Tókelá

Tokelau
Fáni	Skjaldarmerki
Kjörorð: „Tokelau mo te Atua“
Þjóðsöngur: God Save the Queen
Höfuðborg	Atafu (óopinber)
Opinbert tungumál	tókeláíska, enska, samóska
Stjórnarfar Drottning Landstjóri Forsætisráðherra	Þingbundin konungsstjórn Elísabet 2. Jonathan Kings Kuresa Nasau
Flatarmál  - Samtals  - Vatn (%)	233. sæti 10 km² ~0%
Mannfjöldi  - Samtals (2011)  - Þéttleiki byggðar	237. sæti 1.411 115/km²
VLF (KMJ) - Samtals - á mann	áætl. 1993 0,015 millj. dala (227. sæti) 1.035 dalir (*. sæti)
Gjaldmiðill	nýsjálenskur dalur (NZD)
Tímabelti	UTC+13
Þjóðarlén	.tk
Landsnúmer	+690

Tókelá eru þrjár baugeyjar (Atafu, Nukunonu og Fakaofo) í Suður-Kyrrahafi undir yfirráðum Nýja-Sjálands, norðan við Samóa, austan við Túvalú, sunnan við Fönixeyjar, suðvestan við Línueyjar og norðvestan við Cookseyjar. Samanlagt flatarmál eyjanna er um 10 ferkílómetrar og þar búa um 1400 manns. Eyjarnar skiptast á að halda höfuðborg. Eyjarnar eru stundum kallaðar Sambandseyjar eins og nýlendan hét. Eyjarnar voru hluti af breska verndarsvæðinu Gilberts- og Elliseyjum til 1925 þegar stjórn þeirra var færð til Nýja-Sjálands.

Landfræði

Eyjarnar þrjár sem mynda Tókelá eru á milli 171 og 173° vestlægrar lengdar og 8 og 10° suðlægrar breiddar, um það bil miðja vegu milli Nýja Sjálands og Hawaii og um 500 km norðan við Samóa. Eyjarnar Atafu og Nukunonu voru eitt sinn nefndar eyjaklasi hertogans af Clarence og Fakaofo var eitt sinn nefnd Bowditch. Það eru engar hafnir á eyjunum. Eyjarnar eru í fellibyljabeltinu. Swains-eyja (Olohega), sem er hluti af Bandaríska Samóa, var áður nátengd Tókelá efnahagslega og menningarlega, en hún hefur verið undir bandarískum yfirráðum frá 1900 og formlega hluti af Bandaríska Samóa frá 1925.

Bandaríkin gerðu tilkall til allra fjögurra eyjanna með Gúanóeyjalögunum 1856 og Bretar gerðu sömuleiðis tilkall til Olohega auk Tókelá. Gerður var samningur um landamæri milli Tókelá og Bandarísku Samóa 1979.

  Þessi landafræðigrein er stubbur. Þú getur hjálpað til með því að bæta við greinina.