Robert Lewandowski
| Robert Lewandowski | ||
_(cropped).jpg)
| ||
| Upplýsingar | ||
|---|---|---|
| Fullt nafn | Robert Lewandowski | |
| Fæðingardagur | 21. ágúst 1988 | |
| Fæðingarstaður | Varsjá, Pólland | |
| Hæð | 1,85 m | |
| Leikstaða | Framherji | |
| Núverandi lið | ||
| Núverandi lið | Bayern München | |
| Númer | 9 | |
| Yngriflokkaferill | ||
| 1997-2006 | Varsovia Warszawa Delta Warszawa Legia II Warszawa | |
| Meistaraflokksferill1 | ||
| Ár | Lið | Leikir (mörk) |
| 2006–2008 2008-2010 2010-2014 2014- |
Znicz Pruszków Lech Poznań Borussia Dortmund Bayern München |
59 (36) 58 (32) 131 (74) 223 (209) |
| Landsliðsferill2 | ||
| 2007 2008 2008- |
Pólland U-19 Pólland U-21 Pólland |
1 (0) 3 (0) 125 (72) |
|
1 Leikir með meistaraflokkum og mörk | ||
Robert Lewandowski (fæddur 21. ágúst, 1988) er pólskur knattspyrnumaður sem spilar með Bayern München og pólska karlalandsliðinu í knattspyrnu. Hann hefur skorað yfir 280 mörk í Bundesliga og er sá markahæsti í deildinni frá upphafi. Í öllum keppnum er Lewandowski með yfir 570 mörk. Hann er í 18.-22. sæti yfir markahæstu menn allra tíma (sept. 2021), eftir því hvaða viðmið eru notuð.
Lewandowski hóf atvinnuferil sinn árið 2006 með Znicz Pruszków þar sem hann var markahæstur í 2. og 3. deildunum. Árið 2008 fór hann til efstudeildarliðsins Lech Poznań og vann með þeim deildina (Ekstraklasa) tímabilið 2009–10. Síðan hélt hann til Þýskalands og spilaði með Borussia Dortmund frá 2010-2014. Hann vann tvo Bundesliga-titla með félaginu og varð markahæstur eitt tímabil.
Frá 2014 hefur hann verið með Bayern München. Þar hefur hann blómstrað og unnið 6 deildartitla, marga bikartitla og Meistaradeild Evrópu. Haustið 2015 skoraði Lewandowski 5 mörk á 9 mínútum í leik gegn VfL Wolfsburg þar sem hann kom inn á sem varamaður. Á tímabilinu 2016-2017 skoraði hann 30 mörk; var markahæstur í deildinni og var valinn leikmaður tímabilsins í Bundesliga. Tímabilið 2019-2020 varð hann markahæstur í Bundesliga og var það í fjórða skipti sem hann hlaut þann heiður. Lewandowski hlaut UEFA verðlaun sem leikmaður tímabilsins 2019-2020. Þá skoraði hann 55 mörk í 47 leikjum. Hann þótti líklegur til að hneppa Ballon d'Or en þeim var aflýst vegna COVID-19. [1] Hann hlaut einnig verðlaun FIFA sem leikmaður ársins 2020. [2] Í lokaleik tímabilsins 2020-2021 skoraði hann á síðustu mínútunni í 5-2 sigri á Augsburg. Hann sló þar með tæpt 50 ára met Gerd Müllers og náði 41 marki skoruðu á einu tímabili í Bundesliga. Í byrjun næsta tímabils náði hann 300. marki sínu fyrir Bayern.
Lewandowski hefur spilað með landsliði Póllands frá 2008. Hann hefur verið valinn pólskur leikmaður ársins níu sinnum.
Tenglar[breyta | breyta frumkóða]
Heimild[breyta | breyta frumkóða]
- Fyrirmynd greinarinnar var „Robert Lewandowski“ á ensku útgáfu Wikipedia. Sótt 4. maí 2018.
Tilvísanir[breyta | breyta frumkóða]
Þetta - ↑ Uefa awards: Bayern Munich's Robert Lewandowski wins men's Player of the Year BBC, skoðað 1. okt, 2020
- ↑ [https://www.bbc.co.uk/sport/football/55354762 BBC News - Best Fifa Football Awards 2020: Robert Lewandowski wins best men's player of the year] BBC, skoðað 17/12 2020.