Konrad Adenauer

Konrad Adenauer
Kanslari Vestur-Þýskalands
Í embætti 15. september 1949 – 11. október 1963
Forseti	Theodor Heuss Heinrich Lübke
Forveri	Lutz Schwerin von Krosigk (1945)
Eftirmaður	Ludwig Erhard
Persónulegar upplýsingar
Fæddur	5. janúar 1876 Köln, þýska keisaraveldinu
Látinn	19. apríl 1967 (91 árs) Bad Honnef, Vestur-Þýskalandi
Stjórnmálaflokkur	Kristilegi demókrataflokkurinn (1945–1967); Miðflokkurinn (1906–1933)
Maki	Emma Weyer (1904–1916); Auguste Zinsser (1919–1948)
Trúarbrögð	Kaþólskur
Börn	8
Háskóli	Háskólinn í Freiburg Háskólinn í München Háskólinn í Bonn
Starf	Stjórnmálamaður
Undirskrift

Konrad Hermann Joseph Adenauer (5. janúar 1876 – 19. apríl 1967) var þýskur stjórnmálamaður og fyrsti kanslari Vestur-Þýskalands á árunum 1949 til 1963. Hann átti mikinn þátt í að endurreisa Þýskaland úr rústum seinni heimsstyrjaldarinnar og gerði þjóðina að iðnaðarveldi með náin tengsl við Frakkland, Bretland og Bandaríkin. Á stjórnarárum hans náði Þýskaland fram lýðræðisumbótum, stöðugleika, virðingu á alþjóðavelli og efnahagsfarsæld. Adenauer var fyrsti formaður Kristilega demókrataflokksins (CDU) sem varð einn áhrifamesti stjórnmálaflokkur Þýskalands.

Adenauer var kanslari þar til hann var orðinn áttatíu og sjö ára og fékk því gælunafnið „Der Alte“ („sá gamli“). Hann var hlynntur frjálslyndu lýðræði, blönduðu markaðskerfi og andkommúnisma. Hann þótti klókur stjórnmálamaður og dyggur stuðningsmaður vestrænnar utanríkisstefnu og viðreisn Vestur-Þýskalands á alþjóðavelli. Hann endurreisti vestur-þýska hagkerfið í því sem nefnt var „Wirtschaftswunder,“ þýska „efnahagsundrinu.“ Hann kom aftur á fót þýska hernum (Bundeswehr) árið 1955 og kom á sáttum Þjóðverja og Frakka. Þannig ruddi hann veginn fyrir efnahagslegum samruna Vestur-Evrópu. Adenauer var harður andstæðingur Austur-Þýskalands og leiddi sína þjóð inn í Atlantshafsbandalagið til að stemma stigu við uppgangi kommúnisma í Evrópu.

Adenauer var trúrækinn kaþólikki og hafði verið meðlimur Miðflokksins í Weimar-lýðveldinu, þar sem hann hafði verið borgarstjóri Kölnar (1917 – 1933) og forseti prússneska héraðsþingsins (1922 – 1933).

Heimild

• Fyrirmynd greinarinnar var „Konrad Adenauer“ á ensku útgáfu Wikipedia. Sótt 18. júní 2017.

Fyrirrennari: Lutz Schwerin von Krosigk

Kanslari Vestur-Þýskalands (15. september 1949 – 11. október 1963)

Eftirmaður: Ludwig Erhard

  Þessi Þýskalandsgrein sem tengist æviágripi og stjórnmálum er stubbur. Þú getur hjálpað til með því að bæta við greinina.