2007
Úr Wikipediu, frjálsa alfræðiritinu
| Ár |
| Áratugir |
| Aldir |
Árið 2007 (MMVII) var í gregoríanska tímatalinu almennt ár sem byrjaði á mánudegi.
Efnisyfirlit |
[breyta] Helstu atburðir
[breyta] Janúar
- 1. janúar - Búlgaría og Rúmenía gengu í Evrópusambandið.
- 1. janúar - Slóvenía tók upp evruna í stað hins slóvenska tolars.
- 1. janúar - Suður-Kóreumaðurinn Ban Ki-moon tók við af Kofi Annan sem aðalritari Sameinuðu þjóðanna.
- 1. janúar - Angóla gekk í Samtök olíuframleiðenda.
- 11. janúar - Víetnam gekk í Alþjóðaviðskiptastofnunina.
- 13. janúar - Gríska skipið Server brotnaði í tvennt úti fyrir strönd Noregs. Um 200 lítrar af hráolíu láku í sjóinn.
[breyta] Febrúar
- 4. febrúar - Þjóðverjar unnu heimsmeistaratitilinn í handbolta á heimavelli.
- 11. febrúar - Portúgalar samþykktu með þjóðaratkvæðagreiðslu að leyfa fóstureyðingar.
[breyta] Mars
- 23. mars - Nýja leikjatölvan frá Sony, PlayStation 3, kom út.
[breyta] Apríl
- 2. apríl - Reykingabann á almannafæri og vinnustöðum tók gildi í Wales.
- 2. apríl - Jarðskjálfti að stærðargráðu 8,1 á Richter skók Salómonseyjar og olli flóðbylgju.
- 16. apríl - Nemandi framdi fjöldamorð í Virginia Tech háskólanum í Virginíu í Bandaríkjunum. Morðinginn skaut 32 til bana, særði fjölmarga og framdi síðan sjálfsmorð.
- 21. apríl - Forsetakosningar voru haldnar í Nígeríu.
- 22. apríl - Fyrsta umferð forsetakosninga haldin í Frakklandi.
- 24. apríl - Fóstureyðingar voru leyfðar í Mexíkóborg.
- 26. apríl - Óeirðir brutust út í Tallinn í Eistlandi í kjölfar þess að borgaryfirvöld létu færa umdeilda styttu.
- 30. apríl - Reykingabann á almannafæri og vinnustöðum tók gildi á Norður-Írlandi.
[breyta] Maí
- 6. maí - Nicolas Sarkozy var kosinn forseti Frakklands.
- 10. maí - Eiríkur Hauksson steig á svið í undankeppninni í Eurovision 2007.
- 12. maí - Alþingiskosningar voru haldnar á Íslandi.
- 12. maí - Serbía sigraði Eurovision.
- 16. maí - Nicolas Sarkozy tók við embætti forseta Frakklands
[breyta] Júní
- 1. júní - Reykingabann tók gildi á öllum veitinga- og skemmtistöðum á Íslandi.
- 27. júní - Gordon Brown tók við forsætisráðherraembætti Bretlands
[breyta] Júlí
- 1. júlí - Ný lög um kosningarétt tóku gildi í Austurríki. Lögin veita Austurríkismönnum kosningarétt frá 16 ára aldri.
- 1. júlí - Reykingabann tók gildi á vinnustöðum og almannafæri í Englandi.
- 1. júlí - Reykingabann tók gildi á öllum veitinga- og skemmtistöðum í New South Wales og Victoria í Ástralíu.
- 8. júlí - Boeing-verksmiðjurnar afhjúpuðu nýja risafarþegaþotu, Boeing 787.
- 9. júlí - Það snjóaði í Buenos Aires, höfuðborg Argentínu, í fyrsta sinn í nær hundrað ár.
- 17. júlí - Á alþjóðaflugvellinum Congonhas-São Paulo í Brasilíu rann farþegaþota út af flugbraut, yfir stóra umferðaræð á háannatíma og inn í vöruhús, þar sem hún sprakk. Allir um borð og nokkrir aðrir létust, samtals yfir 190 manns.
- 19. júlí - Prathiba Patil var kosin sem fyrsti kvenforseti Indlands.
- 21. júlí - Síðasta bók J.K. Rowling um Harry Potter kom út og seldist í yfir 8 milljónum eintaka á fyrsta sólarhringnum.
[breyta] Ágúst
- 4. ágúst - Reykingabann tók gildi á almannafæri í Slóveníu.
- 11. ágúst - Forseta- og þingkosningar fóru fram í Sierra Leone.
- 14. ágúst - 572 manns láta lífið í nokkrum sjálfsmorðsárásum í Qahtaniya í Írak.
- 15. ágúst - Jarðskjálfi að stærðinni 8,0 Richter varð 512 manns að bana í Perú. Yfir 1500 manns slösuðust.
- 25. ágúst Valur vígir Vodafone-Höllina,þetta var mikil hátíð komu skrúðgöngur frá hvervis skólunum Það eru skólarnir Austurbæjarskóli, Hlíðaskóli og Háteigsskóla.
