Sikiley

Úr Wikipediu, frjálsa alfræðiritinu
Fáni Sikileyjar

Sikiley (ítalska: Sicilia, sikileyska: Riggiuna Siciliana) er stærsta eyja Ítalíu, stærsta hérað landsins og stærsta eyjan í Miðjarðarhafinu. Eyjan nær yfir 25.426 ferkílómetra og er um einn tólfti hluti flatarmáls Ítalíu. Héraðið hefur nokkra sjálfstjórn sökum menningarlegrar sérstöðu. Höfuðstaður þess er borgin Palermó. Sikiley er rétt sunnan við syðsta odd Ítalíu, hið þrönga Messínasund skilur Sikiley frá meginlandinu. Á Sikiley búa rúmlega fimm milljónir manna en flatarmál eyjunnar er um fjórðungur af flatarmáli Íslands.

Fornleifar gefa til kynna að eyjan hafi verið byggð um 12.000 árum f.Kr. Eyjan hefur í gegnum söguna verið mjög mikilvæg vegna heppilegrar staðsetningar miðað við verslunarleiðir um Miðjarðarhafið.[1] Eyjan var hluti af Magna Graecia og lýsti Cíceró borginni Sýrakúsu sem mestu og fallegustu borg Grikklands hins forna.

Gervihnattamynd af Sikiley.

Á eyjunni er eldfjallið Etna sem er 3.329 metrar að hæð, stærsta virka eldfjall Evrópu og eitt það virkasta í heiminum.

Orðsifjar[breyta | breyta frumkóða]

Helst er talið að um þjóðflokkskenninefni sé að ræða, að heiti eyjarinnar sé dregið af nafni þjóðflokks síkelóa.

Umdæmaskipan[breyta | breyta frumkóða]

Sikiley er skipt í níu umdæmi sem kennd eru við höfuðstaði sína. Þessum níu umdæmum er síðan aftur skipt niður í 390 sveitarfélög eða bæjarfélög.

Þau 9 umdæmi Sikileyjar


Heimildir[breyta | breyta frumkóða]

  Þessi landafræðigrein er stubbur. Þú getur hjálpað til með því að bæta við greinina.