Robert Schuman
- Þessi grein fjallar um franska stjórnmálamanninn. Sjá Robert Schumann fyrir greinina um þýska tónskáldið
| Robert Schuman | |
|---|---|
.jpg) Schuman árið 1953. | |
| Forsætisráðherra Frakklands | |
| Í embætti 24. nóvember 1947 – 27. júlí 1948 | |
| Forseti | Vincent Auriol |
| Forveri | Paul Ramadier |
| Eftirmaður | André Marie |
| Í embætti 5. september 1948 – 11. september 1948 | |
| Forseti | Vincent Auriol |
| Forveri | André Marie |
| Eftirmaður | Henri Queuille |
| Forseti Evrópuþingsins | |
| Í embætti 19. mars 1958 – 18. mars 1960 | |
| Persónulegar upplýsingar | |
| Fæddur | 29. júní 1886 Lúxemborg, Lúxemborg |
| Látinn | 4. september 1963 (77 ára) Scy-Chazelles, Lorraine, Frakklandi |
| Stjórnmálaflokkur | Alþýðlega lýðveldishreyfingin (MRP) |
| Maki | Henriette Tugler |
| Trúarbrögð | Kaþólskur |
| Börn | 2 |
| Háskóli | École nationale supérieure des mines de Paris, Sciences Po |
Jean-Baptiste Nicolas Robert Schuman (29. júní 1886 – 4. september 1963) var franskur stjórnmálamaður. Hann gegndi ýmsum ráðherraembættum á tíma fjórða franska lýðveldisins: Hann var utanríkisráðherra og tvisvar forsætisráðherra Frakklands. Síðar gerðist hann fyrsti forseti Evrópuþingsins. Schuman er talinn einn af stofnfeðrum Evrópusambandsins ásamt Jean Monnet, Konrad Adenauer, Johan Willem Beyen, Paul-Henri Spaak og Alcide De Gasperi. Hann var jafnframt einn af stofnendum Norður-Atlantshafsbandalagsins sem utanríkisráðherra Frakklands.
Ásamt vini sínum og samstarfsmanni, Jean Monnet, gerði Schuman það að verkefni sínu að koma á bandalagi milli Frakklands og Þýskalands og hefja verkefni sem ætti að færa Evrópu nær því að verða ríkjasamband. Eftir að hafa fengið stuðning fjármálaráðherra Bretlands, Benelúxlandanna, Ítalíu og Konrads Adenauer Þýskalandskanslara[1] gerði Robert Schuman áætlanir sínar að veruleika með yfirlýsingu þann 9. maí árið 1950 þar sem kola- og stálvinnsla Frakklands og Þýskalands var sett undir eina miðstjórn í Kola- og stálbandalagi Evrópu, sem yrði einnig opið öðrum Evrópuþjóðum. Með Kola- og stálbandalaginu var grunnurinn lagður að Evrópusambandinu.[2][3]
Árið 2021 tók Frans páfi Schuman í helgra manna tölu.[4]
Tilvísanir[breyta | breyta frumkóða]
- ↑ "La discrétion nécessaire", article du centre de recherche CVCE.eu de l’Université du Luxembourg, consulté le 2 septembre 2017 [1]
- ↑ 9 mai 1950 – La Communauté européenne du charbon et de l'acier. Hérodote.net
- ↑ La déclaration de Robert Schuman (Paris, 9 mai 1950).
- ↑ Robert Schuman a fait un premier pas vers la béatification, Le Figaro
| Fyrirrennari: Paul Ramadier |
|
Eftirmaður: André Marie | |||
| Fyrirrennari: André Marie |
|
Eftirmaður: Henri Queuille | |||