Slysavarnafélag Íslands

Úr Wikipediu, frjálsa alfræðiritinu

Slysavarnafélagið Landsbjörg eru landssamtök björgunarsveita og slysavarnadeilda á Íslandi.

Starfsemin miðar að því að koma í veg fyrir slys og bjarga mannslífum og verðmætum. Í þeim tilgangi er öflugur hópur sjálfboðaliða til taks ef út af bregður, á nóttu sem degi, allt árið um kring.

[breyta] Saga

Félagið á rætur sínar að rekja aftur til fullveldisársins 1918 þegar Björgunarfélag Vestmannaeyja var stofnað. Slysavarnafélagið Landsbjörg var stofnað 2. október 1999 en þá sameinuðust Slysavarnafélag Íslands, sem var stofnað 1928 og Landsbjörg, landssamband björgunarsveita, sem var stofnað 1991, en það varð til við samruna Landssambands Hjálparsveita skáta sem var stofnað 1971 og Landssamabands flugbjörgunarsveita sem var stofnað 1974.

Við stofnun Slysavarnafélagsins Landsbjargar urðu til ein stærstu samtök sjálfboðaliða á Íslandi með um 18 þúsund félögum sem starfa í björgunarsveitum, slysavarna- og unglingadeildum.

Fyrsta björgunarskipið, fyrsta björgunarþyrlan, Tilkynningaskylda íslenskra skipa og Slysavarnaskóli sjómanna eru aðeins örfá þeirra framfaraspora sem Slysavarnafélagið Landsbjörg og móðurfélög þess hafa stigið, landsmönnum til heilla.

Forseti Íslands er verndari Slysavarnafélagsins Landsbjargar.