FC Barcelona

Futbol Club Barcelona
Fullt nafn	Futbol Club Barcelona
Gælunafn/nöfn	Barça eða Blaugrana
Stytt nafn	FC Barcelona
Stofnað	29. nóvember 1899 (1899-11-29)
Leikvöllur	Camp Nou (í endurnýjun til 2026), Estadi Olímpic Lluís Companys (bráðabirgðavöllur)
Stærð	54.300
Stjórnarformaður	Joan Laporta
Knattspyrnustjóri	Hansi Flick
Deild	La Liga
2023/24	2. sæti
Heimabúningur Útibúningur

FC Barcelona er knattspyrnufélag í Barselóna, Katalóníu, Spáni. Leikvangur FC Barcelona er Camp Nou, eða Nývangur uppá íslensku. Hann tekur rúma 99 þúsund manns sæti. FC Barcelona hefur sögulegt gildi, gagnvart héraðinu Katalónu og krafa er gerð til þess að katalóníska sé töluð af öllum leikmönnum liðsins.

Camp Nou stadion, sem tekur rúma 99.786 áhorfendur í sæti

Félagið hefur þá sérstöðu, að það er rekið á fjármagni stuðningsmanna liðsins. Áður en félagið fékk merki UNICEF á búninga félagins, hafði það aldrei haft auglýsingar á búningum sínum. Samningurinn við UNICEF er líka nokkuð sérstakur, því UNICEF er borgað fyrir að hafa auglýsinguna á búningnum, en venjulega er hinn hátturinn hafður á.

Leikmenn

Leikmannahópur

2023–24 1. september Ath: Fánar eru tákn fyrir það þjóðerni sem skráð eru hjá FIFA. Leikmenn gætu haft fleiri en eitt ríkisfang.

Nú. Staða Leikmaður 1 GK Marc-André ter Stegen 2 FW João Cancelo 3 DF Alejandro Balde 4 DF Ronald Araújo 5 DF Iñigo Martinez 6 MF Gavi 7 MF Ferran Torres

Nú. Staða Leikmaður 8 MF Pedri 9 FW Robert Lewandowski 11 FW Raphinha 13 GK Iñaki Peña 14 FW João Félix 15 DF Andreas Christensen 17 DF Marcos Alonso

Nú. Staða Leikmaður 15 DF Oriol Romeu 20 DF Sergi Roberto 21 MF Frenkie de Jong 22 MF İlkay Gündoğan 23 DF Jules Koundé 27 FW Lamine Yamal

Saga

Stofnun (1899–1922)

FC Barcelona var stofnað þann 22. október 1899, þegar Joan Gamper setti auglýsingu í bæjarblaðið Los Deportes um að stofna knattspyrnulið. 1902 vann Barcelona fyrsta bikar sinn, Copa Macaya fyrir að vera besta knattspyrnulið Katalóníu.

Íþrótta tilkynning: Vinur okkar og kunningi Hans Gamper...fyrrum Svissneskur meistari, með áhuga á að skipulegja fótboltaleiki í borginni biður alla sem eru nægilega áhugasamir um íþróttina að mæta á skrifstofu blaðsins á þriðjudag eða fimmtudagskvöld klukkan 9 og 11 eftir hádegi.

— Auglýsing Gampers í Los Deportes.

14. mars 1909 færði liðið sig í leikvanginn Camp de la Industria sem gat tekið við 8.000 manns. Á sama tímabili breytti félagið opinberu tungumáli sínu frá spænsku yfir á katalónsku og varð síðar mikilvægt tákn Katalóníu.

Stjórnartímabil Rivera (1923–1957)

Þann 14. júní 1925 fór hreyfing sem var á móti stjórn Primo de Rivera konungsfjölskyldunnar og söng þjóðsöng Spánverja á leikvangi Barcelona. Hreyfingunni var refsað með því að loka leikvanginum og eigandi félagsins var þvingaður til að segja af sér. 3. Júlí 1927 keppti félagið gegn Spænska landsliðinu. Leikurinn hófst eftir að boltanum hafði verið sleppt úr flugvél.

Spænska borgarastyrjöldin hófst árið 1936 og leikmenn frá Barcelona og Athletic Bilbao börðust gegn uppgangi hersins. 6. ágúst myrtu hermenn forseta félagsins, Josep Sunyol sem var jafnframt talsmaður sjálfstæðisflokks borgarinnar. Hans er minnst sem píslarvotts og atvikið skiptir miklu í sögu FC Barcelona og sjálfstæðisbaráttu Katalóníu.

