24. ágúst

24. ágúst er 236. dagur ársins (237. á hlaupári) samkvæmt gregoríska tímatalinu. 129 dagar eru eftir af árinu.

Atburðir

• 79 - Vesúvíus gaus. Borgirnar Pompeii, Herculaneum og Stabiae grófust í ösku.
• 367 - Gratianus varð keisari Rómar.
• 1200 - Jóhann landlausi Englandskonungur giftist Ísabellu af Angoulême.
• 1215 - Innósentíus 3. páfi lýsti Magna Carta ógilt.
• 1349 - Svarti dauði braust út í Póllandi.
• 1511 - Afonso de Albuquerque hertók borgina Malakka. Malakkaskaginn komst þá á vald Portúgala.
• 1526 - Søren Andersen Norby beið ósigur í sjóorrustu við danskar, sænskar og lýbskar flotadeildir undan strönd Blekinge.
• 1572 - Bartólómeusarvígin í París: Kaþólikkar myrtu þúsundir húgenotta samkvæmt skipun Karls 9..
• 1608 - Fyrsti opinberi fulltrúi Bretlands steig á land við Surat á Indlandi.
• 1780 - Loðvík 16. Frakkakonungur bannaði notkun pyntinga til að þvinga fram játningar.
• 1841 - Bjarni Thorarensen, amtmaður og skáld, lést 54 ára gamall. Jónas Hallgrímsson orti um hann erfiljóð sem hefst þannig: „Skjótt hefur sól brugðið sumri...“
• 1853 - Bandaríski kokkurinn George Crum fann upp kartöfluflögur.
• 1906 - Ritsími á milli Skotlands og Íslands um Hjaltland og Færeyjar var formlega tekinn í notkun og var sæsímastrengurinn 534 sjómílur á lengd.
• 1940 - Þýska orrustuskipið Bismarck var tekið í notkun.
• 1944 - Sveinn Björnsson, forseti Íslands, og Franklin D. Roosevelt, forseti Bandaríkjanna, ræddust við í Hvíta húsinu í Washington, en Sveinn var í opinberri heimsókn í Bandaríkjunum.
• 1968 - Norræna húsið í Reykjavík var vígt. Finnski arkitektinn Alvar Aalto teiknaði bygginguna. Norðmaðurinn Ivar Eskeland var ráðinn fyrsti forstöðumaður hússins.
• 1980 - Fyrstu alþjóðlegu rallkeppni á Íslandi lauk eftir fimm daga keppni.
• 1983 - Fjölmennur fundur í Reykjavík, sem haldinn var í veitingahúsinu Sigtúni af svokölluðum Sigtúnshópi, krafðist breytinga á húsnæðislánakerfinu.
• 1989 - Eiturlyfjabarónar Kólumbíu lýstu ríkisstjórn landsins stríði á hendur.
• 1989 - Fyrsta einkarekna sjónvarpsstöð Indónesíu, RCTI, hóf útsendingar.
• 1990 - Armenía lýsti yfir sjálfstæði frá Sovétríkjunum.
• 1991 - Úkraína lýsti yfir sjálfstæði frá Sovétríkjunum.
• 1995 - Microsoft gaf út stýrikerfið Windows 95.
• 1998 - Fyrsta RFID-tækinu var komið fyrir í manneskju í Bretlandi.
• 2000 - Leikjatölvan GameCube frá Nintendo var kynnt.
• 2002 - Stýrikerfið Mac OS X Jaguar var kynnt.

