Nancy Pelosi

Úr Wikipediu, frjálsa alfræðiritinu
Stökkva á: flakk, leita
Nancy Pelosi
Nancy Pelosi
Fædd(ur) Nancy Patricia D'Alesandro Pelosi
26. mars 1940 (1940-03-26) (74 ára)
Baltimore, Maryland, Bandaríkjunum
Starf/staða Forseti fulltrúadeildar Bandaríkjaþings
Heimasíða pelosi.house.gov/

Nancy Patricia D'Alesandro Pelosi (fædd 26. mars 1940) er 60. forseti fulltrúadeildar Bandaríkjaþings (2007-2011). Pelosi hefur setið á þingi fyrir Demókrataflokkinn fyrir 8. kjördæmi Kaliforníu frá 1987 en kjördæmið var númerað sem hið 5. fyrstu þrjú kjörtímabil Pelosi.

Pelosi er fyrsta konan til þess að gegna embætti forseta fulltrúadeildarinnar en samkvæmt stjórnarskrá er hún önnur í röðinni, á eftir Joe Biden varaforseta bandaríkjanna, til að taka við embætti forseta Bandaríkjanna skyldi hann deyja, segja af sér eða á einhvern hátt vera leystur frá störfum. Pelosi er því valdamesti kvenmaður í sögu bandarískra stjórnmála[1].

Ævi og menntun[breyta]

Pelosi var fædd Nancy Patricia D'Alesandro í Baltimore í Maryland fylki í Bandaríkjunum þann 26. mars 1940. Pelosi er dóttir Thomas D'Alesandro, Jr. sem var öldungardeildarþingmaður fyrir Maryland fylki og síðar borgarstjóri Baltimore. Árið 1962 útskrifaðist hún frá Trinity háskóla í Washington D.C. með B.A.-gráðu í stjórnmálafræði. Við Trinity háskóla kynntist hún eiginmanni sínum, Paul Frank Pelosi.[2] Parið giftist ári eftir útskrift og fluttist til New York borgar og síðar San Francisco.

Stjórnmál[breyta]

Á meðan háskólanámi stóð vann Pelosi sem aðstoðarmaður öldungardeildarþingmannsins Daniel Brewster. Þegar hún fluttist til San Francisco fór hún að vinna á vegum demókrataflokksins í Kaliforníu. Þar kynntist hún fulltrúadeildarþingmanninum Phillip Burton, sem sat á þingi fyrir 5. kjördæmi — kjördæmið sem Pelosi myndi síðar vera fulltrúi fyrir. Phillip Burton lést árið 1983 og var þá kona hans Sala Burton kjörin í hans stað. Þegar að Sala greindist með krabbamein á síðari hluta áratugarins og bauð sig ekki fram til endurkjörs árið 1988. Pelosi hlaut stuðning Burton til kosninga um tilnefningu demókrata til sætisins og sigraði naumlega andstæðing sinn. Þegar kosið var um fulltrúa 5. kjördæmisins til fulltrúadeildar sigraði hún frambjóðanda repúblikana með miklum yfirburðum.

Árið 2004 varð Pelosi fyrsta konan til að gegna stöðu leiðtoga minnihlutans í fulltrúadeildinni.[3] Þremur árum síðar, við upphaf 110. þings Bandaríkjaþings var hún kjörin forseti fulltrúadeildar Bandaríkjaþings.


Fyrirrennari:
Dennis Hastert
Forseti fulltrúadeildar Bandaríkjaþings
(2007 – 2011)
Eftirmaður:
John Boehner


Heimildir[breyta]

  1. „Nancy Pelosi“, WhoRunsGov.com . Skoðað 3. febrúar 2010.
  2. Pelosi: Remarks at Georgetown University School of Foreign Commencement. House.gov (2002-05-18). Geymt frá upphaflegu greininni August 4, 2008. Skoðuð 14. júní 2010.
  3. Speaker Nancy Pelosi, U.S. House of Representatives Official Web Page . Skoðað 3. febrúar 2010.