Luigi Di Maio

Úr Wikipediu, frjálsa alfræðiritinu
Jump to navigation Jump to search
Luigi Di Maio
Luigi Di Maio daticamera 2018.jpg
Atvinnuráðherra og varaforsætisráðherra Ítalíu
Núverandi
Tók við embætti
1. júlí 2018
Persónulegar upplýsingar
Fæddur6. júlí 1986 (1986-07-06) (33 ára)
Avellino, Ítalíu
ÞjóðerniÍtalskur
StjórnmálaflokkurFimmstjörnuhreyfingin
Undirskrift

Luigi Di Maio (f. 6. júlí 1986 í Avellino) er leiðtogi Fimmstjörnuhreyfingarinnar á Ítalíu og tók við þeirri stöðu 23. september 2017.

Ferill[breyta | breyta frumkóða]

Di Maio er elstur þriggja bræðra. Móðir hans kennir ítölsku og latínu en faðir er kaupsýslumaður í byggingariðnaði. Hann hóf nám í verkfræði en skipti frá því til lögfræði en hvarf frá því án þess að ljúka prófi. Hann hefur áður starfað sem blaðamaður, vefhönnuður og sem gæslumaður á íþróttaleikvangi.

Eftir kosningasigur Fimmstjörnuhreyfingarinnar árið 2018 situr Di Maio sem atvinnuráðherra, ráðherra fjárhagsþróunar og varaforsætisráðherra í ríkisstjórn Giuseppe Conte. Ásamt Matteo Salvini, formanni samstarfsflokksins Lega Nord, er Di Maio talinn hinn eiginlegi valdsmaður stjórnarinnar.

Þann 30. september 2018 kynnti Di Maio fyrstu fjárlög ríkisstjórnarinnar og lýsti því yfir að þau myndu „útrýma fátækt“ á Ítalíu.[1] Framkvæmdastjórn Evrópusambandsins hafnaði hins vegar þessum fjárlögum þann 23. september með þeim röksemdum að fjárlögin færu á svig við viðmiðin sem sambandið setur aðildarríkjum sínum. Þetta var í fyrsta sinn sem framkvæmdastjórnin skipaði aðildarríki að endurskoða fjárlagafrumvarp sitt.[2] Di Maio sagði viðbrögð Evrópusambandsins ekki koma á óvart því fjárlögin væru „fyrstu fjár­lög Ítal­íu sem hafi verið skrifuð í Róm, en ekki í Brus­sel.“[3] Ríkisstjórnin neyddist síðar til að gera breytingar á fjárlögunum og draga úr fjárhallanum til þess að koma í veg að þurfa að sæta sektargreiðslum af hálfu Evrópusambandsins.[4]

Tilvísanir[breyta | breyta frumkóða]

  1. Jónas Atli Gunnarsson (30. september 2018). „„Fátæktinni útrýmt“ með nýjum fjárlögum“. Kjarninn. Sótt 1. október 2018.
  2. „ESB gerir ítölsku stjórnina afturreka“. RÚV. 23. október 2018. Sótt 23. október 2018.
  3. „ESB hafn­ar fjár­lög­um Ítala“. mbl.is. 23. október 2018. Sótt 23. október 2018.
  4. „Ítalir lúffa í fjár­laga­deilu sinni við ESB“. Vísir. 12. desember 2018. Sótt 12. desember 2018.
  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.