Toulouse

Toulouse að næturlagi.

Toulouse er borg í Suðvestur-Frakklandi við bakka Garonne-fljóts, miðja vegu milli Atlantshafs og Miðjarðarhafs. Toulouse er fjórða stærsta borg Frakklands með 435 þúsund íbúa innan borgarmarkanna en rúmlega 1,1 milljón býr á stórborgarsvæðinu.

Toulouse er ein af miðstöðvum flugvélaiðnaðarins í Evrópu en í borginni eru meðal annars höfuðstöðvar flugvélaframleiðandans Airbus, Thales Alenia Space sem er stærsti gervihnattaframleiðandi Evrópu og Geimferðamiðstöðin í Toulouse.

Menntun

• ENSEEIHT
• École nationale de l'aviation civile
• Institut polytechnique des sciences avancées

Toulouse-háskóli er einn af elstu háskólum heims, stofnaður árið 1229. Hann er þriðji stærsti háskóli landsins.