[breyta] September
- 8. september - Bílsprengja varð yfir 50 manns að bana í Dellys í Alsír.
- 26. september - Eftir margra daga mótmæli gegn stjórn Myanmar brást stjórnarherinn við og reyndi að stöðva mótmælin. Fyrstu dauðsföll af völdum stjórnarhersins voru staðfest. Buddhamunkar og aðrir mótmælendur voru handteknir og lokað var algjörlega fyrir internetaðgang í Myanmar.
[breyta] Október
- 6. október - Forsetakosningar fóru fram í Pakistan.
- 8. október - Spretthlauparinn Marion Jones skilar fimm Ólympíuverðlaunum sem hún vann í Sydney árið 2000, eftir að hafa játað ólöglega lyfjanotkun.
- 11. október - Meirihluti Sjálfstæðisflokks og Framsóknarflokks sprakk i Reykjavík en það var í fyrsta skipti sem meirihluti situr ekki út kjörtímabil í Reykjavík.
- 18. október - Benazir Bhutto, fyrrverandi forsætisráðherra Pakistan, sneri heim til Pakistan eftir átta ára útlegð til að taka þátt í forsetakosningum. Sama kvöld var sjálfsmorðsárás gerð á bílalest Bhutto. Hún slapp ómeidd en 136 aðrir létust.
- 21. október - Kimi Räikkönen kringdur heimsmeistari í Formúlu 1 eftir Brasilíukappaksturinn.
- 25. október - Fyrsta farþegaflug Airbus 380 farþegaþotunnar flaug á milli Singapore og Ástralíu.
[breyta] Nóvember
- 3. nóvember - Pervez Musharraf, forseti Pakistan, lýsti yfir neyðarástandi í landinu í kjölfar umdeildra forsetakosninga. Musharraf var í kjölfarið sakaður um valdarán.
- 7. nóvember - Ungur námsmaður gerði skotárás í skóla í bænum Jokela í Finnlandi. Hann varð 8 manns að bana, særði 12 og framdi síðan sjálfsmorð.
- 7. nóvember - Mikheil Saakashvili, forseti Georgíu, lýsti yfir neyðarástandi í höfuðborg landsins í kjölfar mikilla mótmæla gegn stjórn hans.
- 11. nóvember - Paul Fontaine-Nikolov, bandarískur innflytjandi, tók sæti á Alþingi sem varaþingmaður Vinstri-grænna. Hann er fyrsti útlendingurinn til þess að sitja á Alþingi.
- 12. nóvember - The Hope fjórða breiðskífa íslensku rokksveitarinnar Sign kom út.
- 14. nóvember - Jarðskjálfti upp á 7,7 á Richter skók Chile.
- 16. nóvember - Þúsundir létust og milljónir misstu heimili sín í gífurlegum fellibyl sem gekk yfir Bangladesh.
- 18. nóvember - 101 námuverkamaður lét lífið í námuslysi í Úkraínu.
[breyta] Desember
- 11. desember - Tvær bílsprengjur urðu 31 manni að bana í Algeirsborg í Alsír.
- 20. desember - Jarðskjálfti upp á 6,6 á Richter skók Nýja Sjáland og olli miklum skemmdum í borginni Gisborne. Einn lét lífið.
- 21. desember - Schengen svæðið stækkaði. Aðildarlönd sem bættust við voru Eistland, Lettland, Litháen, Malta, Pólland, Slóvakía, Slóvenía, Tékkland og Ungverjaland.
- 24. desember - Stjórn Nepal tilkynnti að 240 ára einræði verði lagt niður árið 2008 og lýðræði tekið upp.
- 27. desember - Benazir Bhutto, fyrrverandi forsætisráðherra Pakistans og forsetaframbjóðandi, var ráðin af dögum á kosningafundi í Rawalpindi.
- 27. desember - Forseta- og þingkosningar voru haldnar í Kenýa.
- 31. desember - Yfir tvö hundruð manns létu lífið í átökum sem brutust út vegna úrslita forsetakosninganna í Kenýa.
[breyta] Fædd
[breyta] Dáin
- 30. janúar - Sidney Sheldon, bandarískur rithöfundur (f. 1917).
- 8. febrúar - Anna Nicole Smith, bandarísk fyrirsæta og leikkona, fannst meðvitundarlaus inni á hótelherbergi sínu og lést skömmu síðar af völdum of stórs lyfjaskammts (f. 1967).
- 23. apríl - Boris Jeltsin, forseti Rússlands (f. 1931)
- 6. september - Luciano Pavarotti, italskur tenor (f. 1935)
- 15. september - Colin McRae, skoskur fyrrverandi heimsmeistari í rallý, lést í flugslysi á Skotlandi (f. 1968).
- 27. desember - Benazir Bhutto, fyrrverandi forsætisráðherra Pakistans var myrt á kosningafundi. (f. 1953).