16. mars 1938 varð Barselóna fyrir loftárásum frá ítalska hernum í uppgangi fasismans í álfunni. Félaginu var skipað að breyta nafni sínu í Club de Fútbol Barcelona og að fjarlægja fána Katalóníu úr merki sínu. 1952 vann félagið fimm mismunandi bikara; spænsku úrvalsdeildina, deildarbikarinn, Latin Cup, Copa Eva Durante og Copa Martini Rossi.

Club de Fútbol Barcelona (1957-1978)

Velgengninni frá 1952 var fylgt eftir árið 1959 þegar liðið vann tvennu og árið 1961 varð það fyrsta félagið til að sigra Real Madrid í Evrópukeppninni. Þegar að valdatímabili Franco lauk árið 1974 skipti félagið aftur yfir í sitt gamla nafn.

Stöðugleikaárin (1978-2000)

Frá 1978 hefur forseti Barselóna verið valinn af meðlimum félagsins og þessi ákvörðun er tengd lýðræðisvæðingu Spánar árið 1974 eftir einræði Franco. Ári síðar, 20. október 1979, var uppeldistarf félagsins eflt á sveitasetrinu La Masia. La Masia var fyrir þennan tíma höfuðstöðvar félagsins. Josep Lluís Núñez var forseti félagsins í 22 ár. Hann leyfði leikmönnum eins og Diego Maradona, Romário og Ronaldo að yfirgefa félagið í stað þess að fara að kröfum þeirra. Núñez var ásakaður um einræðistilburði og kom til mótmæla gegn honum.

Árið 1988 setti Johan Cruyff saman hið svokallaða draumalið félagsins. Í liðinu voru Pep Guardiola, José Mari Bakero, Txiki Begiristain, Ronald Koeman, Michael Laudrup, Romario og Hristo Stoichkov. Barselóna vann úrvalsdeildina fjórum sinnum í röð með þessu liði frá 1991 til 1994. En frá 1960 til 1990 hafði liðið einungis unnið tvo La Liga titla.

2000-2012 Tíð þjálfaraskipti og árangur Guardiola

Í byrjun nýrrar aldar gekk liðinu ekki nægilega vel og oft var skipt um þjálfara. Brasilíski Ronaldinho hleypti lífi í liðið ásamt öðrum alþjóðlegum leikmönnum eins og Deco, Henrik Larsson, Samuel Eto'o, Rafael Márquez og Edgar Davids. Heimamenn eins og Carles Puyol, Andrés Iniesta, Xavi og Víctor Valdés voru einnig stór þáttur í upprisu liðsins. Liðið vann La Liga og Supercopa de España tímabilin 2004–05 og 2005–06 þegar Frank Rijkaard var stjórinn. Næstu tímabil gengu ekki svo vel og var Rijkaard látinn taka pokann sinn. Ný stjarna var farin að láta að sér kveða; Lionel Messi.

Pep Guardiola fyrrum leikmaður félagsins var þjálfari liðsins frá 2008–2012. Spil með tíðar sendingar, þ.e. tiki-taka-bolti var áberandi með Xavi, Andrés Iniesta og Lionel Messi í aðalhlutverki. Thierry Henry og Eiður Smári Guðjohnsen (2006-2009) voru meðal sóknarmanna. Varnarjaxlinn Gerard Piqué hóf ferill sinn með liðinu 2008 og var hryggjarstykkið í vörninni í 14 ár.

Barcelona vann 2008–09 tímabilið í La Liga og burstaði meðal annars Real Madrid 2-6 og 5-0 árið eftir. Guardiola vann einnig næstu tvö tímabil á Spáni og einnig ýmsa bikartitla. Messi, Iniesta og Xavi voru í efstu þremur sætunum fyrir gullknöttinn 2010. Árið 2011 vann Barcelona Manchester United í Champions League 3–1 á Wembley. Guardiola vann 14 bikara á tíma sínum með klúbbnum.

2012-2021 Messi lætur að sér kveða

Tímabilið 2012-13 skoraði Messi 46 mörk í La Liga og Barcelona voru krýndir meistarar í 22. sinn þegar 4 umferðir voru eftir. En það tapaði í tveimur undanúrslitum stórkeppna; Copa del Rey (fyrir Real) og Meistaradeildarinnar (fyrir Bayern).