• 2004 - Flugvélaárásirnar í Rússlandi 2004: Sprengjur sprungu í tveimur rússneskum farþegavélum í innanlandsflugi með þeim afleiðingum að 90 létust.
• 2006 - Á þingi Alþjóðasambands stjarnfræðinga var samþykkt að telja Plútó ekki lengur til reikistjarna sólkerfisins.
• 2006 - Norðmaðurinn Fritz Moen var hreinsaður af ákæru um tvö morð. Hann hafði setið 18 og hálft ár í fangelsi fyrir morðin.
• 2008 - Ísland vann silfurverðlaun í handbolta á Ólympíuleikunum í Peking 2008
• 2008 - Danmarks Nationalbank tók yfir rekstur Roskilde Bank.
• 2010 - Árásin á Hótel Muna: Liðsmenn al-Shabaab réðust á hótel í Mógadisjú. 32 létust í átökunum, þar á meðal 11 sómalskir þingmenn.
• 2012 - Dómur var kveðinn upp yfir fjöldamorðingjanum Anders Behring Breivik, sem myrti 77 manns sumarið 2011 með öflugri bílasprengju í miðborg Oslóar og skotárásum í Útey.
• 2016 - Öflugur jarðskjálfti reið yfir Mið-Ítalíu. Um 300 fórust.
• 2016 - Skjöldur Efrats-aðgerðin: Tyrkneskur her réðist á staði í norðvesturhluta Sýrlands.

Fædd

• 1113 - Geoffrey Plantagenet, greifi af Anjou (d. 1151).
• 1198 - Alexander 2. Skotakonungur (d. 1249).
• 1358 - Jóhann 1. Kastilíukonungur (d. 1390).
• 1393 - Arthúr 3., hertogi af Bretagne (d. 1458).
• 1552 - Lavinia Fontana, ítalskur listmálari (d. 1614).
• 1597 - Þorlákur Skúlason, Hólabiskup (d. 1656).
• 1635 - Peder Schumacher Griffenfeld, danskur stjórnmálamaður (d. 1699).
• 1754 - Stefán Þórarinsson, íslenskur lögmaður (d. 1823).
• 1896 - Jón Kaldal, íslenskur ljósmyndari (d. 1981).
• 1899 - Jorge Luis Borges, argentínskur rithöfundur og skáld (d. 1986).
• 1922 - Matthew Lipman, bandarískur heimspekingur (d. 2010).
• 1929 - Yasser Arafat, palestínskur byltingarleiðtogi (d. 2004).
• 1938 - Halldór Blöndal, íslenskur stjórnmálamaður.
• 1942 - Magnús Birgir Jónsson, íslenskur búfræðingur.
• 1948 - Alexander McCall Smith, breskur rithöfundur.
• 1955 - Mike Huckabee, bandarískur stjórnmálamaður.
• 1957 - Stephen Fry, breskur leikari.
• 1963 - Yrsa Sigurðardóttir, íslenskur rithöfundur.
• 1964 - Svandís Svavarsdóttir, íslenskur stjórnmálamaður.
• 1970 - Guido Alvarenga, paragvæskur knattspyrnumaður.
• 1973 - Carmine Giovinazzo, bandarískur leikari.
• 1974 - Takuya Yamada, japanskur knattspyrnumaður.
• 1988 - Rupert Grint, breskur leikari.
• 1988 - Maya Yoshida, japanskur knattspyrnumaður.

Dáin

• 79 - Plinius eldri, rómverskur rithöfundur (f. 23).
• 1042 - Mikael 5. Býsanskeisari.
• 1262 - Skóga-Skeggi Njálsson, bóndi í Skógum undir Eyjafjöllum.
• 1313 - Hinrik 7., keisari hins Heilaga rómverska ríkis (f. 1275).
• 1794 - Björn Halldórsson, prestur í Sauðlauksdal (f. 1724).
• 1841 - Bjarni Thorarensen, amtmaður og skáld (f. 1786).
• 1888 - Rudolf Clausius, þýskur eðlisfræðingur (f. 1822).
• 1939 - Ragnar E. Kvaran, íslenskur prestur og rithöfundur (f. 1894).
• 1988 - Leifur Muller, íslenskur kaupmaður (f. 1920).
• 2014 - Richard Attenborough, breskur leikari og kvikmyndaleikstjóri (f. 1923).