stjórnleysingjanum Gaetano Bresci. Viktor Emmanúel 3. tók við völdum.
• 1907 - Friðrik 8. Danakonungur kom í heimsókn til Íslands og stóð hún til 15. ágúst. Konungur ferðaðist víða um landið.
• 1934 - Ríkisstjórn Hermanns Jónassonar tók við völdum. Fjármálaráðherra var Eysteinn Jónsson og var hann yngstur allra sem gegnt höfðu ráðherraembætti, 27 ára.
• 1957 - Alþjóða kjarnorkumálastofnunin var stofnuð af Sameinuðu þjóðunum.
• 1977 - Þýskur bankaræningi, sem var eftirlýstur erlendis var handtekinn í Reykjavík með 277 þúsund mörk.

• 1979 - Afhjúpaður var minnisvarði um Kollabúðafundi en á þeim ræddu Vestfirðingar stefnumálin 1849 til 1895.
• 1981 - Karl Bretaprins og lafði Díana Spencer gengu í það heilaga. Athöfnin var sýnd í beinni útsendingu um allan heim.
• 1985 - Í Þorlákshöfn var vígð kirkja í minningu Þorláks biskups Þórhallssonar og var það fyrsta kirkja þar síðan 1770.
• 1996 - Windows NT 4.0 kom út.

• 2011 - Stjórnlagaráð afhenti Alþingi formlega frumvarp sitt að nýrri stjórnarskrá.

Fædd

• 1214 - Sturla Þórðarson, íslenskur sagnaritari (d. 1284).
• 1751 - Johan Bülow, danskur hirðmarskálkur (d. 1828).
• 1814 - Hermann Bonitz, þýskur fornfræðingur (d. 1888).
• 1883 - Benito Mussolini, ítalskur stjórnmálamaður og einræðisherra (d. 1945).
• 1937 - Ryūtarō Hashimoto, forsætisráðherra Japans (d. 2006).
• 1940 - Ole Lund Kirkegaard, danskur rithöfundur (d. 1979).
• 1974 - Josh Radnor, bandarískur leikari.

Dáin

• 1030 - Ólafur digri, Noregskonungur (f. 995).
• 1099 - Úrbanus 2. páfi.
• 1108 - Filippus 1. Frakkakonungur (f. 1053).
• 1644 - Úrbanus 8. páfi (f. 1568).
• 1856 - Robert Schumann, þýskt tónskáld (f. 1810).
• 1890 - Vincent van Gogh, hollenskur listamaður (f. 1853).
• 1983 - Luis Buñuel, spænskur kvikmyndaleikstjóri (f. 1900).
• 1983 - Sigurður S. Thoroddsen, íslenskur verkfræðingur, stjórnmálamaður og knattspyrnumaður (f. 1902).