Álftanes

Þessi grein er um Álftanes á höfuðborgarsvæðinu. Álftanes er líka nafn á nesi við utanverðan Borgarfjörð, sjá Álftanes (Mýrum).

Álftanes
Bær
Álfhóll
Álftanes Staðsetning Álftaness
Hnit: 64°5′24″N 21°59′24″V
Land	Ísland
Landshluti	Höfuðborgarsvæðið
Kjördæmi	Suðvestur
Sveitarfélag	Garðabær
Mannfjöldi  (2025)
• Samtals	2.690
Heiti íbúa	Álftnesingar
Póstnúmer	225
Vefsíða	gardabaer.is

Álftanes er nes á Suðvesturlandi. Nesið liggur til norðvesturs á milli Hafnarfjarðar að sunnan og Skerjafjarðar að norðan. Nesið er láglent og á því allnokkurt hraun, Gálgahraun. Á nesinu er vaxandi byggð. Þekktustu staðir á Álftanesi eru Bessastaðir og Garðar. Á Bessastöðum er aðsetur forseta Íslands. Garðar eru kirkjustaður og fyrrum prestssetur. Í Gálgahrauni mun hafa verið aftökustaður sakamanna fyrrum. Yst á Álftanesi er Skansinn, en þar var byggt vígi til varnar konungsgarðinum á Bessastöðum ef sjóræningjar skyldu leggja þangað leið sína.

Nesið skiptist áður á milli tveggja sveitarfélaga, utanvert var sveitarfélagið Álftanes (áður Bessastaðahreppur) en innri hlutinn tilheyrði Garðabæ. Samhliða þjóðaratkvæðagreiðsla um tillögur stjórnlagaráðs þann 20. október 2012, fór fram íbúakosning í Garðabæ og sveitarfélaginu Álftanesi og var sameining þeirra í eitt sveitarfélag samþykkt. Hið nýja sveitarfélag heitir Garðabær en um það hafði verið samið fyrir kosningarnar.

Myndir

Hliðsnes

• 
  Lending við Hlið

Sérstakir staðir

• 
  Varðturninn við Jörfa
• 
  Leiðarmerki á Eyrinni
• 
  Álfhóll

Tengt efni

• Grásteinn
• Bessastaðir
• Sveitarfélagið Álftanes

Tenglar

• Sígur Álftanes?; grein í Lesbók Morgunblaðsins 1949

  Þessi landafræðigrein er stubbur. Þú getur hjálpað til með því að bæta við greinina.