Árið 2014 kom Luis Suárez frá Liverpool FC. Við það myndaðist skætt sóknartríó: Messi, Suárez og hinn brasilíski Neymar, kallað MSN. 2014-2015 vann Barcelona þrefalt: La Liga, Copa del Rey og Champions League, MSN-tríóið skoraði alls 122 mörk í öllum keppnum sem var met.

Í apríl 2016 sló Barcelona met þegar það fór í gegnum 39 leiki ótapaða. En að lokum tapaði liðið fyrir Real Madrid. Liðið sló það 2018 þegar það tapaði ekki í 43 leikjum. MSN slógu líka eigið met og skoruðu 131 mark í öllum keppnum 2015-2016. Í Meistaradeildinni 2016–17 átti Barcelona allsvakalega endurkomu þegar liðið, sem hafði tapað 4-0 gegn Paris Saint-Germain, vann það 6–1 (alls 6–5).

Barcelona vann sinn 26. titil á Spáni 2018-2019. En í meistaradeildinni tapaði liðið fyrir Liverpool sem átti 4-0 endurkomu á Anfield en Barcelona vann 3-0 í fyrri leiknum. Árið eftir var liðið niðurlægt 2–8 af Bayern München í sömu keppni.

Josep Maria Bartomeu, forseti félagsins sagði af sér haustið 2020 en hann hafði m.a. eldað grátt silfur við Messi sem íhugaði að rifta samning sínum við félagið. Frestun tímabils var vegna Covid-19 og var sá skilningur Bartomeu að samningur Messi lengdist en Messi taldi hann hafa runnið út eftir sumarið. Svo fór að Messi hélt kyrru en hann vildi ekki fara í málaferli við félagið.

Ronald Koeman fyrrum leikmaður félagsins, tók við félaginu 2020. Hann vann sinn fyrsta titil, Copa del Rey vorið 2021, þegar Barcelona vann Atletico Bilbao 4-0. Messi var með tvennu í leiknum.

Fjárhagslegt hrun og enduruppbygging frá 2021

Svo fór loks að Barcelona tókst ekki að halda í Messi vegna slaks fjárhags félagsins og reglna La Liga, síðsumars 2021. Félagið þurfti einnig að lána Antoine Griezmann til Atletico Madrid. Leikmenn eins og Gerard Piqué tóku á sig launalækkun. Skuldir félagsins voru orðnar 1,35 milljón evrur staðfesti forseti þess Joan Laporta. Hann gagnrýndi fyrrum forseta félagsins Josep Bartomeu fyrir ósannindi og skort á gagnsæi.

Nýir leikmenn voru komnir eins og Memphis Depay og Sergio Agüero. Koeman var rekinn um haustið 2021 eftir slakt gengi liðsins. Við tók Xavi, fyrrum leikmaður liðsins (1998-2015). Í byrjun árs var ljóst að Agüero gat ekki haldið áfram vegna hjartavandamála og lagði hann skóna á hilluna. Liðið sótti þá sóknarmennina Ferran Torres, Adama Traoré og Pierre-Emerick Aubameyang. Barcelona náði 2. sæti tímabilið 2021-2022 í deildinni þrátt fyrir að vera með lægsta stigafjölda sinn í deildinni síðan 2008.

Fyrir tímabilið 2022-2023 styrkti Barcelona svo enn sóknarlínuna með kaupum á Raphinha frá Leeds United og pólska markahróknum Robert Lewandowski. Barcelona vann deildina og varð Lewandowski markakóngur. Ungar stjörnur eins og Gavi og Pedri fóru mikinn á miðjunni í leik liðsins.

Sumarið 2024 var Xavi sagt upp og Þjóðverjinn Hansi Flick tók við.

