Yrsa Sigurðardóttir
Úr Wikipediu, frjálsa alfræðiritinu
Yrsa Sigurðardóttir (f. 24. ágúst 1963) er íslenskur rithöfundur. Hún er stúdent frá MR 1983 og byggingaverkfræðingur, en sendi frá sér sína fyrstu barnabók, Þar lágu Danir í því, árið 1998. Á eftir komu barna-/unglingabækurnar Við viljum jól í júlí (1999), sem hlaut viðurkenningu Barnabókaráðs Íslands, Barnapíubófinn, Búkolla og bókarránið (2000), B 10 (2001) og Biobörn (2003) sem hlaut Íslensku barnabókaverðlaunin það ár.
Fyrsta „fullorðinsbók“ Yrsu, spennusagan Þriðja táknið, kom út árið 2005. Hún hlaut mjög góðar viðtökur og hefur verið þýdd á sjö tungumál. Eftir henni hafa komið Sér grefur gröf (2006) og Aska (2007).
