Evrópukeppnin í knattspyrnu 1980

Úr Wikipediu, frjálsa alfræðiritinu
(Endurbeint frá EM1980)

Evrópukeppnin í knattspyrnu 1980 eða EM 1980, var sjötta Evrópukeppni karla í knattspyrnu. Lokakeppnin var haldin í Ítalíu á tímabilinu 11. og 22. júní 1980. Í keppninni voru í fyrsta skipti átta lið sem léku til úrslita í stað fjögurra áður. Keppnina sigraði Vestur-Þýskaland í leik gegn belgíska landsliðinu með tvem mörkum gegn einu. Í leik um þriðja sætið sigraði landslið Tékkóslóvakíu Ítali í vítaspyrnukeppni sem fór níu mörk gegn átta.

Val á gestgjöfum[breyta | breyta frumkóða]

Fyrri úrslitakeppnir Evrópumótsins höfðu talið fjögur lið, þar sem gestgjafar voru valdir úr hópi þeirra liða sem tryggt höfðu sér sæti í úrslitakeppninni. Með því að stækka úrslitakeppnina þurfti að ákveða mótstaðinn með lengri fyrirvara, auk þess sem gestgjöfunum var tryggt öruggt sæti án forkeppni.

Haustið 1977 tilkynnti stjórn UEFA að Englendingar, Grikkir, Ítalir, Hollendingar, Svisslendingar og Vestur-Þjóðverjar væru allir fúsir til að taka að sér verkefnið. Í fyrstu umferð var umsóknarlöndunum fækkað niður í tvö: England og Ítalíu. Tæpum mánuði síðar var tilkynnt að Ítalir hefðu hreppt hnossið.

Undankeppni[breyta | breyta frumkóða]

Keppt var í sjö riðlum. Lið frá Austur-Evrópu, sem verið höfðu sigursæl í fyrri keppnum, áttu erfitt uppdráttar og komust fæst áfram. Júgóslavar féllu naumlega úr leik fyrir Spánverjum og Hollendingar skutu bæði Pólverjum og Austur-Þjóðverjum aftur fyrir sig. Þessar þrjár þjóðir voru í riðli með Íslendingum sem töpuðu öllum átta leikjum sínum í keppninni og hlutu markatöluna 2:21.

Sovétmenn sem löngum voru taldir í hópi sterkustu Evrópuliðanna ollu vonbrigðum og enduðu í fjórða og neðsta sæti síns riðils, sem Grikkir unnu óvænt. Maltverjar náðu aðeins einu stigi í sínum riðli en fögnuðu því vel, enda frækilegt jafntefli gegn Vestur-Þjóðverjum.

Úrslit[breyta | breyta frumkóða]

Átta lið kepptu í úrslitakeppninni. Þeim var skipt upp í tvo fjögurra liða riðla. Sigurlið hvors um sig komust í úrslitaleikinn en liðin í öðru sæti léku um bronsverlaun.

Riðill 1[breyta | breyta frumkóða]

Vestur-Þjóðverjar unnu sigra á Evrópumeisturum Tékkóslóvakíu og Hollendingum í fyrstu tveimur umferðunum og dugði því tilþrifalítið jafntefli í lokaleiknum gegn Grikkjum sem kepptu á sínu fyrsta stórmóti.

