1907

Ár

1904 1905 1906 – 1907 – 1908 1909 1910

Áratugir

1891–1900 – 1901–1910 – 1911–1920

Aldir

19. öldin – 20. öldin – 21. öldin

Atburðir

• 23. janúar - Jón forseti, fyrsti togari smíðaður fyrir Íslendinga, kom til landsins.
• 27. janúar - Kvenréttindafélag Íslands stofnað.
• 28. janúar - Sláturfélag Suðurlands, SS, var stofnað.
• 17. júní - Stúdentafélagið gekkst fyrir því að víða var flaggað íslenskum fána, bláum með hvítum krossi. Þessum fána var flaggað víða um land og voru 65 fánar við hún í Reykjavík.
• 2. júlí - Tveir Þjóðverjar fórust í Öskjuvatni þar sem þeir voru við rannsóknir. Minningartafla um þetta slys var sett upp 1951.
• 29. júlí - Friðrik 8. Danakonungur kom í heimsókn til Íslands og stóð hún til 15. ágúst. Konungur ferðaðist víða um landið.
• 2.-4. ágúst - Ungmennafélag Íslands stofnað
• 6. ágúst - Lárus Rist fimleikakennari vann það einstæða afrek að synda alklæddur og í sjóklæðum yfir Eyjafjarðarál.
• 16. nóvember - Stytta af Jónasi Hallgrímssyni eftir Einar Jónsson myndhöggvara var afhjúpuð við Amtmannsstíg í Reykjavík í tilefni af því að öld var liðin frá fæðingu skáldsins. Styttan var sú fyrsta sem upp var sett í Reykjavík eftir annan Íslending en Thorvaldsen. Hún var síðar flutt í Hljómskálagarðinn.
• 22. nóvember - Í Reykjavík fengu giftar konur kosningarétt og kjörgengi til sveitarstjórnar og nýttu sér það nokkrum mánuðum síðar.
• 22. nóvember - Vegalög voru staðfest og kváðu þau á um að vinstri umferð væri í gildi á Íslandi. Var sú ákvörðun tekin með tilliti til kvenna, sem riðu í söðli, en þær höfðu báða fætur á vinstri hlið hestsins og hentaði vinstri umferð því betur. Hægri umferð gekk í gildi 26. maí 1968.
• 10. desember - Fyrsta bílferð norðanlands er vörubíl var ekið frá Akureyri að Grund í Eyjafirði.

• Bretar stofnuðu nýlenduna Nýasaland þar sem nú er Malaví.
• Moskan í Djenné var endurbyggð.
• Franski vísindamaðurinn Georges Urbain uppgötvaði frumefnið Lútetín.
• Ný fræðslulög voru sett á Alþingi, byggð á frumvarpi Guðmundar Finnbogasonar heimspekings. Þau kváðu meðal annars á um stofnun kennaraskóla. Einnig var ákveðið að sú regla skyldi gilda að skyldunám væri nemendum að kostnaðarlausu og ríkið greiddi kennslu og sæi um skólahúsnæði.
• Sjálfstæðisflokkurinn eldri var stofnaður.
• Verzlunarskóli Íslands flutti úr Melsteðshúsi við Lækjartorg í nýtt húsnæði við Hafnarstræti.
• Elsta ungmennafélag landsins í dreifbýli, Ungmennafélagið Máni í Nesjum stofnað.
• Brot úr satýrleiknum Satýrarnir eftir Sófókles uppgötvaðist í Egyptalandi.
• Höfuðborg Rúanda, Kígalí, var stofnuð.
• Skátahreyfingin var stofnuð af Robert Baden-Powell.
• Kleppsspítali var opnaður.
• Pablo Picasso málaði Les Demoiselles d'Avignon sem markar upphaf kúbismans.
• Mönnuð veðurathugunarstöð var sett upp á Grímsstöðum á Mýrum.

Fædd

• 21. febrúar - W. H. Auden, breskt skáld (d. 1973).
• 19. maí - Sigurður H. Pétursson, íslenskur gerlafræðingur (d. 1994)
• 22. maí - Hergé, belgískur myndasöguhöfundur (d. 1983).
• 26. maí - John Wayne, bandarískur kvikmyndaleikari (d. 1979).
• 27. maí - Rachel Carson, bandarískur dýrafræðingur (d. 1964).
• 6. júlí - Frida Kahlo, mexíkósk listakona (d. 1954).
• 27. júlí - Gregory Vlastos, tyrkneskur heimspekingur (d. 1991).
• 14. september - Solomon Asch, bandarískur sálfræðingur (d. 1996).
• 14. nóvember - Astrid Lindgren, sænskur rithöfundur (d. 2002).

Dáin

• 2. febrúar - Dmitri Mendelejev, rússneskur efnafræðingur (f. 1824).
• 5. mars - Friedrich Blass, þýskur fornfræðingur (f. 1843).
• 2. ágúst - Benedikt Sveinbjarnarson Gröndal, íslenskur rithöfundur (f. 1826).
• 4. september - Edvard Grieg, norskt tónskáld (f. 1843).
• 29. nóvember - Árni Thorsteinson, landfógeti og alþingismaður (f. 1828)
• 17. desember - William Thomson, breskur stærð- og eðlisfræðingur (f. 1824).

Nóbelsverðlaunin

• Eðlisfræði - Albert Abraham Michelson
• Efnafræði - Eduard Buchner
• Læknisfræði - Charles Louis Alphonse Laveran
• Bókmenntir - Rudyard Kipling
• Friðarverðlaun - Ernesto Teodoro Moneta, Louis Renault