Borgarstjórnarkosningar í Reykjavík 2014

Jón Gnarr, þáverandi borgarstjóri Reykjavíkur, hafði tilkynnt að hann hyggist ekki bjóða sig fram til sveitarstjórnarkosninganna sem haldnar voru í maí 2014.

Borgarstjórnarkosningar í Reykjavík 2014 fóru fram 31. maí 2014. Á kjörtímabilinu sem þá var að ljúka höfðu Besti flokkurinn og Samfylkingin myndað 9 fulltrúa meirihluta og hafði Jón Gnarr gegnt embætti borgarstjóra Reykjavíkur. Samfylkingin varð stærst flokka í kosningunum og fékk fimm borgarfulltrúa og um þriðjung atkvæða, og myndaði meirihluta ásamt fulltrúum Bjartrar framtíðar, Pírata og Vinstrihreyfingarinnar græns framboðs. Sjálfstæðisflokkurinn fékk sína verstu kosningu í borginni frá upphafi, um 25% og fjóra borgarfulltrúa.

Síðustu kosningar

Í sveitarstjórnarkosningunum 2010 hafði framboð Besta flokksins vakið athygli og hlaut sá flokkur sex sæti í borgarstjórn og var þar með stærsti flokkurinn í Reykjavík. Úr þeim kosningum myndaðist stjórnarsamband milli Besta flokksins og Samfylkingarinnar sem samanlagt hafði níu af fimmtán sætum í borgarstjórn.

Reykjavíkurborg
Listar		Av	Av%	Ft	(Ft)	Δ
B	Framsóknarflokkurinn	1.629	2,7	0	1	-1
D	Sjálfstæðisflokkurinn	20.006	33,6	5	7	-2
E	Listi Reykjavíkurframboðsins	681	1,1	0	0	-
F	Frjálslyndi flokkurinn	274	0,5	0	1	-1
H	Listi framboðs um heiðarleika	668	1,1	0	0	-
S	Samfylkingin	11.344	19,1	3	4	-1
V	Vinstrihreyfingin – grænt framboð	4.255	7,2	1	2	-1
Æ	Listi Besta flokksins	20.666	34,7	6	0	+6
'	auðir og ógildir	3.496	5,5
Alls		63.019	100	15	15	-
Á kjörskrá		85.808	Kjörsókn	73,4%

Framboð

Jón Gnarr tilkynnti á Hrekkjavökudegi, í útvarpsþættinum Tvíhöfði á Rás 2 að hann hyggðist ekki sækjast eftir endurkjöri í kosningunum. Í stað þess myndu fulltrúar Besta flokksins bjóða fram undir merkjum Bjartrar framtíðar sem var pólitískur arftaki flokksins. Jón sagði jafnframt hann teldi að stjórnarmyndun Samfylkingarinnar og Bjartrar framtíðar undir leiðsögn Björns Blöndals eftir kosningar yrði Reykjavíkurborg best. Dögun hafa tilkynnnt um framboð í Reykjavík en sá flokkur bauð fram í síðustu Alþingiskosningum án þess að ná manni á þing.

Átta flokkar verða í framboði til kosninga.

Björt framtíð

Sveitarstjórnarkosningarnar 2014 voru fyrstu sveitarstjórnarkosningarnar sem Björt framtíð bauð fram í, en af tíu efstu sætunum á framboðslista flokksins höfðu sex frambjóðendur verið tengdir framboði Besta flokkssins.

10 efstu sæti framboðslista Bjartrar framtíðar

Björn Blöndal, aðstoðarmaður borgarstjóra og tónlistarmaður Elsa Yeoman, forseti borgarstjórnar og húsgagnasmiður Ilmur Kristjánsdóttir, leikkona Eva Einarsdóttir, borgarfulltrúi Ragnar Hansson, leikstjóri Magnea Guðmundsdóttir, arkitekt Kristján Freyr Halldórsson, bóksali og tónlistarmaður Margrét Kristín Blöndal, varaborgarfulltrúi og tónlistarmaður Heiðar Ingi Svansson, bókaútgefandi Diljá Ámundadóttir, varaborgarfulltrúi

Dögun

Stjórnmálasamtökin Dögun sem voru stofnuð 2012 og buðu fram til Alþingiskosningar 2013 en fengu engan mann kjörinn til Alþingis hafa tilkynnt um að þau hyggjist bjóða fram lista til sveitarstjórnarkosninganna 2014. Oddviti framboðsins var Þorleifur Gunnlaugsson sem hafði boðið fram á vegum Vinstrihreyfingarinnar - græns framboðs um árabil.

