Marokkó

Úr Wikipediu, frjálsa alfræðiritinu
Stökkva á: flakk, leita
المملكة المغربية
Al Mamlaka al-Maghrebiya
Fáni Marokkó Skjaldamerki Marokkó
(Fáni Marokkó) (Skjaldarmerki Marokkó)
Kjörorð: الله، الوطن، الملك
Allah, al Waţan, al Malik
Guð, Landið, Konungurinn'
Þjóðsöngur: Hymne Cherifien
Staðsetning Marokkó
Höfuðborg Rabat
Opinbert tungumál arabíska, tamazight
Stjórnarfar Þingbundið konungsvald
Múhameð 6.
Abdelilah Benkirane

Sjálfstæði

 

 - frá Frakklandi 2. mars 1956 
Flatarmál
 • Samtals
 • Vatn (%)
58. sæti
446.550 (710.850) km²
1
Mannfjöldi
 • Samtals (2013)
 • Þéttleiki byggðar
38. sæti
32.878.400
73,1/km²
VLF (KMJ)
 • Samtals
 • á mann
áætl. 2013
181,9 millj. dala (56. sæti)
5.537 dalir (114. sæti)
Gjaldmiðill díram
Tímabelti UTC
Þjóðarlén .ma
Landsnúmer +212

Marokkó (arabíska: المغرب‎ al-Maġrib; berbíska: ⵍⵎⴰⵖⵔⵉⴱ Lmaġrib, franska: Maroc) er konungsríki í Norður-Afríku með strandlengju meðfram Atlantshafi í vestri og Miðjarðarhafi í norðri. Landamæri liggja að Vestur-Sahara í suðri, og Alsír í austri, en landamærin að Alsír eru lokuð vegna átaka um yfirráð yfir Vestur-Sahara. Arabískt nafn landsins merkir „vesturríkið“ eða „vestrið“, en Maghreb er líka heiti á norðvesturhluta Afríku.

Marokkó gerir tilkall til landsvæðisins Vestur-Sahara sem hefur verið undir marokkóskri stjórn að meira eða minna leyti síðan 1975, en þau yfirráð hafa ekki verið viðurkennd af alþjóðasamfélaginu. Sé Vestur-Sahara talin til Marokkó, eru ennfremur landamæri við Máritaníu til suðausturs, en annars liggja Marokkó og Máritanía ekki saman.

Spænsku útlendurnar Ceuta og Melilla eru á strönd Marokkó sem gerir tilkall til þeirra, auk eyjunnar Perejil sem er aðeins 200 metra frá strönd Marokkó í Gíbraltarsundi. Undan vesturströnd Marokkó eru hinar spænsku Kanaríeyjar en landhelgismörkin milli Marokkó og eyjanna eru líka umdeild.

Í Marokkó ríkir þingbundin konungsstjórn þar sem marokkóska þingið er þjóðkjörið en konungur Marokkó hefur mikil völd, sérstaklega í málefnum hersins, utanríkismálum og trúmálum. Konungur getur gefið út konunglegar tilskipanir sem hafa lagagildi og leyst þingið upp.

Stjórnsýsluskipting[breyta]

Marokkó skiptist í sextán héruð (með Vestur-Sahara) sem aftur skiptast í 62 lögregluumdæmi og sveitir.

Morocco Regions 97-11 numbered.svg
  1. Chaouia-Ouardigha
  2. Doukkala-Abda
  3. Fès-Boulemane
  4. Gharb-Chrarda-Béni Hssen
  5. Grand Casablanca
  6. Guelmim-Es Semara
  7. Laâyoune-Boujdour-Sakia El Hamra
  8. Marrakesh-Tensift-El Haouz
  9. Meknès-Tafilalet
  10. Oriental
  11. Oued Ed-Dahab-Lagouira
  12. Rabat-Salé-Zemmour-Zaer
  13. Souss-Massa-Drâa
  14. Tadla-Azilal
  15. Taza-Al Hoceima-Taounate
  16. Tangier-Tétouan
  Þessi Afríkugrein er stubbur. Þú getur hjálpað til með því að bæta við greinina.