Verzlunarskóli Íslands

Úr Wikipediu, frjálsa alfræðiritinu
Stökkva á: flakk, leita
Verzlunarskóli Íslands
Stofnaður 1905
Tegund Einkaskóli
Skólastjóri Ingi Ólafsson
Nemendur 1.200+
Nemendafélag NFVÍ
Staðsetning Ofanleiti 1
103 Reykjavík
Ísland
Gælunöfn Verzló
Gælunöfn nemenda Verzlingar
Heimasíða www.verslo.is
Nemendafélag

Verzlunarskóli Íslands (eða Verzló eins og hann er oft kallaður) er framhaldsskóli til fjögurra ára staðsettur í Reykjavík. Skólinn var fyrst settur þann 12. október 1905 og tók til starfa um haustið sama ár. Á fyrsta starfsári hans voru nemendur 66, en telja nú á þrettánda hundrað. Hermesarstafurinn er tákn Verzlunarskóla Íslands en Hermes er guð verslunar í grískri goðafræði.

Saga[breyta]

Skólinn var stofnaður af Verzlunarmannafélagi Reykjavíkur og Kaupmannafélagi Reykjavíkur. Sumarið 1922 tók Verslunarráð Íslands að sér umsjón skólans, og hefur hann síðan verið undir yfirstjórn þess.

Skólinn útskrifaði fyrst stúdenta árið 1945, en stúdentsnámið tók þá sem lokið höfðu verslunarprófi tvö ár. Skólinn var í sex bekkjum árin 1944-1970, en árið 1971 voru tveir neðstu bekkirnir felldir niður og nemendur í staðinn teknir inn í skólann með landspróf eða gagnfræðapróf, og eftir árið 1974 samræmt grunnskólapróf.

Aðstaða skólans[breyta]

Skólinn hefur starfað á sex stöðum í Reykjavík:

Skólastjórar Verzlunarskóla Íslands[breyta]

  • 1905-1915: Ólafur G. Eyjólfsson
  • 1915-1917: Jón Sívertsen
  • 1917-1918: Helgi Jónsson
  • 1918-1931: Jón Sívertsen
  • 1931-1953: Vilhjálmur Þ. Gíslason
  • 1953-1979: Dr. Jón Gíslason
  • 1979-1990: Þorvarður Elíasson
  • 1990-1991: Valdimar Hergeirsson
  • 1991-2005: Þorvarður Elíasson
  • 2005-2007: Sölvi Sveinsson
  • 2007-nú: Ingi Ólafsson

Félagslíf[breyta]

Við skólann er mjög virkt og skipulagt félagsstarf. Nemendafélag Verzlunarskóla Íslands (NFVÍ) starfrækir klúbba og nefndir og eru yfir hundrað nemendur í ýmsum klúbbum og nefndum við skólann og í stjórn nemendafélagsins.

Merki:
Stofnað: 1905
Tegund: Nemendafélag, málfundafélag
Forseti: Sigrún Dís Hauksdóttir
Féhirðir: Steinn Arnar Kjartansson
Markaðsstjóri: Karen Jónasdóttir
Formaður Málfundafélags: Gunnhildur Sif Oddsdóttir
Formaður Nemendamótsnefndar: Vaka Vigfúsdóttir
Formaður Skemmtinefndar: Benedikt Benediktsson
Ritstýra Verzlunarskólablaðsins: Jóna Þórey Pétursdóttir
Ritstjóri Viljans: Haukur Kristinsson
Formaður Listafélags: Rán Ísold Eysteinsdóttir
Formaður Íþróttafélags: Björn Bergsson
Vefsíða: [1]

Félagið heitir Nemendafélag Verzlunarskóla Íslands, skammstafað N.F.V.Í. Heimili þess er Ofanleiti 1. Varnarþing þess er í Reykjavík. Félagar eru allir nemendur Verzlunarskóla Íslands. Hlutverk N.F.V.Í. er að efla félagsþroska nemenda, tengsl þeirra innbyrðis, kynni þeirra við aðra skóla og gæta hagsmuna þeirra innan skólans.

Stjórnskipan[breyta]

Stjórn N.F.V.Í. er skipuð af 10 einstaklingum. Stjórnina skipa Forseti, Féhirðir, Markaðsstjóri, Formaður Málfundafélags, Ritstjóri Verzlunarskólablaðsins, Formaður Nemendamótsnefndar, Ritstjóri Viljans, Formaður Íþróttafélags, Formaður Listafélags og Formaður Skemmtinefndar. Stjórn N.F.V.Í. hefur æðsta vald í málefnum félagsins.

