Ráðstefna um samband Asíuríkja

Úr Wikipediu, frjálsa alfræðiritinu
Jump to navigation Jump to search
Gandhi á ráðstefnunni árið 1947.
Tveir sendifulltrúar frá Tíbet við ráðstefnuna í Delí árið 1947 hlusta á Gandhi (lengst til vinstri) tala. Fyrir framan þá má sjá tíbeskan fána ásamt fánum annarra þátttökuríkja.

Ráðstefna um samband Asíuríkja var haldin í Nýju Delí í mars og apríl árið 1947. Gestgjafi ráðstefnunnar var Jawaharlal Nehru forsætisráðherra Indlands, sem leiddi á þessum tíma bráðabirgðastjórn til að undirbúa sjálfstæði Indlands, sem var staðfest þann 15. ágúst sama ár. Á ráðstefnunni um samband Asíuríkja komu saman margir leiðtogar asískra sjálfstæðishreyfinga og reynt var í fyrsta sinn að tala fyrir samstöðu Asíuríkja. Markmið ráðstefnunnar var að „sameina forystumenn og -konur Asíu í sameiginlegri stefnu til að rannsaka sameiginleg vandamál íbúa heimsálfunnar, rýna í samfélags-, efnahags- og menningarvandamál hinna ýmsu ríkja Asíu og ýta undir gagnkvæm samskipti og skilning meðal þeirra.“

Í ræðum sínum og ritum hafði Nehru lagt mikla áherslu á hvernig Indland myndi byggja upp sambönd sín við önnur Asíuríki eftir sjálfstæði sitt frá Bretum. Á ráðstefnunni sagði Nehru: „[...] Asía er nú á ný að finna sjálfa sig [...] ein helsta afleiðingin af evrópskum yfirráðum í Asíu hefur verið einangrun á meðal Asíuríkja. [...] Í dag ríður þessi einangrun til falls af ýmsum ástæðum, bæði pólitískum og annars kyns [...] Þessi ráðstefna er mikilvæg tjáning á dýpri vilja huga og anda Asíu sem hefur þraukað [...] Á þessari ráðstefnu og með þessari vinnu eru engir leiðtogar og engir fylgismenn. Öll ríki Asíu verða að koma saman til að inna af hendi sameiginleg verkefni [...]“[1][2]

Tilvísanir[breyta | breyta frumkóða]

  1. „Pt. Jawaharlal Nehru's speech“. Asian Relations Conference 1947. Sótt 1. október 2019.
  2. Sharan, Shankar (ágúst 1997). „Fifty Years After the Asian Relations Conference“ (PDF). Tibetan Parliamentary & Policy Research Centre. Tibetan Parliamentary & Policy Research Centre. bls. 40. Afrit af upprunalegu (PDF) geymt þann 7. apríl 2014. Sótt 1. október 2019.

Tenglar[breyta | breyta frumkóða]

Wikimedia Commons er með margmiðlunarefni sem tengist