Júrí Gagarín

Júrí Gagarín
Júrí í Svíþjóð.
Fædd(ur)	Júrí Alexejevítsj Gagarín 9. mars 1934(1934-03-09) Klushino, Rússlandi (þá Sovétríkjunum)
Látin(n)	27. mars 1968 (34 ára) Novosyolovo, Rússlandi (þá Sovétríkjunum) Flugslys við æfingu
Tími í geimnum	1 klukkustund og 48 mínútur
Verkefni	Vostok 1

Júrí Alexejevítsj Gagarín (rússneska: Юрий Алексеевич Гагарин; 9. mars 1934 – 27. mars 1968) var rússneskur geimfari og fyrsti maðurinn sem fór út í geiminn 12. apríl 1961.

Hann lærði flug samhliða vélvirkjun og var herflugmaður á orrustuflugvélum. 1960 var hann valinn ásamt 20 öðrum til að taka þátt í Vostok-áætluninni. Eftir strangt þjálfunarferli var hann valinn til að verða fyrsti maðurinn í geimnum. Valið stóð milli hans og German Títov sem varð síðan annar maðurinn í geimnum.

12. apríl 1961 fór Gagarín út í geiminn með Vostok 1. Samkvæmt fjölmiðlum á hann að hafa sagt þegar hann var kominn á braut um jörðu, Ég sé engan guð hérna uppi.

Gagarín lést í flugslysi þegar MiG-15 orrustuflugvél sem hann stýrði hrapaði.

  Þetta æviágrip er stubbur. Þú getur hjálpað til með því að bæta við greinina.