Útgáfa[breyta]

NFVÍ gefur m.a. út skólablöðin "Viljinn" og "Verzlunarskólablaðið". Viljinn kom fyrst út árið 1908, blaðið er einskonar tímarit sem inniheldur viðtöl, greinar eftir nemendur, tískuþætti, myndaþætti o.fl. Blaðið kemur út fjórum sinnum á ári, tvisvar á hverri önn. Verzlunarskólablaðið kemur út einu sinni á ári og telur nú 80 árganga. Blaðið hefur undanfarin ár verið í formi harðspjalda bókar. Blaðið er eins konar árbók félagslífsins í Verzlunarskólanum og leitast við að draga upp mynd af starfi félagsins hverju sinni. Auk þess gefur félagið út blöðin Örkin og Kvasir. Örkin er ný útgáfa af gamla slúðurblaðinu Harmónía, sem fór aldrei í prent á skólaárinu 2012-2013 vegna óviðráðanlegra aðstæðna. Nýja blaðið, "Örkin" er tískurit, en fyrsta tölublað tímaritsins hefur ekki enn verið gefið út. Kvasir er hins vegar slúðurblað Verzlinga. Þar birtist allt helsta slúður um Verzlinga ásamt ýmsu skemmtiefni.

Einu sinni á ári, nánar tiltekið á VÍ-mr daginn, gefur ritstjórn blaðsins út sameiginlegt blað með Loka Laufeyjarsyni, tímariti Framtíðarinnar, og er blaðinu dreift í Verzló og mr.

VÍ-mr dagurinn[breyta]

Fyrstu vikuna í október ár hvert er haldinn svokallaður VÍ-mr dagur, en hann er haldinn til að viðhalda ríg á milli Verzlunarskólans og Menntaskólans í Reykjavík. Keppt er í hinum ýmsu þrautum í hljómskálagarðinum að degi til, svo sem í kappáti, reipitogi, langhlaupi, skák, rapp-battli, sjómann og mörgu fleiru. Dagurinn endar svo í Hátíðarsal Verzlunarskóla Íslands, Bláa sal, með ræðukeppni.

NEMÓ[breyta]

Árlega er haldið nemendamót, NEMÓ, sem er gjarna talið hápunktur ársins af nemendum og starfsfólki. Söngleikir Verzlunarskólans sem vakið hafa mikla athygli í gegnum árin, eru frumfluttir á þessu nemendamóti, sem haldið er í febrúar á hverju ári. Skapast hefur sú hefð að nemendur hittist að morgni til í morgunverðarteiti heima hjá einum í bekknum, fara svo á frumsýningu nemendamótssýningarinnar, og haldi svo á nemendamótsdansleikinn um kvöldið. Dansleikurinn hefur undanfarin ár verið stærsti dansleikur allra menntaskóla á landinu og mæta nemendur úr mörgum mismunandi skólum á hann. Á skólaárinu 2012-2013 spiluðu Svitabandið, Friðrik Dór, DJ Jay-O og Sálin hans Jóns míns fyrir fullum sal á Broadway. Það er nemendamótsnefnd sem sér um uppsetningu nemendamótssýningarinnar, sem og umsjón dansleiksins.

MORFÍs =[breyta]

Skólanum hefur gengið vel í keppnum sem háðar hafa verið á milli framhaldsskóla landsins, þá einkum MORFÍs. Keppnin var fyrst haldin árið 1985 og hefur allt í allt verið haldin 21 sinni. Á þessu tímabili hefur Verzlunarskóli Íslands unnið hana 10 sinnum. Í ár er liðið komið í 8-liða úrslit eftir sigur á Menntaskólanum við Hamrahlíð í æsispennandi keppni í 16-liða úrslitum.

Verzlunarskólinn vann Morfís árin:

Gettu Betur[breyta]

Skólinn hefur aðeins einu sinni unnið Gettu Betur, spurningakeppni framhaldsskólanna, þrátt fyrir að hafa komist 6 sinnum í úrslit, en það var árið 2004 er þeir sigruðu Borgarholtsskóla í bráðabana úrslitaviðureignarinnar. Lið skólans skipuðu þeir Hafsteinn Viðar Hafsteinsson, Steinar Örn Jónsson og Björn Bragi Arnarson. Lið skólans árið 2005-2006 komst í úrslit Gettu Betur þar sem þeir biðu lægri hlut gegn Menntaskólanum á Akureyri, eftir að hafa slegið út lið Borgarholtsskóla og Fjölbrautaskóla Suðurlands með auðveldum hætti.

Nokkrir þekktir einstaklingar sem gengu í Verzlunarskóla Íslands[breyta]

Heimildir[breyta]

„Félagslíf“, skoðað þann 22. desember 2005.

Tenglar[breyta]


Fyrri:
Menntaskólinn í Reykjavík
Sigurvegari Gettu betur
2004
Næsti:
Borgarholtsskóli