Titlar

Innanlands

• La Liga: (27)
  • 1929, 1945, 1948, 1949, 1952, 1953, 1959, 1960, 1974, 1985, 1991, 1992, 1993, 1994, 1998, 1999, 2005, 2006, 2009, 2010, 2011, 2013, 2015, 2016, 2018, 2019, 2023

• Copa del Rey: (31)
  • 1910, 1912, 1913, 1920, 1922, 1925, 1926, 1928, 1942, 1951, 1952, 1953, 1957, 1959, 1963, 1968, 1971, 1978, 1981, 1983, 1988, 1990, 1997, 1998, 2009, 2012, 2015, 2016, 2017, 2018, 2021

• Spænski ofurbikarinn: (14)
  • 1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018, 2023

• Spænski deildabikarinn: (2)
  • 1982, 1986

Alþjóðlegir titlar

• Meistaradeild Evrópu: (5)
  • 1991/92, 2005/06, 2008/09, 2010/11, 2014/15

• Meistarar meistaranna: (4)
  • 1979, 1982, 1989, 1997

• Evrópski ofurbikarinn: (5)
  • 1991/92, 1997, 2009, 2011, 2015

• Borgakeppni Evrópu: (3)
  • 1958, 1960, 1966

• Evrópukeppni bikarhafa: (4)
  • 1979, 1982 1989, 1997

• HM félagsliða: (3)
  • 2009, 2011, 2015

Forsetar

• Walter Wild (1899–1901)
• Bartomeu Terradas (1901–1902)
• Paul Hass (1902–1903)
• Arthur Witty (1903–1905)
• Josep Soler (1905–1906)
• Juli Marial (1906–1908)
• Vicenç Reig (1908)
• Hans Gamper (1908–1909)
• Otto Gmelin (1909–1910)
• Hans Gamper (1910–1913)
• Francesc Moxo (1913–1914)
• Alvar Presta (1914)
• Joaquim Peris de Vargas (1914–1915)
• Rafael Llopart (1915–1916)
• Gaspar Rosés (1916–1917)
• Hans Gamper (1917–1919)
• Ricard Graells (1919–1920)
• Gaspar Rosés (1920–1921)
• Hans Gamper (1921–1923)
• Eric Cardona (1923–1924)
• Hans Gamper (1924–1925)
• Arcadi Balaguer (1925–1929)
• Tomás Rosés (1929–1930)
• Gaspar Rosés (1930–1931)
• Antoni Oliver (1931)
• Joan Coma (1931–1934)
• Esteve Sala (1934–1935)
• Josep Sunyol (1935–1936)
• Komité (1936–1939)
• Joan Soler (1939–1940)
• Enrique Piñeyro Queralt (1940–1942)
• Josep Vidal-Ribas (1942)
• Enrique Piñeyro Queralt (1942–1943)
• Josep Antoni Albert (1943)
• Josep Vendrell (1943–1946)
• Agustí Montal Galobart (1946–1952)
• Enric Martí Carreto (1952–1953)
• Francesc Miró-Sans (1953–1961)
• Enric Llaudet (1961–1968)
• Narcís de Carreras (1968–1969)
• Agustí Montal Costa (1969–1977)
• Josep Lluís Núñez (1978–2000)
• Joan Gaspart (2000–2003)
• Enric Reyna (2003)
• Joan Laporta (2003–2010)
• Sandro Rosell (2010-2014)
• Josep Maria Bartomeu (2014-2020)
• Joan Laporta (2021-)

Tölfræði

Uppfært 6/6 2023

Markahæstu menn

Sæti	Leikmadur	Mörk	Ár
1.	Lionel Messi	672	2004-2021
2.	César Rodríguez	232	1942-1955
3.	Luis Suárez	198	2014-2020
4.	László Kubala	194	1950-1961
5.	Josep Samitier	184	1919-1032
6.	Josep Escolà	167	1934-1949
7.	Paulino Alcántara	143	1912-1927
8.	Samuel Eto'o	130	2004-2009
9.	Rivaldo	130	1997-2002
10.	Mariano Martín	128	1940-1948

Flestir leikir

Sæti	Leikmadur	Staða	Leikir	Ár
1.	Lionel Messi	FW	778	2004-2021
2.	Xavi	MF	767	1998-2015
3.	Sergio Busquets	MF	722	2008-2023
4.	Andrés Iniesta	MF	674	2002-2018
5.	Gerard Piqué	DF	616	2008-2022
6.	Carles Puyol	DF	593	1999-2014
7.	Migueli	DF	549	1973-1989
8.	Víctor Valdés	GK	535	2002-2014
9.	Jordi Alba	DF	459	2012-2023
10.	Carles Rexach	MF	449	1965-1981

