Evrópukeppnin í knattspyrnu 1992

Evrópukeppnin í knattspyrnu 1992, oftast nefnd EM 1992, var í níunda skiptið sem Evrópukeppni karla í knattspyrnu hefur verið haldin. Lokamótið var haldið í Svíþjóð á dögunum 10. til 26. júní 1992. Mótið er haldið fjórða hvert ár á vegum Knattspyrnusambands Evrópu. Þetta var síðasta mótið þar sem aðeins átta lið taka þátt í lokamótinu. Landslið Júgóslavíu komst áfram í lokakeppnina en var síðar meinuð þátttaka vegna stríða í landinu. Í stað þeirra spilaði landslið Danmerkur sem svo unnu mótið í úrlitaleik gegn Þýsklandi. Þetta var fyrsti titill Danmerkur í keppninni.

Aðdragandi og skipulag[breyta | breyta frumkóða]

Svíar og Spánverjar föluðust eftir að halda keppnina. Framkvæmdastjórn UEFA valdi Svíþjóð og var það talið mæla gegn spænska framboðinu að Sumarólympíuleikarnir 1992 og heimssýningin í Sevilla fóru fram sama ár.

Þetta var síðasta úrslitakeppnin með aðeins átta þátttökuliðum og jafnframt síðasta keppnin þar sem tvö stig voru gefin fyrir sigur í stað þriggja. Einnig var þetta síðasta stórmótið í knattspyrnu þar sem markverðir máttu handleika knöttinn eftir sendingu frá samherja.

Úrslit[breyta | breyta frumkóða]

Átta lið kepptu í úrslitakeppninni. Þeim var skipt upp í tvo fjögurra liða riðla. Efstu tvö lið hvors um sig komust í undanúrslit.

Riðill 1[breyta | breyta frumkóða]

Heimamenn Svíar fóru sannfærandi upp úr riðlinum með tveimur sigrum og jafntefli. Danir virtust vonlitlir fyrir lokaumferðina með aðeins eitt stig en unnu óvæntan sigur á Frökkum og tryggðu sér hitt sætið í undanúrslitum. Frammistaða Englendinga olli vonbrigðum.

Sæti	Lið	L	U	J	T	Sk	Fe	M.munur	Stig
1	Svíþjóð	3	2	1	0	4	2	+2	5
2	Danmörk	3	1	1	1	2	2	0	3
3	Frakkland	3	0	2	2	3	2	-1	2
4	England	3	0	2	1	1	2	-1	2

10. júní - Råsunda Stadium, Solna

Svíþjóð 1 : 1 Frakkland

11. júní - Malmö Stadion, Malmö

Danmörk 0 : 0 England

14. júní - Malmö Stadion, Malmö

Frakkland 0 : 0 England

14. júní - Råsunda Stadium, Solna

Svíþjóð 1 : 0 Danmörk

17. júní - Råsunda Stadium, Solna

Svíþjóð 2 : 1 England

17. júní - Malmö Stadion, Malmö

Frakkland 1 : 2 Danmörk

Riðill 2[breyta | breyta frumkóða]

Thomas Häßler bjargaði Þjóðverjum fyrir horn með því að jafna á lokamínútunni gegn liði Samveldisins, sem gerði einnig jafntelf jafntefli við Hollendinga í næsta leik. Skotar komu á óvart og skelltu Samveldinu 3:0 í lokaleiknum með þeim afleiðingum að Holland og Þýskaland hirtu tvö efstu sætin í riðlinum.