Sæti Lið L U J T Sk Fe M.munur Stig
1 Vestur-Þýskaland 3 2 1 0 4 2 +2 5
2 Tékkóslóvakía 3 1 1 1 4 3 +1 3
3 Holland 3 1 1 1 4 4 0 3
4 Grikkland 3 0 1 2 1 4 -3 1
11. júní 1980
Tékkóslóvakía 0:1 Vestur-Þýskaland Ólympíuleikvangurinn, Róm
Áhorfendur: 10.500
Dómari: Alberto Michelotti, Ítalíu
Rummenigge 57
11. júní 1980
Holland 1:0 Grikkland Stadio San Paolo, Napólí
Áhorfendur: 14.990
Dómari: Adolf Prokop, Austur-Þýskalandi
Kist 65 (vítasp.)
14. júní 1980
Vestur-Þýskaland 3:2 Holland Stadio San Paolo, Napólí
Áhorfendur: 29.889
Dómari: Robert Wurtz, Frakklandi
Allofs 20, 60, 65 Rep 79 (vítasp.), W. van de Kerkhof 85
14. júní 1980
Grikkland 1:3 Tékkóslóvakía Ólympíuleikvangurinn, Róm
Áhorfendur: 7.614
Dómari: Pat Partridge, Englandi
Anastopoulos 14 Panenka 6, Vízek 26, Nehoda 63
17. júní 1980
Holland 1:1 Tékkóslóvakía San Siro, Mílanó
Áhorfendur: 11.889
Dómari: Hilmi Ok, Tyrklandi
Kist 59 Nehoda 16
17. júní 1980
Grikkland 0:0 Vestur-Þýskaland Stadio Comunale, Tórínó
Áhorfendur: 13.901
Dómari: Brian McGinlay, Skotlandi

Riðill 2[breyta | breyta frumkóða]

Lítið var skorað í riðlinum, þar sem heimamenn luku keppni með markatölunni 1:0. Belgar spilltu gleðinni fyrir gestgjöfunum með því ná markalausu jafntefli gegn þeim í lokaleiknum og tryggja sér þar með sigurinn í riðlinum.

Sæti Lið L U J T Sk Fe M.munur Stig
1 Belgía 3 1 2 0 3 2 +1 4
2 Ítalía 3 1 2 0 1 0 +1 4
3 England 3 1 1 1 3 3 0 3
4 Spánn 3 0 1 2 2 4 -2 1
12. júní 1980
Belgía 1:1 England Stadio Comunale, Tórínó
Áhorfendur: 15.186
Dómari: Heinz Aldinger, Vestur-Þýskalandi
Ceulemans 29 Wilkins 26
12. júní 1980
Spánn 0:0 Ítalía San Siro, Mílanó
Áhorfendur: 46.337
Dómari: Károly Palotai, Ungverjalandi
15. júní 1980
Belgía 2:1 Spánn San Siro, Mílanó
Áhorfendur: 11.430
Dómari: Charles Corver, Hollandi
Gerets 17, Cools 65 Quini 36
15. júní 1980
England 0:1 Ítalía Stadio Comunale, Tórínó
Áhorfendur: 59.649
Dómari: Nicolae Rainea, Rúmeníu
Tardelli 79
18. júní 1980
Spánn 1:2 England Stadio San Paolo, Napólí
Áhorfendur: 14.440
Dómari: Erich Linemayr, Austurríki
Dani 48 (vítasp.) Brooking 19, Woodcock 61
18. júní 1980
Ítalía 0:0 Belgía Ólympíuleikvangurinn, Róm
Áhorfendur: 42.318
Dómari: António Garrido, Portúgali

Bronsleikur[breyta | breyta frumkóða]

Í síðasta sinn var keppt um 3. sætið á Evrópumóti. Úrslit fengust ekki fyrr en eftir maraþon vítakeppni þar sem leikmenn skoruðu úr sautján fyrstu spyrnunum uns úrslit réðust.

21. júní - Stadio San Paolo, Napólí, áh. 24.659

Úrslitaleikur[breyta | breyta frumkóða]

Vestur-Þjóðverjar höfðu mátt sætta sig við silfurverðlaunin á tveimur síðustu mótum þegar komið var til leiks gegn Belgum. Horst Hrubesch leikmaður Hamburger SV skoraði eftir tíu mínútur og aftur í lokin, en í millitíðinni hafði René Vandereycken leikmaður Club Brugge jafnað metin úr vítaspyrnu.

22. júní 1980
Vestur-Þýskaland 2:1 Belgía Ólympíuleikvangurinn, Róm
Áhorfendur: 47.860
Dómari: Nicolae Rainea, Rúmeníu
Hrubesch 10, 80 Vandereycken 75 (vítasp.)

Heimildir[breyta | breyta frumkóða]