Eldborg (Hnappadal)

Eldborg
Hæð	112 metri
Land	Ísland
Sveitarfélag	Borgarbyggð
Hnit	64°47′46″N 22°19′15″V
breyta upplýsingum

Eldborg um 1900.

Eldborg (1814-15)

Eldborg í Hnappadal er gjallgígur, 38 km fyrir norðan Borgarnes. Gígurinn rís 100 m yfir sjávarmáli en 60 m yfir hrauninu í kring og er stærstur gíga í stuttri gossprungu. Gígurinn er formfagur, sporöskjulaga eldgígur með bröttum gígveggjum mynduðum úr þunnum hraunskánum, um 250 m að lengd, 180 m á breidd og 50 m á dýpt. Hann myndaðist fyrir 5-8000 árum. Lengi var talið að gosið hafi í Eldborg á landnámsöld, samvæmt lýsingu í Landnámu, en síðari tíma rannsóknir hafa leitt í ljós að það gos átti sér stað í Rauðhálsum í Hnappadal.

Eldborg tilheyrir eldstöðvakerfi Ljósufjalla.

Eldborgarhraun er kjarri vaxið og var skógurinn mikið höggvinn áður fyrr. Eldborg var friðlýst 1974. Hægt er að ganga upp á gígbarminn.

Nálægir staðir

• Gerðuberg
• Löngufjörur
• Borg á Mýrum .

Tengill

• Eldborg, Hnappadal - Náttúra.is

Heimildir

• „Vesturland.is - Afþreying og staðir“. Sótt 16. júlí 2010.
• „Nat.is - Eldborg“. Sótt 2. júní 2021.

• Þorsteinn Jósepsson, Steindór Steindórsson og Páll Líndal (1982). Landið þitt Ísland, A-G. Örn og Örlygur.
• Björn Hróarsson (1994). Á ferð um landið, Snæfellsnes. Mál og menning. ISBN 9979-3-0853-2.
• Haukur Jóhannesson (1978). Þar var ei bærinn sem nú er Borgin. Náttúrufræðingurinn 47, bls. 129-141.

  Þessi landafræðigrein sem tengist Íslandi er stubbur. Þú getur hjálpað til með því að bæta við greinina.