Evra

Sjá aðgreiningarsíðuna fyrir yfirlit yfir aðrar merkingar „Evra“

Merki evrunnar.

Evran (€; ISO 4217 kóði: EUR) er gjaldmiðill í 17 af 27 aðildarríkjum Evrópusambandsins. Ein evra skiptist í 100 sent.

Evrunni er stjórnað af Evrópska seðlabankanum í Frankfurt í samvinnu við seðlabanka aðildarríkja.

Lönd sem nota evru sem gjaldmiðil

     ESB ríki með evru (evrusvæðið)      ESB ríki án evru      ESB ríki með undanþágu frá myntsamstarfi      Upptaka væntanleg      Þjóðaratkvæðagreiðsla væntanleg)      Önnur ríki með evru (með samning)      Önnur ríki með evru (án samnings)

Löndin sem nota evru sem gjaldmiðil eru oftast nær kölluð evrulöndin eða evrusvæðið.

Lönd innan Evrópusambandsins

• Austurríki
• Belgía
• Eistland
• Finnland
• Frakkland
• Grikkland
• Holland
• Írland
• Ítalía
• Kýpur
• Lúxemborg
• Malta
• Portúgal
• Slóvakía
• Slóvenía
• Spánn
• Þýskaland

Önnur lönd og svæði í Evrópu

• Andorra (óopinber gjaldmiðill, tekinn upp vegna fyrri samninga við Spán)
• Kosovo (óopinber gjaldmiðill)
• Mónakó (Með samningum við Frakkland)
• San Marínó (Með samningum við Ítalíu)
• Svartfjallaland (óopinber gjaldmiðill)
• Vatíkanið (Með samningum við Ítalíu)

Frönsk héruð utan Evrópu

• Franska Gvæjana
• Martinique
• Réunion
• Saint-Pierre og Miquelon

Seðlar og mynt

Aðalgreinar: evruseðlar & evrumynt

Evruseðlar og mynt

Evran varð opinberlega til 1. janúar 1999 en þá aðeins sem rafrænn gjaldmiðill þar sem gengi gömlu gjaldmiðlanna var fryst. Seðlar og mynt komu hins vegar í umferð 1. janúar 2002. Gefin er út mynt í upphæðum 0,01€, 0,02€, 0,05€, 0,10€, 0,20€, 0,50€, 1€ og 2€ og seðlar í upphæðum 5€, 10€, 20€, 50€, 100€, 200€ og 500€. útlit seðlanna er eins í öllum aðildarríkjum á meðan framhliðar myntarinnar er eins en bakhliðarnar mismunandi eftir útgáfulöndum.

Stækkun Evrusvæðisins

Stækkun evrusvæðisins er í stöðugri framþróun. Öll 27 ríki sambandsins, að Bretlandi og Danmörku undanskyldu, eru skuldbundin því að taka upp evru á einhverjum tímapunkti. Einnig munu allir framtíðarmeðlimir ESB taka upp evru. Því er ljóst að að minnsta kosti 8 ríki til viðbótar stefna að upptöku evru í nánustu framtíð.

Í Danmörku hefur verið lagt til að kosið verði um aðild að myntbandalaginu fyrir júní 2011. Verði upptaka evru samþykkt í Danmörku í þjóðaratkvæðagreiðslu gætu Danir tekið upp evru mjög hratt þar sem ríkið uppfyllir öll skilyrði fyrir upptöku. Danir gætu því orðið 18. ríki ESB sem gerist aðili að Evrusvæðinu.

Fyrir utan mögulega inngöngu Danmerkur á myntsvæðið er búist við að Lettland og Litháen verði næst til að taka upp evru, líklega árið 2013 en nágrannar þeirra Eistland tók upp evru 1. janúar 2011.