François Hollande

Úr Wikipediu, frjálsa alfræðiritinu
Jump to navigation Jump to search
François Hollande
Francois Hollande 2015.jpeg
Forseti Frakklands
Í embætti
15. maí 2012 – 14. maí 2017
Persónulegar upplýsingar
Fædd(ur)

12. ágúst 1954

Rúðuborg, Frakkland
Stjórnmálaflokkur Sósíalistaflokkurinn
Maki Ségolène Royal (1978–2007), Valérie Trierweiler (2007–2014), Julie Gayet (2014–)
Trúarbrögð Trúleysi[1]
Háskóli HEC Paris, Institut d'études politiques de Paris
Starf Stjórnmálamaður
Undirskrift

François Gérard Georges Nicolas Hollande (fæddur 12. ágúst 1954) var 24. forseti Frakklands og gegndi þeirri stöðu frá þeim 15. maí 2012 til 14. maí 2017. Hann tilheyrir sósíalístaflokknum. Hollande er fæddur í borginni Rúðuborg í Frakklandi.

Hollande hóf stjórnmálaferil sinn sem ráðgjafi hins nýkjörna François Mitterrand Frakklandsforseta og gerðist síðar aðstoðarmaður talsmanns Mitterrand-stjórnarinnar, Max Gallo. Hann var kjörinn á franska þjóðþingið árið 1988 og varð fyrsti ritari franska Sósíalistaflokksins árið 1997. Eftir að sósíalistar unnu héraðskosningar í Frakklandi árið 2004 var Hollande orðaður við forsetaframboð og sagði því af sér sem aðalritari. Hann var kjörinn til að taka við forsetaembætti franska héraðsráðsins í Corrèze af Jean-Pierre Dupont árið 2008. Árið 2011 tilkynnti Hollande að hann yrði forsetaframbjóðandi Sósíalistaflokksins í kosningunum árið 2012. Hann vann tilnefningu flokksins og sigraði sitjandi forseta Frakklands, Nicolas Sarkozy, í forsetakosningunum þann 6. maí 2012 með 51.7% greiddra atkvæða.[2]

Á forsetatíð sinni lögleiddi Hollande hjónaband samkynhneigðra, dró franska hermenn út úr stríðinu í Afganistan,[3][4] og gerði samninga um stefnu Evrópusambandsins við Þýskaland. Forsetatíð hans einkenndist einnig af hryðjuverkum sem framin voru í Frakklandi, sérstaklega skotárásinni á Charlie Hebdo í janúar 2015, hryðjuverkaárásum í París í nóvember sama ár og árás í Nice á Bastilludag árið eftir. Hollande sendi einnig franska hermenn til Malí og Mið-Afríkulýðveldisins með samþykki öryggisráðs Sameinuðu þjóðanna til þess að koma á stöðugleika í ríkjunum. Almennt eru hernaðaraðgerðir Frakka í þessum löndum taldar hafa skilað góðum árangri. Hins vegar var Hollande gangrýndur, sérstaklega af vinstrisinnuðum stuðningsmönnum sínum, fyrir að styðja inngrip Sáda í borgarastyrjöldina í Jemen.[5][6][7] Á valdatíð Hollande varð Frakkland einnig vinsælasti ferðamannastaður í heimi[8][9][10] og stutt var við frjálsa verslun og takmörkun á ríkisafskiptum af fjármálum.[11][12] Loftslagsráðstefna Sameinuðu þjóðanna var haldin í París árið 2015 og Hollande tókst að fá samþykki fyrir því að Sumarólympíuleikarnir 2024 verði haldnir í borginni.

Atvinnuleysi varð hins vegar mikið í stjórnartíð Hollande og náði allt að tíu prósentum í desember árið 2016.[7][13] Auk þess leiddu innanríkisvandamál[14] vegna hryðjuverkaárása til þess að vinsældir Hollande tóku miklar sveiflur uns hann var orðinn einn óvinsælasti forseti í sögu Frakklands.[15][16][17] Þann 1. desember 2016 tilkynnti Hollande að hann myndi ekki sækjast eftir endurkjöri í forsetakosningum ársins 2017 og lýsti síðar yfir stuðningi við Emmanuel Macron, sem vann kosningarnar og tók við af Hollande sem forseti sama ár.[18][19] Hollande er fyrsti forseti fimmta lýðveldisins sem hefur látið af störfum eftir eitt kjörtímabil án þess að sækjast eftir endurkjöri.

Tilvísanir[breyta | breyta frumkóða]

  1. Duchemin, Rémi 23 January 2014, „François Hollande, un athée très discret". Europe1.fr. (fr) (Europe 1). Skoðað 13 July 2014.
  2. „Frakkar kjósa breytingar". Morgunblaðið. (). 7. maí 2012. Skoðað 20. mars 2018.
  3. Chrisafis, Angélique 13 January 2013, „Mali: high stakes in 'Hollande's war'". The Guardian. (London). Skoðað 2 February 2013.
  4. Fouquet, Helene 26 January 2012, „Socialist Hollande Pledges Tax Breaks End, Eased Pension Measure". . (Bloomberg). Skoðað 6 May 2012.
  5. „EU must be firm on 'hard' Brexit, says Hollande". Sky News. (en-GB) Skoðað 4. desember 2016.
  6. Chrisafis, Angelique 2016-10-07, „UK must pay price for Brexit, says François Hollande". The Guardian. (en-GB) ISSN 0261-3077 Skoðað 4. desember 2016.
  7. 7,0 7,1 Horobin, William 2016-12-01, „French President François Hollande Says He Won’t Run for Re-Election". Wall Street Journal. ISSN 0099-9660 Skoðað 4. desember 2016.
  8. „Tourism is a Top Priority for President François Hollande's Administration | US Media". us.media.france.fr. Skoðað 4. desember 2016.
  9. „Tourism in France takes fresh hit from recent terror attacks - France 24". France 24. (en-US) 2016-08-07. Skoðað 4. desember 2016.
  10. „Disappointing growth, suffering tourism - Understand France". Understand France. (en-US) 2016-08-03. Skoðað 4. desember 2016.
  11. „France Economy: Facts, Population, GDP, Unemployment, Business, Trade". www.heritage.org. Skoðað 4. desember 2016.
  12. „The World Factbook — Central Intelligence Agency". www.cia.gov. Skoðað 4. desember 2016.
  13. „Bowing Out, Francois Hollande Leaves Successor To Fix French Economy". NDTV.com. Skoðað 4. desember 2016.
  14. „Why is François Hollande so unpopular in France?". RFI. (en-GB) 2013-05-06. Skoðað 4. desember 2016.
  15. Chrisafis, Angelique 2013-10-29, „François Hollande becomes most unpopular French president ever". The Guardian. (en-GB) ISSN 0261-3077 Skoðað 4. desember 2016.
  16. „Nearly 90 percent of the French now disapprove of their president". Washington Post. Skoðað 4. desember 2016.
  17. „Francois Hollande now the most unpopular president in French history". Mail Online. Skoðað 4. desember 2016.
  18. „French President Francois Hollande says he will not seek second term". ABC News. (en-AU) 2016-12-02. Skoðað 4. desember 2016.
  19. „Après l'échec de Hamon, Hollande se met en marche pour Macron". . (Fr) 2017-04-24. Skoðað 9. maí 2017.


Fyrirrennari
Nicolas Sarkozy
Forseti Frakklands
2012 — 2017
Eftirmaður
Emmanuel Macron
  Þetta æviágrip er stubbur. Þú getur hjálpað til með því að bæta við greinina.