Umhverfis- og auðlindaráðuneyti Íslands

Umhverfisráðuneytið
Stofnár	1990
Ráðherra	Svandís Svavarsdóttir
Ráðuneytisstjóri	Magnús Jóhannesson
Fjárveiting	6,8 milljarðar króna (2011)
Staðsetning	Skuggasund 1 150 Reykjavík
Vefsíða

Umhverfisráðuneyti Íslands eða Umhverfisráðuneytið er eitt af 10 ráðuneytum Stjórnarráðs Íslands. Æðsti yfirmaður er umhverfisráðherra og æðsti embættismaður þess er ráðuneytisstjóri.

Samkvæmt reglugerð um Stjórnarráð Íslands fer ráðuneytið með þau mál er varða:

• Náttúruvernd, þ.m.t. landgræðslu, vernd vistkerfa og líffræðilegrar fjölbreytni og erfðaauðlinda, þjóðgarða, aðra en Þingvallaþjóðgarð, og friðlýst svæði.
• Friðunar- og uppgræðsluaðgerðir á sviði gróður- og skógverndar, skógrækt, aðra en landshlutabundna og nytjaskóga, og fyrirhleðslur.
• Rannsóknir á sviði umhverfismála og umhverfisvöktun, sem ekki er lögð til annars ráðuneytis.
• Mengunarvarnir, meðhöndlun úrgangs, hollustuhætti, heilbrigðiseftirlit, eiturefni og hættuleg efni.
• Skipulagsmál, mat á umhverfisáhrifum og gerð landnýtingaráætlana.
• Byggingarmál og brunavarnir.
• Veðurþjónustu, varnir gegn ofanflóðum, fjarkönnun og mælingar og rannsóknir á vatnafari landsins.
• Dýravernd og stjórnun veiða á villtum fuglum og villtum spendýrum öðrum en sjávarspendýrum.
• Loftslagsvernd.
• Landmælingar og kortagerð.

Sjá einnig

• Umhverfisráðherra Íslands

Tenglar

• Umhverfisráðuneyti Íslands