8 efstu sæti framboðslista Dögunar
Þorleifur Gunnlaugsson, varaborgarfulltrúi Ása Lind Finnbogadóttir, framhaldsskólakennari Salmann Tamimi, tölvunarfræðingur Ragnheiður Lára Guðrúnardóttir, varaborgarfulltrúi Gunnar Hólmsteinn Ársælsson, stjórnmálafræðingur Alma Rut Lindudóttir, forvarnarráðgjafi Björgvin Egill Vídalín, rafeindavirki Helga Þórðardóttir, kennari

Listi framsóknar og flugvallarvina í Reykjavík

Í nóvember 2013 samþykkti kjördæmaþing framsóknarfélaganna í Reykjavík tillögu kjörstjórnar um skipan í efstu sjö sæti framboðslista fyrir sveitarstjórnarkosningar. Kjörorð Framsóknarflokksins í Reykjavík í kosningunum verða Reykjavík fyrir alla. Þriðja apríl tilkynnti Óskar Bergsson að hann hafði ákveðið að axla ábyrgð á slælegu gengi flokksins í skoðanakönnunum og bjóða ekki fram í kosningunum. Eftir ákvörðun hans um að hætta framboð var leit hafin að nýjum oddvita, en athygli vakti að Guðrún Bryndís Karlsdóttir yrði ekki valin sem nýr oddviti. Voru bæði Guðni Ágústsson og Magnús Scheving nefndir sem mögulegir frambjóðendur. Guðni hafði ætlað að lýsa yfir framboði sínu við Reykjavíkurflugvöll þann 24. apríl 2014 en hætti síðan við kvöldið áður þegar hann tilkynnti að hann myndi ekki bjóða sig fram. Þann 29. apríl 2014 var síðan Sveinbjörg Birna Sveinbjörnsdóttir tilkynnt sem oddviti flokksins á aukakjördæmisþingi flokksins. Þann 23. maí lýsti Sveinbjörg Birna, oddviti Framsóknar, þeirri skoðun sinni að afturkalla ætti lóð sem búið var að úthluta til byggingu mosku í Reykjavík. Fyrir vikið upphófst gagnrýnin umræða á netinu og Hreiðar Eiríksson sagði sig frá fimmta sæti listans.

Upprunalegu 7 efstu sæti framboðslista Framsóknar
Óskar Bergsson, rekstrarfræðingur og húsasmíðameistari Guðrún Bryndís Karlsdóttir, sjúkraliði og verkfræðingur Valgerður Sveinsdóttir, lyfjafræðingur Guðlaugur Gylfi Sverrisson, vélfræðingur Hafsteinn Ágústsson, kerfisstjóri Hallveig Björk Höskuldsdóttir, öryggisstjóri Trausti Harðarson, viðskiptafræðingur

10 efstu sæti framboðslista Framsóknar eftir 29. apríl 2014

Sveinbjörg Birna Sveinbjörnsdóttir, héraðsdómslögmaður Guðfinna Guðmunsdóttir, héraðsdómslögmaður Gréta Björg Egilsdóttir, íþróttafræðingur Jóna Björg Sætran, menntunarfræðingur og markþjálfi Hreiðar Eiríksson, héraðsdómslögmaður og fyrrverandi lögreglumaður Ríkharð Óskar Guðnason, útvarpsmaður Trausti Harðarson, viðskiptafræðingur Herdís Telma Jóhannsdóttir, verslunareigandi Katrín Dögg Ólafsdóttir, jafnréttisfulltrúi lögreglunnar Jón Sigurðsson, skemmtikraftur

Píratar

Framboðslistakosningum Pírata lauk þann 22. febrúar og voru eftirtaldir frambjóðendur valdir á lista þeirra. Kosningarnar voru þær fyrstu sem Píratar buðu fram í á sveitarstjórnarstigi og lýsti oddviti framboðsins því yfir að verið væri að móta stefnu flokksins á það stig.

Samfylkingin

Auglýsingar við Hringbraut sem sýna Dag B. Eggertsson, frambjóðanda Samfylkingarinnar.

Fulltrúaráð Samfylkingarinnar í Reykjavík samþykkti þann 25. nóvember 2013 að fjórir efstu fulltrúar flokksins í borgarstjórnarkosningunum skyldu vera valdnir í flokksvali en hinir yrðu uppstilltir. Prófkjör fóru fram í netkosningu frá 7.-8. febrúar 2014 og lýsti Dagur B. Eggertsson einn því yfir að hann sóttist eftir oddvitasætinu. Úr prófkjörinu voru Dagur B. Eggertsson, Björk Vilhelmsdóttir, Hjálmar Sveinsson og Kristín Soffía Jónsdóttir valin í fyrstu fjögur sætin og var það flokksstjórnar að velja hin sætin á eftir með niðurstöður prófkjörsins að leiðarljósi. Fléttulisti var notaður til þess að tryggja kynjajafnrétti.

