Þorlákshöfn

Þorlákshöfn
Bær
Þorlákshöfn árið 2024
Þorlákshöfn Staðsetning Þorlákshafnar
Hnit: 63°51′N 21°22′V
Land	Ísland
Landshluti	Suðurland
Kjördæmi	Suður
Sveitarfélag	Ölfus
Mannfjöldi  (2024)
• Samtals	2.037
Heiti íbúa	Þorlákshafnarbúar
Póstnúmer	815
Vefsíða	olfus.is

Loftmynd af Þorlákshöfn

Þorlákshöfn (áður Elliðahöfn) er bær í Sveitarfélaginu Ölfusi í Árnessýslu. Árið 2024 bjuggu 2.037 manns í bænum. Elliði Vignisson er bæjarstjóri Ölfus.

Þorlákskirkja

Í apríl 1937 keypti Kaupfélag Árnesinga með aðstoð Egils Thorarensens jörðina sem seinna var nefnd Þorlákshöfn af efnamönnum í Reykjavík. Þaðan voru síðan gerðir út nokkrir bátar til fiskveiða, áhugi komst með tíð og tíma á fyrir því að koma upp hafnaraðstöðu á þessu svæði. Til þess að það mætti gerast þurfti að selja land Þorlákshafnar til hins opinbera. Með rekstur á landinu fór Þorlákshafnarnefnd og komst það fljótlega á dagskrá hjá henni að stofna til útgerðarfélags.

Hagur Þorlákshafnar vænkaðist töluvert eftir að ákveðið var á fundi í Selfossbíói, þann 10. júní 1949 að stofna hlutafélagið Meitillinn h.f. með hlutafé frá sveitungum. Hafist var handa við útgerð á fimm vélbátum snemma næsta ár eftir að gengið hafði verið frá kaupum á þeim og árið 1951 voru 14 manns með skráða búsetu í Þorlákshöfn.

Í dag er leikskóli, grunnskóli, heilsugæslustöð, apótek, hárgreiðslustofa, veitingastaðir, matvöruverslun, banki, bensínstöð, bókasafn, vínbúð og fl. í bænum.

• Kristján frá Djúpalæk samdi ljóð sem heitir Þorlákshöfn

Tenglar

• Heimasíða Ölfuss

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.