Þekktir leikmenn

Landslið		Leikmaður		Ár
		Gerard Piqué		2008-2022
		Lionel Messi		2004-2021
		Diego Maradona		1982-1984
		Xavi		1998-2015
		Andrés Iniesta		2002-2018
		Carles Puyol		1999-2014
		Víctor Valdés		2002-2014
		Neymar		2013-2017
		Ronaldinho		2003-2008
		Ronaldo		1996-1997
		Rivaldo		1997-2000
		Romário		1993-1995
		Luis Suárez		2014-2020
		Deco		2004-2008
		Luis Figo		1995-2000
		Samuel Eto'o		2004-2009
		Johan Cruyff		1973-1978
		Ronald Koeman		1989-1995
		Ivan Rakitic		2014-2020
		Michael Laudrup		1989-1994
		Yaya Toure		2007-2010
		Hristo Stoichkov		1990-1998
		László Kubala		1951-1961
		Gheorghe Hagi		1994-1996
		Bernd Schuster		1980-1988
		Gary Lineker		1986-1989

Uppeldisstarf La Masia

La Masia, er dæmigert katalónskt bóndabýli, og hefur sinnt hlutverki fyrir uppeldisstarf akademíunar..

Andrés Iniesta, er einn af mörgum leikmönnum sem koma úr uppeldisstarfi FC Barcelona, hann lék sinn fyrsta leik með félaginu árið 2003 og var einn af mikilvægustu leikmönnum FC Barcelona og spænska landsliðsins.

Cesc Fàbregas í leik með FC Barcelona 15 ágúst árið 2011.

FC Barcelona hefur lagt mikla áherslu á uppeldisstarf sitt í La Masia, þar hafa margir af bestu leikmönnum heims tekið sín fyrstu skref síðan það hófst árið 1979, í spænska landsliðinu sem vann HM 2018 voru 9 leikmanna liðsins aldir upp í akademíu La Masia.

Landsliðsmenn sem ólust upp í La Masia:

Nafn	Landsleikir (mörk)	Landslið
Lionel Andrés Messi	142 (71)	Argentína
Xavier Hernández i Creus	133 (13)	Spánn
Andrés Iniesta Luján	131 (14)	Spánn
Sergio Busquets i Burgos	121 (2)	Spánn
Francesc Fàbregas i Soler	110 (15)	Spánn
Giovani dos Santos Ramírez	106 (19)	Mexíkó
Gerard Piqué i Bernabeu	102 (5)	Spánn
Carles Puyol i Saforcada	100 (3)	Spánn
Jordi Alba i Ramos	71 (8)	Spánn
Pedro Rodríguez Ledesma	65 (17)	Spánn
Sergi Barjuan i Esclusa	56 (1)	Spánn
Josep Guardiola i Sala	47	Spánn
Jonathan dos Santos Ramírez	45 (3)	Mexíkó
Thiago Alcántara do Nascimento	40 (2)	Spánn
Guillermo Amor Martínez	37 (4)	Spánn
José Manuel Reina Páez	36	Spánn
Albert Ferrer i Llopis	36	Spánn
Francisco José Carrasco Hidalgo	35 (5)	Spánn
Thiago Motta	30 (1)	Ítalía
Víctor Valdés i Arribas	20	Spánn
Ramon Maria Calderé i Rey	18 (7)	Spánn
Luis Javier García Sanz	18 (4)	Spánn
Albert Luque i Martos	18 (2)	Spánn
Carles Rexach i Cerdà	15 (2)	Spánn
Marc Bartra i Aregall	14	Spánn
Sergi Roberto Carnicer	10 (1)	Spánn
Johan Jordi Cruijff	9 (1)	Holland
Gerard López Segú	6 (2)	Spánn
Cristóbal Parralo Aguilera	6	Spánn
Javier Moreno Varela	5 (1)	Spánn
Iván de la Peña López	5	Spánn
Ansu Fati	4 (1)	Spánn
Jeffrén Isaac Suárez Bermúdez	4	Venesúela
Albert Celades i López	4	Spánn
Gabriel Garcia de la Torre	3	Spánn
Francisco Joaquín Pérez Rufete	3	Spánn
Luis Milla Aspas	3	Spánn
Rafael Alcântara do Nascimento	2	Brasilía
Sergio García de la Fuente	2	Spánn
Fernando Navarro Corbacho	2	Spánn
Bojan Krkić i Pérez	1	Spánn
Gai Yigaal Assulin	1	Ísrael
Haruna Babangida	1	Nígería

Heimildir

• Fyrirmynd greinarinnar var „History of FC Barcelona“ á ensku útgáfu Wikipedia. Sótt 19. apríl. 2021.