David Cameron

Úr Wikipediu, frjálsa alfræðiritinu
Stökkva á: flakk, leita
David Cameron
David Cameron
Forsætisráðherra Bretlands
Enn í embætti
Stjórnartíð hófst
11. maí 2010
Fæðingardagur 9. október 1966
Þjóðerni Breti
Stjórnmálaflokkur Íhaldsflokkurinn
Maki Samantha Cameron
Börn Ivan Reginald Ian (látinn), Nancy Gwen, Arthur Elwen og Florence Rose Endellion
Háskóli Oxford háskóli
Atvinna Stjórnmálamaður
Trúarbrögð Enska biskupakirkjan

David William Donald Cameron (f. 9. október 1966) er forsætisráðherra Bretlands og leiðtogi Íhaldsflokksins. Cameron var 43 ára þegar hann tók við embættinu og er því næst yngsti forsætisráðherrann í sögu Bretlands á eftir Robert Jenkinson sem var 42 ára þegar hann tók við embætti.

Cameron nam heimspeki, stjórnmálafræði og hagfræði við Oxford-háskóla og útskrifaðist með fyrsta flokks einkun. Að námi loknu vann hann ýmis trúnaðarstörf fyrir Íhaldsflokkinn og stofnanir tengdar honum en starfaði síðan í sjö ár hjá fjölmiðlafyrirtækinu Carlton Communications.

Fyrsta framboð Cameron til þingsetu á breska þinginu kom til í þingkosningunum 1997 þegar hann bauð sig fram í kjördæminu Stafford en náði ekki kjöri. Í kosningunum 2001 náði hann þó á þing fyrir kjördæmið Witney í Oxfordshire. Tveimur árum síðar var hann kominn í framlínu flokksins í þinginu og fyrir kosningarnar 2005 stýrði hann stefnumótunarvinnu Íhaldsflokksins.

Cameron sigraði í leiðtogakjöri íhaldsmanna árið 2005 en hann var af mörgum talinn vera ungur og hófsamur stjórnmálamaður sem gæti mögulega náð til yngri kjósenda. Undir hans forystu náði íhaldsflokkurinn loks forskoti á Verkamannaflokkinn í skoðannakönnunum, í fyrsta skiptið frá stórsigri Verkamannaflokksins undir forystu Tony Blair árið 1997. Í þingkosningunum 6. maí 2010 fengu íhaldsmenn flest atkvæði og flest þingsæti en náðu þó ekki hreinum meirihluta. Þann 11. maí sagði Gordon Brown af sér sem forsætisráðherra og fékk Cameron þá umboð til að mynda nýja ríkisstjórn í samstarfi með Frjálslyndum demókrötum.

Heimild[breyta]


Fyrirrennari:
Gordon Brown
Forsætisráðherra Bretlands
(11. maí 2010 – enn í embætti)
Eftirmaður:
enn í embætti


  Þetta æviágrip er stubbur. Þú getur hjálpað til með því að bæta við greinina.