10 efstu sæti framboðslista Samfylkingarinnar
Dagur B. Eggertsson, borgarfulltrúi og læknir Björk Vilhelmsdóttir, borgarfulltrúi Hjálmar Sveinsson, varaborgarfulltrúi Kristín Soffía Jónsdóttir, varaborgarfulltrúi Skúli Helgason, stjórnmálafræðingur Heiða Björg Hilmisdóttir, deildastjóri LSH Magnús Már Guðmundsson, framhaldsskólakennari Dóra Magnúsdóttir, stjórnsýslufræðingur Sabine Leskopf Tomasz Chrapek

Sjálfstæðisflokkurinn

Prófkjör Sjálfstæðisflokksins í Reykjavík fóru fram 16. nóvember 2013. Fjórir tilkynntu um framboð í fyrsta sætið: Hildur Sverrisdóttir, lögfræðingur, Halldór Halldórsson fyrrverandi formaður Sambands íslenskra sveitarfélaga, Júlíus Vífill Ingvarsson, borgarfulltrúi, og Þorbjörg Helga Vigfúsdóttir, borgarfulltrúi. Í prófkjörinu greiddu 5.075 flokksmenn atkvæði og fyrir fyrsta sætið hlaut Halldór Halldórsson þar flest og mun hann þá vera oddviti flokksins í komandi kosningu.

Vinstrihreyfingin - grænt framboð

Valfundur var haldinn meðal félaga Vinstrihreyfingarinnar - græns framboðs um efstu fimm sæti á lista þeirra og sóttu um 400 meðlimir flokksins fundinn.

5 efstu sæti framboðslista Vinstrihreyfingarinnar - grænt framboð
Sóley Tómasdóttir Líf Magneudóttir Hermann Valsson Eyrún Eyþórsdóttir Gísli Garðarsson

Kannanir

Framkvæmd	Aðili	Úrtak	Nefna flokk	Framsóknarfl.	Sjálfstæðisfl.	Samfylkingin	Vinstri græn	Björt framtíð	Besti flokkurinn	Píratar	Aðrir
1.4-30.4.2013	Þjóðarpúlsinn	2.496 (60,3%)	78,7%	8,6%	31,7%	16,7%	7,9%		31,9%		3,2%
15.08-14.09 2013	Þjóðarpúlsinn	2.682 (60,1%)	87%	4,1%	31,4%	15,1%	10,6%		34,8%		4,1%
6.11-18.11	MBL	2.600 (59%)		2,3%	26,6%	17,5%	9,0%	29,4%		10,1%	5,1%
nóvember 2013	Þjóðarpúlsinn Geymt 10 febrúar 2014 í Wayback Machine	2.066 (60,2%)	75,8%	3,3%	28,7%	20,5%	9,3%	33,9%			4,3%
16.1-16.2 2014	Þjóðarpúlsinn[óvirkur tengill]	1.730 (60,2%)	83,0%	3,3%	28,5%	18,2%	9,7%	28,1%		10,9%	1,4%
12.3 2014	Fréttablaðið	805 (65,0%)	60,0%	3,7%	23,1%	23,0%	9,5%	28,3%		10,9%	9,6%
20.2-19.3 2014	Þjóðarpúlsinn[óvirkur tengill]	2.738 (59,7%)	82,6%	3,6%	23,5%	23,5%	9,9%	22,7%		13,2%	2,1%
19.2-10.4 2014	Þjóðarpúlsinn	2100 (60%)	87%	3,0%	25,5%	27,6%	6,5%	24,3%		10,5%	2,6%
30.4-6.5 2014	Félagsvísindastofnun HÍ			4,5%	27,2%	30,3%	6,0%	19,7%		10,0%
15.4-7.5 2014	Þjóðarpúlsinn Geymt 4 apríl 2015 í Wayback Machine	1.591	80%	4,9%	23,2%	29,9%	9,2%	20,5%		10,6%	1,7%
12.5-15.5 2014	Félagsvísindastofnun HÍ	1.591	80%	3,1%	21,5%	34,1%	6,3%	22,2%		9,4%	3,5%
23.5-29.5 2014	Þjóðarpúlsinn	1.991	60%	6,9%	22.6%	36,7%	7,9%	17,8%		6,3%	1,7%