Austur-Ástralíustraumurinn

Úr Wikipediu, frjálsa alfræðiritinu
Hitamynd af Austur-Ástralíustraumnum

Austur-Ástralíustraumurinn er hafstraumur í Kyrrahafi. Hann er grein af Suður-Miðbaugsstraumnum sem streymir í suður eftir austurströnd Ástralíu og flytur hlýjan sjó og lífverur úr Kóralhafi suður eftir landgrunni Ástralíu. Hraði straumsins er yfirleitt um þrír hnútar en getur náð allt að sjö hnútum á grynningum. Straumurinn veldur hringiðu í Tasmanhafi milli Ástralíu og Nýja Sjálands.

Á hverju sumri flytur straumurinn þúsundir af fiskum og öðrum lífverum frá Kóralrifinu mikla til Sidneyhafnar og lengra suður. Í teiknimyndinni Leitin að Nemó frá 2003 er Austur-Ástralíustraumurinn (eða AÁSið) sýndur sem eins konar hraðbraut fyrir sjávardýr sem flytur trúðfiskinn Marel til Sidneyhafnar.

Puzzle stub.svg  Þessi grein er stubbur. Þú getur hjálpað til með því að bæta við greinina.