Lauftré

Úr Wikipediu, frjálsa alfræðiritinu
Eikarskógur í Danmörku að vetri
Laufskógur í Hildesheim, Þýskalandi
Haustlitir

Lauftré eru tré af fylkingu dulfrævinga (Angiospermae) sem hylja þau fræ sín aldini. Sum þeirra eru sumargræn sem þýðir að lauf þeirra haldast að sumri til en falla að hausti. Á haustin draga sumargræn lauftré nitur og kolefni úr laufþekjunni niður í rætur áður en laufin falla af. Af þeim sökum litast laufin haustlitum. Efnin sem dregin eru í ræturnar nýtast í vöxt næsta ár. Laufskógar eru einkennandi fyrir laufskógabeltið sem tekur við sunnan barrskógabeltisins. Í laufskógabeltinu eru mildir, stuttir vetur og hlý sumur.

Lýsing[breyta | breyta frumkóða]

Lauftré hafa flöt og misbreið lauf. Lauftré vaxa bæði á hæðina og breiddina þótt mikill munur sé á því frá einni tegund til annarrar. Króna lauftrjáa er gjarnan kúlulaga. Laufin eru breið til að þau geti sem best tekið við sólarljósinu. Flest lauftré blómstra á vorin en hjá mörgum þeirra eru blómin mjög lítil og lítt áberandi. Á sumum lauftrjám myndast þyrpingar smárra blóma sem kallast reklar.[1]

Á Íslandi[breyta | breyta frumkóða]

Þrjár tegundir lauftrjáa hafa fundist villtar á Íslandi: ilmbjörk, ilmreynir og blæösp. Gulvíði og loðvíði mætti ef til vill telja með en þeir eru oftast smávaxnir runnar. Ótal aðrar tegundir hafa verið fluttar til landsins á 20. öld.

Listi lauftrjáa sem ræktuð hafa verið á Íslandi[breyta | breyta frumkóða]

(listinn er ekki tæmandi)

Tengt efni[breyta | breyta frumkóða]

Heimildir[breyta | breyta frumkóða]

  1. „Geymd eintak“. Afrit af upprunalegu geymt þann 10. september 2015. Sótt 21. ágúst 2015.