Theresa May

Úr Wikipediu, frjálsa alfræðiritinu
Jump to navigation Jump to search
Theresa May
Theresa May UK Home Office (cropped).jpg
Forsætisráðherra Bretlands
Núverandi
Tók við embætti
13. júlí 2016
Persónulegar upplýsingar
Fædd(ur)

1. október 1956 (1956-10-01) (62 ára)

Eastbourne, Sussex, Englandi
Þjóðerni Breti
Stjórnmálaflokkur Íhaldsflokkurinn
Maki Philip May (g. 1980)
Trúarbrögð Enska biskupakirkjan
Háskóli Oxford háskóli
Atvinna Stjórnmálamaður
Undirskrift

Theresa Mary May (f. 1. október 1956) er forsætisráðherra Bretlands og þingmaður í kjördæminu Maidenhead. Þann 11. júlí 2016 varð hún leiðtogi Íhaldsflokksins en hún leysti David Cameron af hólmi sem forsætisráðherra þann 13. júlí 2016. Hún er annar kvenmaðurinn sem gengur í embættið, á eftir Margréti Thatcher.

May fæddist í Eastbourne í Sussex og lærði landafræði við Oxford-háskóla. Árin 1977 til 1983 starfaði hún í Englandsbanka. Árin 1992 og 1994 bauð hún sig fram til þingmanns en náði ekki sæti í Breska þinginu. Árið 1997 sigraði hún í kjördæminu Maidenhead. Hún varð síðan stjórnarmaður Íhaldsflokksins og gerðist meðlimur í Leyndarráðinu (e. Privy Council) árið 2002. Árið 2010 var May tilnefnd til embættis innanríkisráðherra og jafnréttisráðherra, en hún hætti sem jafnréttisráðherra árið 2012.

May var kjörinn formaður Íhaldsflokksins eftir að David Cameron sagði af sér árið 2016. Cameron neyddist til að segja af sér eftir að Bretar kusu í þjóðaratkvæðagreiðslusegja upp aðild að Evrópusambandinu. Cameron hafði kallað til þjóðaratkvæðagreiðslunnar til að friðþægja ESB-andstæðinga í röðum Íhaldsmanna en hafði ekki sjálfur stutt útgöngu úr Evrópusambandinu. May hafði einnig stutt áframhaldandi veru Bretlands í Evrópusambandinu en hafði lítið látið á sér bera í aðdraganda þjóðaratkvæðagreiðslunnar og var því óumdeildari en flestir keppinautar hennar um formannsembættið.

Forsætisráðherratíð May hefur aðallega einkennst af samningaviðræðum Bretlands við Evrópusambandið um skilmála útgöngu Bretlands úr ESB. Til þess að freista þess að styrkja samningsstöðu sína gagnvart ESB kallaði May til þingkosninga þann 8. júní árið 2017. May hafði áður útilokað að kosningar yrðu haldnar fyrir lok kjörtímabilsins. Þessi viðsnúningur hennar reyndist henni dýrkeyptur því að í kosningunum tapaði Íhaldsflokkurinn þrettán þingsætum og glataði þar með naumum meirihluta sínum á breska þinginu í stað þess að auka við hann. May neyddist til þess að mynda minnihlutastjórn með stuðningi Lýðræðislega sambandsflokksins (enska: Democratic Unionist Party eða DUP) til þess að halda í völdin.[1]

Samningsstaða May versnaði til muna eftir kosningarnar. Miklar innanflokksdeilur hafa orðið um samningaviðræður hennar við ESB og harðari Evrópuandstæðingarnir innan flokksins saka hana gjarnan um að gefa of mikið eftir til að tryggja að Bretland hafi áfram aðgang að innri markaði Evrópusambandsins og til að koma í veg fyrir að landamæraeftirlit verði að hefjast milli Norður-Írlands og írska lýðveldisins. Andófsmenn innan Íhaldsflokksins lögðu gegn vantrauststillögu gegn May eftir að hún fékk samþykki ríkisstjórnar sinnar fyrir samningsdrögum við ESB í nóvember árið 2018.[2]

Tilvísanir[breyta | breyta frumkóða]

  1. „Minnihlutastjórn Íhaldsflokksins í höfn“. RÚV (10. júní 2017), skoðað þann 15. nóvember 2018.
  2. „Íhalds­menn leggja fram van­traust á May“. mbl.is (10. júní 2018), skoðað þann 15. nóvember 15. nóvember.


Fyrirrennari:
David Cameron
Forsætisráðherra Bretlands
(13. júlí 2016 – )
Eftirmaður:
Enn í embætti


  Þessi stjórnmálagrein er stubbur. Þú getur hjálpað til með því að bæta við greinina.